ថៃជាប់លេខ ៣ ក្នុងចំណោមប្រទេសរកចំណូលបានច្រើនបំផុតពីវិស័យទេសចរណ៍
- 2017-09-25 12:24:27
- ចំនួនមតិ 0 | ចំនួនចែករំលែក 0
ថៃជាប់លេខ ៣ ក្នុងចំណោមប្រទេសរកចំណូលបានច្រើនបំផុតពីវិស័យទេសចរណ៍
ចន្លោះមិនឃើញ
ព្រះរាជាណាចក្រថៃបានជាប់ចំណាត់ថ្នាក់លេខ ៣ នៃបណ្ដាប្រទេសដែលរកចំណូលច្រើនបំផុតពីវិស័យទេសចរណ៍ នេះបើតាមស្ថិតិឆ្នាំ ២០១៦-២០១៧ ចេញដោយអង្គការទេសចរណ៍ពិភពលោករបស់អង្គការសហប្រជាជាតិ។
តាំងពីឆ្នាំ ២០១៦មក ប្រទេសអាស៊ីអាគ្នេយ៍ដីគោកមួយនេះ រកចំណូលពីវិស័យឧស្សាហកម្មគ្មានផ្សែងមួយនេះបាន ១,៦៥ ទ្រីលាន (ពាន់ ពាន់លាន) បាត ឬ ៤៩,៩ ប៊ីលាន (ពាន់លាន)ដុល្លារ។ ជាមួយទិន្នន័យនេះ ធ្វើឲ្យថៃក្លាយជាប្រទេសជាប់លេខ ៣ ក្នុងចំណោមប្រទេសដែលរកប្រាក់ចំណូលច្រើនជាងគេលើលោកពីវិស័យទេសចរណ៍។
ចំណែកឯប្រទេសពីរដែលឈរលើចំណាត់ថ្នាក់ខ្ពស់ជាងថៃ គឺ ប្រទេសអេស្ប៉ាញ ដែលរកបានរហូតដល់ទៅ ៦០,៣ ប៊ីលាន (ពាន់លាន)ដុល្លារ ជាប់លេខ២ ខណៈសហរដ្ឋអាមេរិកឈរលើចំណាត់ថ្នាក់កំពូល ដោយរកបានរហូតដល់ទៅ ២០៥,៩ប៊ីលាន (ពាន់លាន)ដុល្លារ ពីវិស័យមួយនេះ។ ដូចគ្នានឹង សហរដ្ឋអាមេរិក អេស្ប៉ាញ និងថៃដែរ ប្រទេសចិន បារាំង អ៊ីតាលី ចក្រភពអង់គ្លេស អាល្លឺម៉ង់ ទឹកដីហុងកុង និងអូស្ត្រាលី សុទ្ធតែស្ថិតក្នុងចំណោមប្រទេសទាំង ១០ ដែលរកលុយបានច្រើនបំផុតពីវិស័យទេសចរណ៍។
គួរបញ្ជាក់ផងដែរ ថៃក៏ស្ថិតក្នុងចំណោមប្រទេសទាំង ១០ ដែលមានចំនួនភ្ញៀវទេសចរមកលេងច្រើនបំផុតលើលោកផងដែរ ដែលមានចំនួនរហូតដល់ ៣២,៦ លាននាក់ ធ្វើឲ្យរាជាណាចក្រមួយនេះ ឈរលេខ ៩ក្នុងបញ្ជីមួយនេះ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
