ប្រទេសទាំង១៥ ដែលម្ដាយឪពុកចាយលុយច្រើនជាងគេលើការរៀនសូត្ររបស់កូនខ្លួន

2017-09-20 01:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ការអប់រំជាវិស័យយ៉ាងសំខាន់ដែលធានាការអភិវឌ្ឍសមត្ថភាព និងចំណេះដឹងរបស់មនុស្ស។ ដូច្នេះហើយទើបឪពុកម្ដាយភាគច្រើនក្នុងពិភពលោក សុខចិត្តចំណាយធនធានលុយកាក់របស់ខ្លួនលើការសិក្សារបស់ខ្លួនក្នុងន័យសង្ឃឹមថាការវិនិយោគមួយនេះ នឹងធ្វើឲ្យកូនខ្លួនមានអនាគតល្អ។

បើតាមការសិក្សាថ្មីរបស់ក្រុមហ៊ុនហិរញ្ញវត្ថុ HSBC បានបង្ហាញនូវប្រទេសចំនួន ១៥ ដែលឪពុកម្ដាយចំណាយលុយច្រើនជាងគេលើពិភពលោកទៅលើការសិក្សារបស់កូនៗខ្លួន ដោយផ្អែកលើការចំណាយជាមធ្យមពីថ្នាក់បឋមសិក្សា រហូតដល់ចប់ថ្នាក់មហាវិទ្យាល័យ ដែលមានដូចតទៅ៖

១៥.ប្រទេសបារាំង៖ ១៦ ៧០៨ដុល្លារ

១៤.ប្រទេសអេហ្ស៊ីប៖ ១៦ ៨៦៣ដុល្លារ

១៣.ប្រទេសឥណ្ឌូណេស៊ី៖ ១៨ ៤៣៣ដុល្លារ

១២.ប្រទេសឥណ្ឌា៖ ១៨ ៩០៩ដុល្លារ

១១.ប្រទេសកាណាដា៖ ២២ ៦០២ដុល្លារ

១០.ប្រទេសម៉ិកស៊ិក៖ ២២ ៨១២ដុល្លារ

៩.ចក្រភពអង់គ្លេស៖ ២៤ ៨៦២ដុល្លារ

៨.ប្រទេសម៉ាឡេស៊ី៖ ២៥ ៤៧៩ដុល្លារ

៧.ប្រទេសអូស្ត្រាលី៖ ៣៦ ៤០២ដុល្លារ

៦.ប្រទេសចិន៖ ៤២ ៨៩២ដុល្លារ

៥.កោះតៃវ៉ាន់៖ ៥៦ ៤២៤ដុល្លារ

៤.សហរដ្ឋអាមេរិក៖ ៥៨ ៤៦៤ដុល្លារ

៣.ប្រទេសសិង្ហបុរី៖ ៧០ ៩៣៩ដុល្លារ

២.សហភាពអារ៉ាបរួម៖ ៩៩ ៣៧៨ដុល្លារ

១.ហុងកុង៖ បើទោះជាទឹកដីមួយនេះស្ថិតជាផ្នែកមួយនៃប្រទេសចិនក៏ដោយ ប៉ុន្តែទំហំទឹកប្រាក់ដែលឪពុកម្ដាយរស់នៅទីនោះចំណាយជាមធ្យមលើការរៀនសូត្រកូនពីថ្នាក់បឋម ដល់ចប់មហាវិទ្យាល័យមានរហូតដល់ទៅ ១៣២ ១៦១ដុល្លារ ដែលទិន្នន័យនេះវាស្មើនឹងជាង ៣ដង នៃទឹកប្រាក់ដែលឪពុកម្ដាយនៅប្រទេសចិនបានចំណាយ។

តាមចំណាត់ថ្នាក់នេះ មាតាបិតាក្នុងបណ្ដាប្រទេសអាស៊ីជាច្រើន បានចាយលុយច្រើនលើការរៀនសូត្ររបស់កូនៗរបស់ខ្លួន ខណៈមានតែប្រទេសពីរប៉ុណ្ណោះមកពីទ្វីបអឺរ៉ុប គឺបារាំង និងអង់គ្លេសដែលបានជាប់ក្នុងបញ្ជីនេះ។ ឪពុកម្ដាយក្នុងទឹកដីហុងកុង បានចំណាយប្រាក់ជាមធ្យមច្រើនជាងគេលើពិភពលោក លើការសិក្សារបស់កូនខ្លួន ខណៈប្រទេសឈរលេខរៀងបន្ទាប់គឺសហភាពអារ៉ាប់រួមដែលជាប្រទេសមជ្ឈិមបូព៌ាតែមួយគត់ជាប់ក្នុងចំណាត់ថ្នាក់នេះ។

គួរឲ្យចាប់អារម្មណ៍ផងដែរ មិនមានប្រទេសអាស៊ីអាគ្នេយ៍ដីគោកណាមួយមានវត្តមានក្នុងចំណោមបណ្ដាប្រទេសទាំងនេះទេ ពោលគឺមានតែប្រទេសអាស៊ីអាគ្នេយ៍ដីកោះប៉ុណ្ណោះមានដូចជា ឥណ្ឌូណេស៊ី ម៉ាឡេស៊ី និងសិង្ហបុរី ខណៈសិង្ហបុរីនេះផងដែរ ឈរជាប់រហូតដល់ទៅលេខ ៣ក្នុងបញ្ជីមួយនេះ៕

ប្រភព៖ weforum ប្រែសម្រួល៖ ហ៊ីម រស្មី