មកទល់ពេលនេះមាន iPhone 8 ចំនួន ៥ គ្រឿងហើយដែលហើបអេក្រង់

2017-10-05 04:35:02
ចំនួនមតិ 0 | ចំនួនចែករំលែក 0

ចន្លោះមិនឃើញ

មកទល់ពេលនេះមានសរុប ៥ ករណីហើយចំពោះ iPhone 8 ហើបអេក្រង់ដែលគេសន្និដ្ឋានថាបញ្ហាមកពីថ្ម។

រូបភាពករណីនៅប្រទេសកាណាដា

អ្នកដែលជួបបញ្ហានេះនាពេលថ្មីៗនេះមាន Anthony Wu ជាប្រិយមិត្តរបស់វិបសាយព័ត៌មាន Mac Rumors ដែលរស់នៅប្រទេសកាណាដា។ Anthony ឲ្យដឹងថា បានទិញ iPhone 8 Plus កាលពីថ្ងៃអាទិត្យ ប៉ុន្តែត្រូវបង្ខំចិត្តបញ្ជូនទៅកាន់ហាងលក់វិញដោយសារតែអេក្រង់បានហើបឡើងកាលនៅថ្ងៃចន្ទ។ បញ្ហានេះត្រូវបានគេសន្និដ្ឋានថាបណ្ដាលមកពីថ្មដែលបានប៉ោង ធ្វើឲ្យអេក្រង់ហើបចេញពីតួខ្លួន។

ករណីនៅប្រទេសក្រិក

ដោយឡែកខាងវិបសាយ iRepair ដែលជាហាងជួសជុលមួយរបស់ប្រទេសក្រិក ក៏បានបង្ហាញរូបភាពពី iPhone 8 Plus ដែលជួបបញ្ហាស្រដៀងគ្នានេះផងដែរ។ iPhone 8 Plus នេះទើបតែកើតមានបញ្ហាកាលពីព្រឹកម្សិលមិញនេះឯង ដោយម្ចាស់វាទើបតែទិញកាលពីថ្ងៃអង្គារសប្ដាហ៍នេះ។

ករណីនៅហុងកុង

ចំណែកករណីបីផ្សេងទៀតគឺកើតមាននៅហុងកុងលើម៉ូដែល iPhone 8 (ទិញថ្ងៃទី ២២ ខែកញ្ញា មានបញ្ហាថ្ងៃទី ២៨ ខែកញ្ញា), ករណីនៅប្រទេសជប៉ុនជាម៉ូដែល iPhone 8 Plus (ហែកស្រោមបើកប្រអប់ភ្លាម ឃើញ iPhone ហើបអេក្រង់ភ្លែត) និងករណីដំបូងគេកើតមាននៅកោះតៃវ៉ាន់ (ទិញនៅថ្ងៃសៅរ៍ទី ២៣ ខែកញ្ញា មានបញ្ហាថ្ងៃទីអង្គារ ទី ២៦)។