ទឹកចិត្តឪពុក ពេលកាត់ទងផ្ចិតឲ្យកូន Aaron Kwok ភ័យញ័រខ្លួនជាងថតកុនទៀត!

2017-09-28 03:04:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ២២ខែ កញ្ញា ត្រូវនឹងថ្ងៃសុក្រ តារាសម្ដែងហុងកុង លោក Aaron Kwok បានទទួលស្វាគមន៍កូនដំបូងរបស់លោកពេញដោយសេចក្ដីអំណររកអ្វីមកប្រៀបផ្ទឹមពុំបាន។

ជាក់ស្ដែងកាលពីម្សិលមិញនេះ លោកឪពុកថ្មីថ្មោងរូបនេះ បានចូលរួមក្នុងកម្មវិធីមួយ ហើយត្រូវអ្នកសារព័ត៌មានរោមសួរពីកូនរបស់លោកជាច្រើន។ លោកបានបញ្ជាក់ថា កូនដំបូងរបស់លោក គឺជាកូនស្រី មានទម្ងន់ប្រហែលជាង ២គីឡូកន្លះ ប៉ុន្តែមិនបានបង្ហើបឈ្មោះនាងឡើយ។

ជាមួយគ្នានោះ តារាប្រុសវ័យ ៥១ឆ្នាំរូបនេះបានបន្តទៀតថា លោកត្រូវតម្រូវឲ្យកាត់ទងផ្ចិតរបស់កូន តែលោកភ័យឡើងញ័រទៅហើយ បើទោះកន្លងមកធ្លាប់ថតរឿងក្នុងឈុតសាហាវៗជាងនេះក៏ពិតមែន។

រូបថតគ្រួសារតូចដំបូងរបស់ Aaron Kwok

«កំណើតកូនរបស់ខ្ញុំ គឺពិតជាអស្ចារ្យណាស់ ហើយជីវិតរបស់ខ្ញុំក៏បានផ្លាស់ប្ដូរដែរ។ ខ្ញុំរីករាយណាស់ដែលប្រពន្ធខ្ញុំសុខសប្បាយ តាំងពីពពោះប៉ុន្មានខែកន្លងមក រហូតដល់ប្រសូតដោយជោគជ័យ» Aaron ថ្លែងបន្ថែម។

រូបថតរៀបការរបស់ Aaron Kwok និងភរិយា

ដោយសារការងារមមាញឹកច្រើន ហើយណាមួយផ្អាកពីការងាររយៈពេលយូរផង ទើបលោកត្រូវត្រឡប់ទៅបំពេញកិច្ចការជាធម្មតាវិញ ហេតុដូចនេះទើបលោកសម្រេចជួលមនុស្សម្នាក់ ឲ្យជួយប្រពន្ធលោកមើលថែកូនតូច។ ចុងក្រោយ លោកបន្តថា ខ្លួនពិតជាមានកម្លាំងធ្វើការមួយកម្រិត នៅពេលកូនកើតមក ហើយលោកប្ដេជ្ញាផ្ដល់ជីវិតដ៏រីករាយមួយដល់កូនស្រីសំណព្វមួយនេះ៕

ចុចអាន៖

ប្រភព៖ entertainment.toggle ប្រែសម្រួល៖ យី សុធារី