គិតឲ្យច្បាស់ មុនដាក់ចិត្តចាប់ជំនាញ IT
- 2017-10-05 03:06:24
- ចំនួនមតិ 0 | ចំនួនចែករំលែក 0
គិតឲ្យច្បាស់ មុនដាក់ចិត្តចាប់ជំនាញ IT
ចន្លោះមិនឃើញ
IT (Information Technology) ឬ ព័ត៌មានវិទ្យាជាវិស័យបច្ចេកវិទ្យាកំពុងមានការចាប់អារម្មណ៍ខ្លាំងពីសំណាក់ សិស្សនិស្សិតនាពេលបច្ចុប្បន្នសម្រាប់ទីផ្សារការងារក៏កំពុងតែត្រូវការជំនាញព័ត៌មានវិទ្យាដើម្បីយកទៅប្រើប្រាស់ទៅលើអាជីវកម្មនិងតាមស្ថាប័ន អង្គការវិស័យធនាគារប្រព័ន្ធផ្សព្វផ្សាយនិងក្រុមហ៊ុនឯកជននានាជាច្រើនទៀត។វាអាចសម្រួលដល់ការងារទាំងនេះជាច្រើនដូចជាទំនាក់ទំនងជាមួយដៃគូ ការគ្រប់គ្រង់ប្រព័ន្ធទិន្នន័យប្រព័ន្ធសុវត្ថិភាព គ្រប់គ្រងបុគ្គលិកការងាររដ្ឋបាល និងការិយាល័យ ជាដើម។
តែមុននិងសិក្សាផ្នែកនេះបានអ្នកគួរមានមូលដ្ឋានគ្រឹះមួយចំនួនដើម្បីសិក្សាទទួលបានលទ្ធផលល្អតាមអ្នកដែលមានបទពិសោធន៍និងអ្នកជំនាញនេះបានផ្ដល់ជាមតិថា ដើម្បីសិក្សាជំនាញ IT នេះបានជោគជ័យយើងត្រូវ ៖
- មានចំណងចំណូលចិត្ត ការពេញចិត្តស្រលាញ់ជាកត្តាដែលជំរុញឲ្យយើងខិតខំប្រឹងរៀនព្រោះជាមុខវិទ្យាដែលធ្វើការស្រាវជ្រាវច្រើននិងនៅក្បែរកុំព្យូទ័រជានិច្ចមិនសូវមានពេលទំនេរ។
អាន និងស្រាវជ្រាវ ចំណុចនេះពិតជាសំខាន់ណាស់សំរាប់យើង ក្នុងការបង្កើនចំណេះដឹងអោយទាន់បច្ចេកវិទ្យាដែលកំពុងតែរីកចំរើន ដូចជាការស្រាវជ្រាវតាមរយៈ ប្រព័ន្ធអ៊ីនធឺណិតគេហទំព័រសៀវភៅឬឯកសារណែនាំអេឡិចត្រូនិកឬមើលវីដេអូបច្ចេកវិទ្យាថ្មីៗជាដើម ។
ទំនាក់ទំនងចែករំលែក មិនត្រូវលាក់ចំណេះដឹងឬអួតអាងហើយមិនព្រមបង្ហាញពីខ្លាំងនិងចំណុចខ្សោយរបស់ខ្លួនទេហើយត្រូវទទួលយកមតិរិះគន់ពីមិត្តភ័ក្ដិដើម្បីធ្វើការកែតម្រូវការធ្វើបែបនេះ អាចឲ្យយើងទទួលបានចំណេះដឹង និងបទពិសោធន៍ថ្មីៗបាន។យើងអាចធ្វើការផ្លាស់ប្ដូរនិងចែករំលែកចំណេះដឹងតាមរយៈ ការសិក្សាជាក្រុម ចូលរួមសិក្ខាសាលាជាពិសេសសាកសួរបទពិសោធន៍ពីអ្នកជំនាញ ។
អនុវត្តន៍ឲ្យបានច្រើន ការអនុវត្តន៍ដោយធ្វើលំហាត់ឲ្យបានច្រើនព្យាយាមរកដំណោះស្រាយស្រាវជ្រាវធ្វើការស្វែងយល់ធ្វើកិច្ចការដែលគ្រូដាក់ឲ្យឬការងារស្ម័គ្រចិត្តដែលទាក់ទងនឹងជំនាញនេះ។
រៀនក្រៅបន្ថែមឲ្យបានច្រើន ក្រៅពីសិក្សានៅសាលាយើងគួរមានពេលវេលាខ្លះដើម្បីចូលរៀនវគ្គជំនាញខ្លីៗដែលមានបង្រៀននៅតាមវិទ្យាស្ថានឬអង្គការនានាព្រោះជាគន្លឹះសម្រាប់បង្កើនចំណេះដឹងឲ្យបានច្រើនម្យ៉ាងទៀតជាឱកាសសម្រាប់ឲ្យយើងមានការអនុវត្តន៍ច្រើន។
ជ្រើសរើសសាលារៀន ការជ្រើសរើសសាលាដែលមានបង្រៀនជំនាញនេះច្បាស់លាស់គួបផ្សំនិងគ្រូមានបទពិសោធន៍អាចធ្វើឲ្យយើងទទួលបានចំណេះដឹងល្អថ្មីមានគុណភាពនិងមានការទទួលស្គាល់ច្រើន។ ចុចអានបន្ត៖
-៣ ជំនាញនៅមហាវិទ្យាល័យ អាចអស់និស្សិតរៀននៅ ២០ ឆ្នាំក្រោយ
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
