ទីបំផុត ជញ្ជាំងព្រំដែនរបស់ ដូណាល់ ត្រាំ ចាប់ផ្ដើមសាងសង់មែនទែនហើយ
- 2017-09-27 00:40:57
- ចំនួនមតិ 0 | ចំនួនចែករំលែក 0
ទីបំផុត ជញ្ជាំងព្រំដែនរបស់ ដូណាល់ ត្រាំ ចាប់ផ្ដើមសាងសង់មែនទែនហើយ
ចន្លោះមិនឃើញ
រដ្ឋាភិបាលសហព័ន្ធបានថ្លែងនៅថ្ងៃអង្គារម្សិលមិញថា ក្រុមហ៊ុនម៉ៅការសំណង់បានចាប់ផ្ដើមការដ្ឋានសាងសង់ជញ្ជាំងព្រំដែនអាមេរិកជាមួយម៉ិកស៊ីកូហើយ តាមសំណើរបស់លោកប្រធានាធិបតី ដូណាល់ ត្រាំ ដែលបានសន្យាមុនពេលបោះឆ្នោត។
ការដ្ឋានដំបូងគេសង់ទៅទីក្រុងសាន់ឌឺហ្គូ រដ្ឋកាលីហ្វញ៉ា គឺក្រោយកាលកំណត់រយៈពេល ៣ខែ ដោយសារតែក្រុមហ៊ុនមិនឈ្នះការម៉ៅការ តវ៉ា។ សំណង់នេះនឹងចំណាយរយៈពេល ៣០ថ្ងៃ។ នេះបើតាមភ្នាក់ងារការពារព្រំដែន និងគយ។
ទោះយ៉ាងណា ភ្នាក់ងារនេះក៏កំពុងប្រឈមនឹងការតវ៉ាដ៏ធំ ហើយការចាប់ផ្ដើមសំណង់ស្ថិតនៅការការពារសន្តិសុខយ៉ាងតឹងរ៉ឹងផងដែរ។ ចំពោះការរចនាជញ្ជាំងគេមិនទាន់ដឹងច្បាស់នៅឡើយ ដឹងត្រឹមតែជញ្ជាំងគំរូនេះនឹងមានកម្ពស់ដល់ ៩ម៉ែត្រ និងប្រវែង ៩ម៉ែត្រ ស្ថិតនៅ ៨ទីតាំង។ តាមរយៈឯកសារដេញថ្លៃរៀបរាប់ថា ជញ្ជាំងគំរូ ៤កន្លែង សង់ពីស៊ីម៉ង់រឹង និង៤កន្លែងទៀត សង់ពីសម្ភារៈផ្សេងៗ។
ចំណែកគណបក្សប្រជាធិបតីដែលជាគណបក្សប្រឆាំងរបស់លោកស្រីគ្លីនតុន បានជំទាស់សំណើទឹកប្រាក់របស់ដូណាល់ ត្រាំ ចំនួន ១,៦ពាន់លានដុល្លារ ដើម្បីជំនួសរបងព្រំដែនចាស់នៅទីក្រុងសាន់ឌើហ្គូ ប្រវែង ២២គីឡូម៉ែត្រ និងនៅតំបន់ Rio Grande រដ្ឋតិចសាស់ ៩៦គីឡូម៉ែត្រ ដែលជាច្រកចេញចូលអន្តោប្រវេសន៍ខុសច្បាប់ដ៏មមាញឹកបំផុតផងដែរ៕