Sam Smith ប្រើពេលតែ២០នាទីនិពន្ធចម្រៀងក្នុងរឿង James Bond វគ្គថ្មី

2015-09-09 18:10:20
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាចម្រៀងសំនៀងផ្អែមសញ្ជាតិអង់គ្លេស Sam Smith បានចេញមកប្រកាសថា គេនឹងច្រៀងចម្រៀងក្នុងរឿង James Bond វគ្គថ្មីដែលមានចំណងជើងថា "Spectre” ហើយបទនេះដែរតារាចម្រៀងរូបនេះបានចំណាយពេលនិពន្ធតែ២០នាទីប៉ុណ្ណោះ។

កាលពីយប់ថ្ងៃច័ន្ទ តារាច្រៀងវ័យ២៣ឆ្នាំបានបង្ហោះរូបចិញ្ចៀនដែលមានរូបសញ្ញាតំណាងក្នុងរឿង "Spectre” និងបានបង្ហើបរឿងនេះថា បទចម្រៀងមួយបទនោះមានចំណងជើងថា “Writing's On The Wall” ដែលជាការនិពន្ធដោយខ្លួនគេផ្ទាល់ និងសហការជាមួយអ្នកសរសេរបទចម្រៀងរបស់អង់គ្លេសលោក Jimmy Napes ។

ម្ចាស់ពាន Grammy ចំនួន៤រូបនេះបានបង្ហាញអារម្មណ៍រីករាយថា៖"វាជាផ្នែកដ៏សំខាន់មួយសម្រាប់អាជីពរបស់ខ្ញុំ។ ខ្ញុំពិតជាមានកិត្តិយសណាស់ដែលបានប្រកាសថា ខ្ញុំនឹងច្រៀងចម្រៀងក្នុងរឿង James Bond វគ្គថ្មី។ ខ្ញុំសង្ឃឹមថា អ្នកទាំងអស់គ្នានឹងពេញចិត្តខ្លាំងចំពោះចម្រៀងនេះ តាមអ្វីដែលខ្ញុំបានប្រឹងប្រែងធ្វើ។

បទចម្រៀង "Writing's on the Wall” នឹងចេញនៅថ្ងៃទី ២៥ ខែ កញ្ញា ឆ្នាំ២០១៥ ហើយវគ្គថ្មីរឿង “Spectre” នឹងត្រូវចាក់បញ្ចាំងជាផ្លូវការតាមរោងភាពយន្តនានាក្នុងចក្រភពអង់គ្លេសនៅថ្ងៃទី២៦ខែតុលាខាងមុខនេះ ៕