Huawei ​ទម្លាក់​ Apple ​ក្លាយ​ជា​ក្រុមហ៊ុន​ស្មាតហ្វូន​ម៉ាក​ល្បី​នៅ​ចិន​

  • 2017-10-03 11:59:00
  • ចំនួនមតិ 0 | ចំនួនចែករំលែក 0

ចន្លោះមិនឃើញ


​យោងតាម​ការ​ស្ទង់​មតិ​កាល​ពីថ្ងៃ​ចន្ទ​បង្ហាញ​ថា​ អ្នក​ប្រើប្រាស់​ស្មាតហ្វូន​បាន​ជ្រើសរើស​ Huawei ​ជា​ជម្រើស​ដំបូង​ជាជាង​ការ​ចាប់​យក​ iPhone​ ។

Huawei នៅ​ទីក្រុង​សៀងហៃ ប្រទេស​ចិន​

ការ​ស្ទង់​មតិ​ដឹក​នាំ​ដោយ​ Financial Times ​បាន​បង្ហាញ​ថា​ Huawei ​គឺ​ជា​ជម្រើស​ដាច់​មុខ​ដែល​មាន​ច្រើន​ជាង​ ៣១,៤%  នៃ​អ្នក​ឆ្លើយ​សំនួរ​ពី​ការ​ជ្រើសរើស​រវាង​ស្មាតហ្វូន​របស់​ Huawei ​និង​ស្មាតហ្វូន​របស់​ Apple។

តាម​របាយការណ៍​ឱ្យ​ដឹង​ថា​៖ ​ចំនួន​នៃ​អ្នក​ប្រើប្រាស់​ iPhone ​ដែល​និយាយ​ថា​នឹង​ប្រើ​ iPhone ​ជំនាន់​ក្រោយ​បាន​ធ្លាក់​ចុះ​មក​ ២៤,២% ​ក្នុង​ខែ​កញ្ញា​។ បើ​ប្រៀប​ធៀប​ទៅ​នឹង​ឆ្នាំ​មុន​មាន​ ២៥,៨%​នៃ​ការ​បញ្ចេញ​ iPhone 7 ​កាល​ពី​ឆ្នាំ​ ២០១៦ ​និង​ ៣១,៤%​ក្នុង​ឆ្នាំ​ ២០១៥។

ទន្ទឹម​គ្នា​នេះ​ដែរ​ក្រុមហ៊ុន​ផលិត​ស្មាតហ្វូន​របស់​ចិន​ Huawei ​ក៏​បាន​វ៉ា​ដាច់​ Apple ​ជា​លើក​ដំបូង​ក្នុង​ការ​លក់​ស្មាតហ្វូន​ទូទាំង​ពិភពលោក​ពី​ខែ​មិថុនា​និង​ខែ​កក្កដា​។ ការ​ស្ទង់​មតិ​ដដែល​នេះ​ក៍​បាន​បង្ហាញ​ថា​ផលិតផល​ថ្មី​របស់​ Apple ​គឺ​ iPhone 8 ​និង​ 8 Plus ​កំពុង​តែ​ប្រតិបត្តិ​ការ​មិន​សូវ​ល្អ​ដូច​ស៊េរី​ទូរសព្ទ​មុនៗ​ដែល​ដាក់​លក់​នៅ​ចិន​នោះ​ទេ​ ។

ការ​ស្ទង់​មតិ​រក​ឃើញ​ថា​មាន​ ៦៥,១% ​នៃ​អ្នក​ប្រើប្រាស់​ស្មាតហ្វូន​នៅ​ចិន​ដែល​ពួកគេ​នឹង​ទិញ​ iPhone 8, 8 Plus ​និង​ iPhone X ​ខណៈ​ឆ្នាំ​​មុន​មាន​៧៥,៧% ​ដែល​ពួកគេ​ទិញ​ iPhone 7 ​និង​ 7 Plus។

ក្រុមហ៊ុន​ក្នុង​ស្រុក​ក្រៅ​ពី​ Huawei ​មាន​ដូចជា​ Oppo, Vivo ​និង​ Xiaomi សុទ្ធតែ​ទទួល​បាន​ភាព​ជោគជ័យ​ក្នុង​ការ​ស្វែង​រក​ដៃគូ​ផ្គត់ផ្គង់​ដែល​អាច​ឱ្យ​ពួកគេ​មាន​ឱកាស​ផលិត​ស្មាតហ្វូន​មាន​អេក្រង់​លាតពេញ​ full displays ​បច្ចេកវិទ្យា​ពិភពពិត​AR (Augmented Reality) ​បន្ទះ​ឈីប​ដ៏​ខ្លាំង​ក្លា​អាច​ប្រជែង​នឹង​ផលិត​ផល​បរទេស​បាន​ និង​មុខងារ​កាមេរ៉ា​ដ៏​មាន​ប្រសិទ្ធភាព​។

ដោយឡែក​យោង​តាម​ការ​ស្រាវជ្រាវ​ថ្មី​របស់​ក្រុមហ៊ុន​ Counterpoint Research ​ក្រោម​ឈ្មោះ​ Market Pulse for July 2017 ​បង្ហាញ​ថា​ Huawei ​បច្ចុប្បន្ន​នេះ​កំពុង​ស្ថិត​នៅ​លេខ​២​បន្ទាប់​ពី​ Samsung ​ដែល​នៅ​តែ​រក្សា​តំណែង​ជា​ក្រុមហ៊ុន​នាំ​ចេញ​ស្មាតហ្វូន​ទៅ​កាន់​ពិភពលោក​ច្រើន​ជាង​គេ​៕

ប្រភព៖ Gadgets   ប្រែសម្រួល៖ សិរីបុទ្រ