Ronaldo ស៊ុត​២​គ្រាប់​ជួយ​ Real រក​ឃើញ​ជ័យ​ជម្នះ​ដំបូង​នៅ​ដី Dortmund

  • 2017-09-27 01:37:45
  • ចំនួនមតិ 0 | ចំនួនចែករំលែក 0

ចន្លោះមិនឃើញ


Real Madrid បាន​រក​ឃើញ​ជ័យ​ជម្នះ​លើក​ដំបូង​នៅ​ទឹកដី Signal Iduna Park ក្រោយ​យក​ឈ្នះ​ Dortmund ៣-១ ក្នុង​ការ​ប្រកួត​ UEFA Champions League វគ្គ​ចែក​ពូល។

កំណត់ត្រា​កន្លង​មក​របស់​ក្រុម​រហស្សនាម​ថា​ស្ដេច​.ស​នៅ​ដី​ Dortmund គឺ​ស្មើ​៣ ចាញ់​៣​ និង​ឈ្នះ​០​។ ប្រកួត​យប់​មិញ​នេះ​ Real មាន​ឱកាស​យក​ឈ្នះ​នៅ​វគ្គ​ទី​មួយ​ ១-០ រក​គ្រាប់​បាន​ដោយ​ Gareth Bale នៅ​នាទី ១៨។

នៅ​វគ្គ​ទី​ពីរ​ក្រុម​លោក Zidane នៅ​តែ​បន្ត​វាយ​សម្រុក​ហើយ​ Ronaldo រក​បាន​គ្រាប់​ទី​ពីរ​ឲ្យ​ក្រុម​នៅ​នាទី៥០​ជា​ការ​បញ្ជូន​បាល់​​របស់​ Gareth Bale។ យ៉ាង​ណា​មិញ​នាទី​៥៤ តារា​ឆ្នើម​របស់​ក្រុម​ម្ចាស់​ផ្ទះ​គឺ​ខ្សែ​ប្រយុទ្ធ​ Aubameyang សង​បាន​មួយ​គ្រាប់​វិញ​ មុន​ពេល​ដែល​ Ronaldo បន្ថែម​គ្រាប់​ទី​បី​នៅ​នាទី ៧៩៕

អត្ថបទ៖ វីរ៉ុត