បែកធ្លាយកីឡាករ៥នាក់ដែលសុំក្លឹបបណ្ដេញលោក Ancelotti ចេញ
- 2017-09-29 02:35:20
- ចំនួនមតិ 0 | ចំនួនចែករំលែក 0
បែកធ្លាយកីឡាករ៥នាក់ដែលសុំក្លឹបបណ្ដេញលោក Ancelotti ចេញ
ចន្លោះមិនឃើញ
Carlo Ancelotti ត្រូវ Bayern Munich បណ្ដេញចេញពីតំណែងនៅថ្ងៃព្រហស្បតិ៍ម្សិលមិញយ៉ាងគួរឲ្យភ្ញាក់ផ្អើលក្រោយដឹកនាំក្រុមប្រកួតចាញ់ Paris Saint Germain ៣-០។
មូលហេតុនៅពីក្រោយការបណ្ដេញអ្នកចាត់ការសញ្ជាតិអ៊ីតាលីមិនមែនមានតែប៉ុណ្ណេះទេ ព្រោះបើយោងតាប្រភពពីអាល្លឺម៉ង់មួយចំនួនគឺមានកីឡាករ៥នាក់ដែលទទូចឲ្យក្លឹបយកគ្រូបង្វឹកថ្មី។ "មានកីឡាករ៥នាក់ដែលតវ៉ានឹងការដឹកនាំរបស់ Ancelotti ធ្វើឲ្យក្លឹបពិបាកប្រឈមនឹងបញ្ហានេះ"។ Uli Hoeness ប្រធានក្លឹប Bayern និយាយដូច្នេះ។
Hoeness មិនបានទម្លាយថាកីឡាករទាំងនោះជានរណាខ្លះទេ ប៉ុន្តែប្រភពព័ត៌មានអាល្លឺម៉ង់បានអះអាងថា អ្នកទាំង៥មានដូចជា Arjen Robben, Franck Ribéry, Jérôme Boateng, Mats Hummels និង Kingsley Coman។ ជំនួយការ Ancelotti លោក Willy Sagnol នឹងដឹកនាំក្រុមជាបណ្ដោះអាសន្នរហូតក្លឹបរើសបានអ្នកថ្មីមកជំនួស៕