Zidane ថា កុំតែមិនសូវសំណាង ម្ល៉េះ Ronaldo ត្រូវទាត់ចូល៤គ្រាប់

2017-09-14 02:13:31
ចំនួនមតិ 0 | ចំនួនចែករំលែក 0

ចន្លោះមិនឃើញ

Real Madrid បានចាប់ផ្ដើមការប្រកួតដំបូងនៅ Champions League បានយ៉ាងល្អ ដោយបានយកឈ្នះ APOEL ៣-០ក្នុងផ្ទះ ហើយលោក Zinedine Zidane ក៏បានលើកសរសើរពី Cristiano Ronaldo ដែលបានត្រលប់មកវិញ។

Ronaldo បានលេងជាលើកដំបូង ចាប់តាំងពីមានការពិន័យ កាលពីជើងទី១ ពាន Spanish Super Cup ទល់នឹង Barcelona ហើយរូបគេរកបាន២គ្រាប់សម្រាប់ការត្រលប់មកវិញ ខណៈ Sergio Ramos ជាអ្នករកគ្រាប់ទី៣។

ក្រោយបញ្ចប់ការប្រកួត Zidane បានថ្លែងប្រាប់ BeIN ថា៖ "Ronaldo ជាកីឡាករល្អក្នុងពិភពលោក។ គេតែងតែនៅទីនេះ និងតែងតែរកគ្រាប់បាល់។ ប្រសិនជាគេសំណាងថ្ងៃនេះ គេគួរតែអាចរកបាន៤គ្រាប់។ ពួកយើងដឹងពីលទ្ធភាពរបស់ Ronaldo។ ចំពោះគ្រាប់បាល់ bicycle kick របស់ Sergio Ramos អ្នកចាត់ការសញ្ជាតិបារាំងបានបញ្ចេញមតិថា៖ "ជាធម្មតា Ramos តែងរកគ្រាប់បានដោយក្បាល ប៉ុន្តែគេក៏អាចប្រើក្បាច់ bicycle kick ទម្លុះសំណាញ់បានដូចគ្នា"។

ទាក់ទិននឹងរឿង Gareth Bale ត្រូវអ្នកគាំទ្រហួចស្រែកឌឺដង នៅពេលផ្លាស់ប្ដូរចេញ ទោះបាន Assist២គ្រាប់ Zidane បាននិយាយថា លោកមិនខ្វល់រឿងហួចអ្វីទេ គឺមានតែទះដៃលើកទឹកចិត្ត៕

ចុចអាន៖

ប្រភព៖ Marca ប្រែសម្រួល៖ ហេង សុធារិទ្ធិ