មកដឹងតិចនិករៀបការ ធ្វើម៉េចឲ្យចាយលុយអស់តិចបំផុត

2017-10-05 11:08:55
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែឮពាក្យថារៀបការ អ្នកណាមិនរំភើប អ្នកណាមិនចង់បានល្អ ប៉ុន្តែគ្រប់យ៉ាងមិនមែនសុទ្ធតែបានល្អដូចចិត្តគ្រប់គ្នានោះឡើយ។ សម្រាប់អ្នកមានលុយ មួយជាតិរៀបការម្តងគេមិនខ្លាចនឹងចំណាយ ដើម្បីឲ្យពិធីមង្គលរបស់គេ កាន់តែមានន័យ និងក្លាយជាការចងចាំដ៏ល្អមួយនោះទេ។

តែក្រឡេកមើលអ្នកដែលមានជីវភាពខ្វះខាតវិញ ពួកគេទាមទារយ៉ាងណា ឲ្យពិធីការទាំងមូលបានទាំងល្អ ហើយចំណាយលុយតិច។ សម័យនេះ ពួកគេតែរៀបចំពិធីការ កាត់ៗ ទៅតាមលទ្ធភាព តួយ៉ាងបើកន្លែងណា មិនសំខាន់ ក៏អាចជួយសន្សំលុយបានមួយកម្រិតដែរ។

ចឹងថ្ងៃនេះ Sabay នឹងណែនាំតិចនិកខ្លះៗ ដែលចំណាយអស់តិចក្នុងពិធីមង្គលការ៖

Pre-Wedding៖ មួយជីវិតការម្តង គួរតែមានរូបថត Pre-Wedding ទុកជាអនុស្សាវរីយ៍ពេលចាស់ តែក៏មិនចាំបាច់ឆ្លងខេត្តឬទៅថតនៅក្រៅប្រទេសនោះទេ បើសិនជាអ្នកចង់ចំណាយតិច។ ជម្រើសមិនមែនថាគ្មាននោះទេ ជួនកាលអាចបានស្អាតជាងផងក៏ថាបាន អ្នកអាចជ្រើសរើសការថតនៅក្នុង Studio ឬនៅជិតៗ កន្លែងដែលអ្នករស់នៅ។ ៖"យើងមិនមែនចេះតែចំណាយនោះទេ ទោះបីជាយើងចង់ក៏ដោយ តែយើងគួរគិតពីតម្លៃបណ្ណាការដែលខាងប្រុសបានផ្ដល់ឲ្យ។ យើងគួររៀបចំយ៉ាងណាឲ្យបានសមរម្យទៅតាមនោះដែរ។" នេះបើតាមឲ្យដឹងពីអ្នកនាង កន្និកា ទើបរៀបការកាលពីសប្តាហ៍មុន។

ចុងភៅ និងម្ហូប៖ ពិតជាសំខាន់ ជួនកាលអ្នកអាចរិះថាំលើសេវាកម្មផ្សេងៗបាន តែម្ហូប ដាច់ខាតគួរតែរៀបចំឲ្យបានសមរម្យជាទីបំផុត នោះការមើលងាយឬនិយាយដើមក៏នឹងមិនអាចមានឡើង។ ជួបជាមួយលោក សីហា ដែលទើបនឹងរៀបការថ្មោងថ្មី បានឲ្យដឹងថា៖ "វាស៊ីសងទៅលើថវិកាដែលយើងមាន និងប្រភេទភ្ញៀវដែលមកចូលរួម។ ម្ហូបមានថោក សមរម្យ ថ្លៃ បើសិនអ្នកចង់ចំណាយតិចចឹងតម្លៃសមរម្យគឺជាជម្រើសល្អបំផុត ឬអាចធ្វើការចរចាជាមួយចុងភៅ ដោះដូរម្ហូបដែលអ្នកគិតថានឹងជួយសម្រាលថវិការបស់អ្នក។

