បាខែមអាស៊ាន ២០១៧ ធ្វើនៅសាលាតិចណូ ជិតត្រឡប់មកវិញហើយ

2017-09-27 10:29:50
ចំនួនមតិ 0 | ចំនួនចែករំលែក 0

ចន្លោះមិនឃើញ

បារខែមអាស៊ាន ២០១៧ ជាព្រឹត្តិការណ៍ប្រចាំឆ្នាំដែលនឹងប្រារព្ធឡើង នៅថ្ងៃទី ២១ និង ២២ ខែតុលា នៅក្នុងបរិវេណ វិទ្យាស្ថានបច្ចេកវិទ្យាកម្ពុជា (សាលាតិចណូ) ចាប់ពីម៉ោង៨ព្រឹក ដល់ម៉ោង៥ល្ងាច។

#ទីកន្លែង និង កាលបរិច្ឆេទ៖

កាលបរិច្ឆេទ៖ ថ្ងៃសៅរ៍-អាទិត្យ ទី ២១-២២ ខែតុលា ឆ្នាំ២០១៧
ពេលវេលា៖ ម៉ោង ៨ ព្រឹក ដល់ម៉ោង ៥ ល្ងាច
ទីកន្លែងកម្មវិធី៖ វិទ្យាស្ថានបច្ចេកវិទ្យាកម្ពុជា(ITC)
ទំនាក់ទំនងលេខទូរស័ព្ទ៖ ០១០ ៣០ ៧៥ ៧៥
អ៊ីម៉ែល៖ info@barcampcambodia.org
ចូលរួមដោយសេរី ឥតគិតថ្លៃ
ចុះឈ្មោះ ចុចនៅទីនេះ

បារខែមអាស៊ាន ២០១៧ មានគោលបំណងផ្ដល់ការចែករំលែកចំណេះដឹង និងកសាងទំនាក់ទំនង រវាងអ្នកចូលរួមទាំងអស់ក្នុងប្រទេសកម្ពុជា ក៏ដូចជាក្នុងតំបន់ អំពីការការចាប់ផ្ដើមជំនួញ ការប្រើប្រាស់បច្ចេកវិទ្យា សម្រាប់ការសិក្សា ការងារ និងទំនាក់ទំនង ព្រមទាំងចំណេះដឹងផ្សេងៗ ដូចជា ជ្រើសគំនិតអាជីវកម្ម ការស្វែងយល់ពីការបង្កើតគំរូអាជីវកម្ម ស្វែងយល់អំពីអតិថិជន ការផលិតផលិតផលនិងសេវាកម្ម ផ្សព្វផ្សាយនិម្មិត្តសញ្ញាអាជីវកម្ម ទីផ្សារ និងការរៀបចំគម្រោង ចំណាយចាប់ផ្ដើមអាជីវកម្ម ជាដើម។

ក្រៅពីនេះ នៅមានការតាំងពិព័រណ៍របស់ Startups និង ផលិតផល ឬសេវាកម្មបច្ចេកវិទ្យាថ្មីៗ ដែលមានការចូលរួមប្រមាណ ៥០ ស្ដង់។

អ្នកចូលរួមនឹងទទួលបានគំនិត និងការស្វែងយល់បន្ថែមនៅក្នុងការបើកមុខជំនួញ អាជីវកម្ម ការច្នៃប្រឌិត បច្ចេកវិទ្យា សម្រាប់ការងារប្រចាំថ្ងៃ ក៏ដូចជាការសិក្សានិងមុខជំនួញផងដែរ។

កម្មវិធីនេះ បានប្រមូលផ្ដុំទៅដោយបុគ្គលដែលមានបទពិសោធន៍ក្នុងវិស័យបច្ចេកវិទ្យា និងអាជីវកម្ម អ្នកច្នៃប្រឌិត សាស្ត្រាចារ្យ សិស្សនិស្សិត នៅក្នុងរាជធានីភ្នំពេញ និងតំបន់អាស៊ាន មកធ្វើការផ្លាស់ប្ដូរចំណេះដឹង ជំនាញ និងបទពិសោធន៍ ដែលទាក់ទងនឹងបច្ចេកវិទ្យាអាជីវកម្ម ការច្នៃប្រឌិតបង្កើតថ្មី សហគ្រិនភាព និងការវិវឌ្ឍនៃការងារ៕

អត្ថបទ៖ រក្សា