Sam Smith កំពុងតែទាក់ទងជាមួយតួរឿង "13 Reasons Why”?

2017-10-04 03:19:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ថ្មីៗនេះតារាចម្រៀងលន្លង់លន្លោចសញ្ជាតិអង់គ្លេសលោក Sam Smith បានត្រូវគេប្រទះឃើញថើបគ្នាជាមួយតួអង្គរឿង "13 Reasons Why” តារាសម្ដែង Bradon Flynn ធ្វើឲ្យអ្នកគាំទ្រជាច្រើនកំពុងតែមានចម្ងល់ថាអ្នកទាំងពីរកំពុងទាក់ទងគ្នា?

Sam Smith ទើបតែប្រកាសក្នុងកិច្ចសម្ភាសន៍មួយជាមួយទស្សនាវដ្ដី Attitude ថាខ្លួនស្ទើរតែនឹងចាកចេញពីពិភពចម្រៀងម្ដងរួចមកហើយ ដោយសារបញ្ហាស្នេហាបែកបាក់។ ប៉ុន្ដែពេលនេះ សង្កេតឃើញថាតារារូបនេះមានមនុស្សថ្មីជំនួសបេះដូងប្រេះស្រាំនោះហើយ។

កាលពីថ្ងៃអង្គារនេះ តារាវ័យ ២៥ ឆ្នាំរូបនេះ ត្រូវធ្វើឲ្យមនុស្សគ្រប់គ្នាភ្ញាក់ផ្អើលដោយបាន ថើបតារាសម្ដែង Brandon Flynn នៅទីវាលកណ្ដាលទីក្រុង New York តែម្ដង។

នេះគឺជាលើកទី១ ដែលអ្នកទាំងពីរបានបណ្ដើរគ្នាជាសាធារណៈ ប៉ុន្តែបើសិនជាក្រឡេកមើលរូបថតវិញ គឺមើលទៅអ្នកទាំងពិតជាស្និទ្ធស្នាលនឹងគ្នាខ្លាំងណាស់។

នៅក្នុងរូបថតមួយទៀត គេសង្កេតឃើញថាអ្នកទាំងពីរកំពុងតែត្រៀមឆ្លងផ្លូវ ហើយ Sam Smith បានដាក់ដៃខ្លួនលើ Brandon ដែលសកម្មភាពនេះបញ្ជាក់ថាពួកគេពិតជាមានចិត្តលើគ្នា៕

ប្រិយមិត្តយល់យ៉ាងណាដែរចំពោះគូស្នេហ៍មួយគូនេះ? តើពួកគេសមគ្នាទេ?

អានអត្ថបទ៖

ប្រភព៖ Mirror ប្រែសម្រួល៖ ធារ៉ូ