ទើបបង្កើតតែខ្លាំង ទូកក្ដោងកម្ពុជាបានមេដាយសំរឹទ្ធពីម៉ាឡេស៊ី
- 2017-09-27 06:38:22
- ចំនួនមតិ 0 | ចំនួនចែករំលែក 0
ទើបបង្កើតតែខ្លាំង ទូកក្ដោងកម្ពុជាបានមេដាយសំរឹទ្ធពីម៉ាឡេស៊ី
ចន្លោះមិនឃើញ
សហព័ន្ធកីឡាទូកក្ដោងកម្ពុជា ដណ្ដើមបានមេដាយសំរឹទ្ធមួយពីព្រឹត្តិការណ៍ Johor International Regatte 2017 ដែលបានចាប់ផ្ដើមពីថ្ងៃទី២២ ដល់ ២៤ ខែកញ្ញា ឆ្នាំ២០១៧ នៅទីក្រុង Johor ប្រទេសម៉ាឡេស៊ីកាលពីពេលកន្លងទៅ។
កីឡាករ ហៀង ស៊ុនហេង ដែលឈ្នះមេដាយពីព្រឹត្តិការណ៍ខាងលើនេះ ទើបតែមានអាយុ១៥ឆ្នាំប៉ុណ្ណោះ ដោយឈ្នះលើវិញ្ញាសាWindsurfing Big Techno 293 ក្នុងចំណោមកីឡាករសរុប ១២រូប។ ហៀក ស៊ុនហេង ជាកីឡាករម្នាក់ក្នុងចំណោមកីឡាករ ៣រូប ដែលសហព័ន្ធកីឡាទូកក្ដោងកម្ពុជា បានបញ្ជូនទៅចូលរួមក្នុងព្រឹត្តិការណ៍ខាងលើ។ កីឡាករ ២រូបទៀត គឺ សូត្រ មេសា អាយុ ១៥ឆ្នាំ ទទួលបានចំណាត់ថ្នាក់លេខ៥ ក្នុងចំណោមកីឡាករ ១២រូប លើវិញ្ញាសារបស់ខ្លួន និង ឌុច ប៊ុនធឿន អាយុ ៣៧ឆ្នាំ បានលេខ១១ ក្នុងចំណោមកីឡាករ ១៤រូប លើវិញ្ញាសា Laser Radial ។
សហព័ន្ធកីឡាទូកក្ដោងកម្ពុជា ទើបតែបញ្ជូនកីឡាករខ្លួនជាលើកដំបូង ទៅចូលរួមព្រឹត្តិការណ៍ស៊ីហ្គេមលើកទី២៩ នៅប្រទេសមាឡេស៊ី កាលពីខែសីហាកន្លងទៅ។ សហព័ន្ធដែលទើបបង្កើតបានរយៈពេល ២ឆ្នាំនេះ ក៏បានរៀបចំផែនការ បញ្ជូនកីឡាករទូកក្ដោងទៅចូលរួមក្នុងព្រឹត្តិការណ៍ ការប្រកួតកីឡាអាស៊ី ឆ្នាំ២០១៨ នៅប្រទេសឥណ្ឌូណេស៊ី ផងដែរ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
