ល្ងាចនេះ ផាត់ សូដាប៉ះម្ចាស់ផ្ទះឥណ្ឌូណេស៊ី បើមានឱកាសនឹងវ៉ៃផ្ដាច់ហើយ
- 2017-09-15 23:08:00
- ចំនួនមតិ 0 | ចំនួនចែករំលែក 0
ល្ងាចនេះ ផាត់ សូដាប៉ះម្ចាស់ផ្ទះឥណ្ឌូណេស៊ី បើមានឱកាសនឹងវ៉ៃផ្ដាច់ហើយ
ចន្លោះមិនឃើញ
អ្នកលេងគុនខ្មែរ ផាត់ សូដា មានការបារម្ភរឿងកម្លាំងខ្លះៗផងដែរ ព្រោះត្រូវសម្រកទម្ងន់តាមប្រភេទគីឡូដែលខាងកម្មវិធីកំណត់ ហើយការថ្លឹងទម្ងន់មុនការប្រកួតនេះធ្វើឡើងរហូតដល់ទៅ៣ដងឯណោះ។
ផាត់ សូដា បានឲ្យដឹងថា ចំពោះស្នៀតប្រកួតរូបគេហ្វឹកហាត់បានច្រើនខែមកហើយសម្រាប់ត្រៀមការប្រកួតនៅប្រទេសឥណ្ឌូណេស៊ីនេះ ទាំងគុនខ្មែរ និងរបៀនចាប់ឃ្លេ ដោះឃ្លេជាដើម។ ប៉ុន្តែអ្វីដែលអ្នកប្រដាល់ខាងលើងព្រួយបារម្ភនោះគឺកម្លាំងស៊ុហ្វតែម្ដង ខ្លាចតែប្រកួតទៅអស់កម្លាំងនៅពេលប្រកួតទេ។
អ្នកប្រដាល់វ័យ ២៧ឆ្នាំម្នាក់នេះបន្ថែមទៀតថា ការថ្លឹងទម្ងន់ប្រកួតលើកនេះតម្រូវធ្វើឡើងរហូតដល់ទៅ៣ដងឯណោះ ថ្លឹងម្ដងត្រូវពិនិត្យទឹកនោមម្ដងដើម្បីមើលជាតិទឹក ហើយការបើការពិនិត្យលើកទី១ និងលើកទី២ជាប់ដូចគ្នា មិនបាចពិនិត្យនិងថ្លឹងលើកទី៣នោះទេ។ ការធ្វើថ្លឹងបែបនេះជាការលំបាកយ៉ាងខ្លាំងសម្រាប់គេ ប៉ុន្តែឥលូវនេះដំណើរការថ្លឹងទម្ងន់បានចប់សព្វគ្រប់ហើយ និងពីពេលនេះទៅចាប់ផ្ដើមបរិភោគបំប៉នឡើងវិញ។ បើនិយាយពីសមត្ថភាពដៃគូប្រកួតវិញអ្នកប្រដាល់របស់កម្ពុជាខាងលើលើកឡើងទៀតថា កីឡាករឥណ្ឌូណេស៊ី Matheis ពូកែថយហើយខាវដៃ និងម៉ាត់ រឿងចាប់លេងក្រោម សូដា ក៏មិនសូវបានដឹងដែរ ប៉ុន្តែខ្លួននឹងប្រយ័ត្ន ហើយបានត្រៀមក្បាច់ផ្សេងៗដើម្បីទប់ទល់ហើយ។
គូបញ្ជាក់ថាកីឡាករ ផាត់ សូដា របស់កម្ពុជានឹងត្រូវឡើងប្រឈមជាមួយអ្នកប្រដាល់ម្ចាស់ផ្ទះឥណ្ឌូណេស៊ីឈ្មោះ Matheis នៅក្នុងកម្មវិធីប្រដាល់ One Championship ថ្ងៃទី១៦ កញ្ញា ២០១៧ នេះនៅទីក្រុង Jakarta ចាប់ពីម៉ោង ៧ល្ងាចតទៅ៕