ហាង៖ រៀបចំពិធីនៅហាង វាងាយស្រួលដល់ការចូលរួមរបស់ភ្ញៀវ តែអ្នកត្រូវគិតលើចំណុចមួយថា អ្នកមានលុយសម្រាប់ត្រៀមខាតហើយឬនៅ? ជម្រើសល្អបើអ្នកមានផ្ទះដែលអាចរៀបចំបាន គួរតែរៀបចំនៅផ្ទះព្រោះវាអាចសន្សំហោចណាស់ក៏ខ្ទង់ពាន់ដុល្លារបានដែរ។ តែអ្នកត្រូវច្បាស់ថា បរិវេណផ្ទះអាចរៀបចំបានស្អាតទេ ទីតាំងចតយានជំនិះ ធំទូលាយទេ?។ ជម្រើសមួយទៀតបើសិនជាផ្ទះខាងប្រុសអំណោយផល អ្នកអាចតែពិភាក្សាគ្នា គួរតែរៀបចំពិធីខាងប្រុស ឬអត់។

សម្អាងការ៖ សព្វថ្ងៃតម្លៃសម្អាងការមានច្រើន អាចឲ្យងាយស្រួលជ្រើសរើស ប៉ុន្តែតម្លៃនិងគុណភាពក៏ទៅតាមនោះដែរ។ រើសមធ្យម រើសមួយណាដែលចាំបាច់ មិនចាំបាច់ថ្មីពេក កម្រិតកណ្តាល កាត់កងគ្នាបាន តាមខេត្ត តម្លៃមធ្យម គួរនិយាយឲ្យបានច្បាស់ ជាមួយភ្នួង ជាមួយនឹងអ្នកផាត់មុខ ជ្រេ តម្លៃឲ្យបានច្រើន។ អ្នកអាចកាត់តម្លៃអីមួយដែលមិនចាំបាច់ ដូចជាវីដេអូ...។

ភេសជ្ជៈ៖ គួរដាក់ស្រា និង Beer សំខាន់លើភ្ញៀវ ល្មមៗមិនបាច់ដាក់ទេ វាអាចចំណាយលុយលើសហ្នឹង ដូច្នេះស្រេចតែលើម្ចាស់ដើមការតែប៉ុណ្ណោះ ថាគួរដាក់ឬមិនដាក់ ៣ពេល ហែជំនូន (គួរដាក់ឬអត់ បើនិយាយពីបញ្ហាសុខភាពមិនគួរប្រើនោះទេ) ថ្ងៃត្រង់(គួរប្រើទឹកសុទ្ធ) សូត្រមន្តល្ងាចថ្ងៃទី១ ថត កម្មវិធីទាំងមូល(មានជាមួយភ្នួង ថ្លៃជាង) និង ក្រៅ(តាមបទពិសោធន៍ចំណេញបានពាក់កណ្តាល) ចឹងគួរសម្រេចចិត្តយកមួយណា។

រូបថត៖ បើសិនជាអ្នកយកតាមរយៈសម្អាងការ គេមានកំណត់តម្លៃ និងចំនួនរូបថតដែលពេលខ្លះវាច្រើនលើសលប់ និងចំណាយខ្ជះខ្ជាយ។ បើតាមបងប្រុសម្នាក់ អ្នកមានមានបទពិសោធន៍រៀបការកាលពីឆ្នាំមុនបានឲ្យដឹងថា៖ ជាទូទៅបើយកតាមភ្នួងគេយកតម្លៃថ្លៃ ព្រោះគិតចំនួនបុស្ត៍ បើយកអ្នកក្រៅដែលយើងស្គាល់ អាចបានតម្លៃធូរថ្លៃ ហើយយើងអាចធ្វើការចរចាជាមួយអ្នកថតថា ចំនួនរូប និង ចំណុចសំខាន់កន្លែងណាដែលយើងចង់បាន ចំណុចនេះកាលខ្ញុំការអាចចំណេញបាន ហោចណាស់ក៏ជិត៣០០ដុល្លារដែរ។

