រឿង៥យ៉ាងត្រូវដឹង សម្រាប់រូបមន្ដថ្មីរបស់ 2018 AFF Suzuki Cup

2017-09-25 02:58:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពានរង្វាន់ 2018 AFF Suzuki Cup ឆ្នាំក្រោយនេះ នឹងកាន់តែទាក់ទាញជាងឆ្នាំមុនៗ ដោយសារតែមានការកែប្រែរូបមន្តខ្លះ ដើម្បីឱ្យអ្នកគាំទ្រគ្រប់ប្រទេសបានទស្សនាការប្រកួតងាយស្រួល។ ខាងក្រោមនេះជារឿង៥យ៉ាងត្រូវដឹងមុនការប្រកួតចាប់ផ្ដើមឆ្នាំក្រោយ៖

ការប្រកួតនឹងត្រូវធ្វើឡើងចាប់ពីថ្ងៃទី៨ខែវិច្ឆិកាដល់ថ្ងៃទី១៥ខែធ្នូឆ្នាំ២០១៨
ក្រុមទាំង១០ប្រទេសនឹងត្រូវបែងចែកជា២ពូល ប្រកួតគ្នាដោយប្រើរូបមន្ដក្នុងដីនិងក្រៅដី (មិនមានប្រទេសជាម្ចាស់ផ្ទះឡើយ)
ទីម័រ (លេខ១០) និងព្រុយណេ(លេខ១១) នឹងត្រូវលេងប្រកួតជម្រុះ ដើម្បីបានចូលជាមួយ៩ប្រទេសផ្សេងទៀត ដើម្បីធ្វើការចាប់ពូល
អូស្ត្រាលី ដែលបានលេងពានរង្វាន់កម្រិតយុវជនជាច្រើននៅអាស៊ាននោះ មិនមានវត្តមានក្នុងពាននេះទេ
សូម្បីតែវគ្គពាក់កណ្ដាលផ្ដាច់ព្រ័ត្រ និងផ្ដាច់ព្រ័ត្រក៏ត្រូវលេងក្នុងនិងក្រៅដីផងដែរ

ពានរង្វាន់ AFF Suzuki Cup បង្កើតឡើងតាំងពីឆ្នាំ១៩៩៦ ហើយលេងរៀងរាល់២ឆ្នាំម្ដង ដោយមានប្រទេសថៃជាក្រុមដែលឈ្នះពានរង្វាន់នេះច្រើនជាងគេ រហូតដល់ទៅ៥សម័យកាលមកហើយ៕

អត្ថបទ៖ មុន្នីរម្យ