ពិសេស! Uber ចាប់សម្ពោធភ្លាម Free ធ្វើដំណើរ ១០ដងភ្លាម!

2017-09-28 09:03:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ព្រឹកមិញក្រុមហ៊ុន Uber និង ក្រសួងសាធារណការ និងដឹកជញ្ជូន ក៏បានចុះហត្ថលេខាលើអនុស្សរណយោគយល់ (MOU) ស្ដីអំពីកិច្ចសហប្រតិបត្តិការយ៉ាងជិតស្និទ្ធក្នុងការជំរុញបច្ចេកវិទ្យា និង“shared mobility” ដើម្បីផ្ដល់នូវអត្ថប្រយោជន៍ដល់អ្នកធ្វើដំណើរ អ្នកបើកបរ និងទីក្រុង។

ដើម្បីអបអរការសម្ពោធរបស់ខ្លួននៅរាជធានីភ្នំពេញ Uber ធ្វើការផ្ដល់ជូននូវការធ្វើដំណើរដោយឥតគិតថ្លៃចំនួន ១០ដង ដែលមានតម្លៃរហូតដល់ ៤ដុល្លារក្នុងមួយដង រហូតដល់ថ្ងៃទី ១៥ ខែតុលា ឆ្នាំ2017។ ។

ដើម្បីធ្វើដំណើរតាមរយៈ Uber មួយនេះអ្នកគ្រាន់តែបញ្ចូលលេខកូដផ្ដល់ជូនពិសេស “UberPPLaunch” នេះក្នុងកម្មវិធី Uber របស់ខ្លួនដែលអាចទាញយកបានពី App Store ឬ Google Play បន្ទាប់មកចុចប៊ូតុងមួយលើស្មាតហ្វូនរបស់ខ្លួន នឹងទទួលបានសេវាដឹកជញ្ជូនធ្វើដំណើរតម្លៃសមរម្យ មានទំនុកចិត្ត និងសុវត្ថិភាព ក៏ដូចជាមធ្យោបាយថ្មីងាយស្រួលក្នុងការរកប្រាក់ចំណូលបន្ថែមទៀតផង។

រយៈពេល ៦ខែហើយដែល Uber បានដាក់បង្ហាញនៅក្នុងរាជធានីភ្នំពេញ។ ក្រោយពីបានដំណើរការរលូន

លោក Brooks Entwistle នាយកគ្រប់គ្រងអាជីវកម្ម ក្រុមហ៊ុន Uber បានមានប្រសាសន៍ថា “យើងខ្ញុំពិតជារំភើបរីករាយក្រៃលែងក្នុងការសម្ពោធដំណើរការបច្ចេកវិទ្យា ridesharing នៅកម្ពុជា ដើម្បីបម្រើសេវាជូនអ្នកធ្វើដំណើរ អ្នកបើកបរជាដៃគូ និងអ្នករស់នៅរាជធានីភ្នំពេញ។"

ឯកឧត្តម ផែង សុវិជ្ជានោ រដ្ឋលេខាធិការ ក្រសួងសាធារណការ និងដឹកជញ្ជូន ក៏បានមានប្រសាសន៍ផងដែរថា៖ “ក្រសួងសាធារណការ និងដឹកជញ្ជូន មានទស្សនៈវិស័យ និងការប្ដេជ្ញាខ្ពស់ក្នុងការកសាងប្រព័ន្ធហេដ្ឋារចនាសម្ព័ន្ធ និងមធ្យោបាយធ្វើដំណើរបែបទំនើបប្រកបដោយគុណភាព ទំនុកចិត្ត និងសុវត្ថិភាព។ ហេតុនេះ ក្រសួងបានសហការជាមួយក្រុមហ៊ុន Uber រយៈពេលប្រាំមួយខែដើម្បីស្វែងយល់ និងនាំមកនូវប្រព័ន្ធមធ្យោបាយដឹកជញ្ជូន “shared mobility” ថ្មី ដូចជាបច្ចេកវិទ្យាកម្មវិធីវិធីវិធី Ridesharing នេះជាដើម។"

ជាសក្ខីភាពក្នុងឱកាសដ៏វិសេសវិសាលនេះ ឯកឧត្តម ឯកអគ្គរដ្ឋទូតសហរដ្ឋអាមេរិកប្រចាំនៅកម្ពុជា បានថ្លែងឲ្យដឹងថា៖ “Uber នាំមកនូវបច្ចេកវិទ្យាច្នៃបង្កើតថ្មីមកកាន់កម្ពុជាដើម្បីផ្ដល់ជូននូវជម្រើសមធ្យោបាយដឹកជញ្ជូនធ្វើដំណើរថ្មីមួយសម្រាប់អ្នកដំណើរ ក៏ដូចជាឱកាសរកចំណូលសម្រាប់អ្នកបើកបរផងដែរ។ នេះជាគំរូឧទាហរណ៍ដ៏ល្អមួយសម្រាប់វិស័យឯកជនដែលបានចូលរួមសហការយ៉ាងជិតស្និទ្ធជាមួយរាជរដ្ឋាភិបាលកម្ពុជាដើម្បីទាញយកផលប្រយោជន៍ពីបច្ចេកវិទ្យាថ្មី។ អរគុណចំពោះកិច្ចសហប្រតិបត្តិការនេះ កម្ពុជា នឹងមានគម្រោងបច្ចេកវិទ្យានិយ័តភាពជឿនលឿនបំផុតសម្រាប់បច្ចេកវិទ្យា ridesharing ក្នុងតំបន់អាស៊ី។”

រាជធានីភ្នំពេញ នឹងចូលរួមជាមួយទីក្រុងជាង 600ផ្សេងទៀត ទូទាំងពិភពលោកដែលមានប្រើប្រាស់បច្ចេកវិទ្យា ridesharing នេះ ហើយកម្ពុជាក្លាយជាប្រទេសទី78 ដែល Uber កំពុងដំណើរការ ឥឡូវនេះ ។ អ្នកធ្វើដំណើរអាចនឹងធ្វើដំណើរជាមួយសមាជិក Uber ណាមួយ ដែលជាអ្នកបើកបរផ្ទាល់ខ្លួន រឺជាតាក់ស៊ី។

Uber បានបង្កើតឡើងនៅឆ្នាំ២០១០ ដើម្បីដោះស្រាយបញ្ហាដ៏សាមញ្ញមួយគឺ ធ្វើដូចម្ដេចទើបអាចរកមធ្យោបាយធ្វើដំណើរបាន ដោយគ្រាន់តែចុចប៊ូតុងមួយប៉ុណ្ណោះ ប្រាំពីរឆ្នាំក្រោយមក និងបន្ទាប់ពីការអនុវត្តជាក់ស្តែងជាង5ពាន់លានដងរួចមក Uber បានចាប់ផ្ដើមពិនិត្យរកដំណោះស្រាយបញ្ហាប្រឈមកាន់តែប្រសើរឡើងដូចជា ការកាត់បន្ថយការកកស្ទះ និងការបំពុលបរិស្ថានក្នុងទីក្រុងដោយលើកទឹកចិត្តមនុស្សជាច្រើនឲ្យប្រើប្រាស់រថយន្តតែមួយចំនួនប៉ុណ្ណោះ។

សម្រាប់ព័ត៌មានលម្អិត សូមទាក់ទង៖

អ៊ីម៉ែល៖ tiff@uber.com ទូរស័ព្ទ៖ +84.98200536

អត្ថបទ៖ ថា ម៉ាលីដា