អាំងប៉ាវ៖ ក៏មិនក្រោមខ្ទង់រយដុល្លារដែរ ព្រោះមានមនុស្សជាច្រើនដែលត្រូវឲ្យ តួយ៉ាងដូចជា អ្នកភ្លេង អ្នកកាត់សក់ លោកតាអាចារ្យ ជាដើម។ ចឹងចៀសវាងដល់ពេលប្រថុចញ៉ុច មានការពិបាក អ្នកគួរតែរៀបចំទុកមុនឲ្យបានច្រើន និងកំណត់តម្លៃនៅក្នុងអាំងប៉ាវឲ្យរួចរាល់ ទើបមិនមានភាពរញ៉េរញ៉ៃអំឡុងពេលការ។

ផ្លែឈើ៖ គួររៀបចំឲ្យហើយ ថាក្នុងនោះមាន ផ្លែឈើប៉ុន្មានគូសម្រាប់សែន ហែជំនូន សែនដូនតាជាដើម។ អ្នកត្រូវច្បាស់ថាគួរទិញហាងធំៗ ឬកន្លែងបោះដុំក្នុងតម្លៃធូរថ្លៃ? មួយទៀតអ្នកគួរជ្រើសរើសសេវារៀបចំផ្លែឈើហែជំនូន ឬគួររៀបខ្លួនឯង? បើសិនមិនចង់ចំណាយខ្ជះខ្ជាយ ការរៀបខ្លួនឯងជាជម្រើសល្អបំផុត ម្យ៉ាងក៏អាចជួបជុះបងប្អូនបង្កើនភាពស្និទ្ធស្នាលថែមមួយកម្រិត។

ភេសជ្ជៈ៖ រកអ្នកទុកចិត្តឲ្យជួយមើលការខុសត្រូវឃ្លាំងភេសជ្ជៈ មុនចេញចូល ត្រូវយកដាក់ជួរណា កន្លែងណាឲ្យបានត្រឹមត្រូវ។ អ្វីដែលសំខាន់មួយទៀតថាតើអ្នកគួរដាក់ស្រា និងស្រាបៀរ ផងជាមួយគ្នាដែរឬអត់? អ្នកសាកគិតមើល៍ថា បើស្រា១ដបតម្លៃ២០ដុល្លារហើយ ស្រាបៀរជាមធ្យម ២០ដុល្លារ ហើយអ្នកទាំងពីរមុខជាមួយគ្នានោះតម្លៃកាន់តែកើនឡើង។ តែបើសិនជាថវិកាអ្នកពិតជាកម្រិតខ្លាំងអ្នកអាចធ្វើការជ្រើសរើសដាក់ស្រាបៀរក៏បាន។ ទឹកផ្លែឈើ ឬទឹកក្រូចអ្នកអាចដាក់ទៅតាមលទ្ធភាពដែលអ្នកមាន។

ផ្កា៖ ផ្កាក៏ចាំបាច់ ព្រោះវាជួយលើកសោភណភាព ពិធីការឲ្យកាន់តែស្រស់ស្អាតមួយកម្រិត។ តែអ្នកគិតថាគួរចំណាយលើវាច្រើនឬអត់ ប្រើម្តងចោល ការរៀបចំកន្លែងខ្លះសម្រាប់ថតគួរតែជ្រើសរើស ផ្កាក្រដាសជ័រ បើខ្វះខាតគួរចំណាយអត់។ បើអាចអ្នកគួរពិភាក្សាជាមួយអ្នករៀបចំ គួរថាធ្វើបែបណាស្អាត ហើយចំណាយតិចតួច ជាពិសេសប្រើប្រភេទផ្កាក្រដាស ឬជ័រ។

ទាំងអស់ខាងលើជាតិចនិកខ្លះៗ គ្រាន់ជាគំនិតខ្លះ ដើម្បីចែកជូនប្រិយមិត្តដែលជិតមានពិធីមង្គលការ ឲ្យធ្វើយ៉ាងណាចំណាយអស់តិច ទៅតាមលទ្ធភាពនៃថវិកាពួកគេ។ យ៉ាងណាក៏ដោយ

អត្ថបទ៖ ថា ម៉ាលីដា