ញាក់សាច់ ពេលដឹងតម្លៃមកុដ បវរកញ្ញាឯកកម្ពុជា៤រូប ត្រៀមដណ្ដើម

2017-10-07 01:02:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ឆ្នាំ២០១៧នេះ កម្ពុជាបាននិងត្រៀមបញ្ជូនបវរកញ្ញាដល់ទៅ៤រូបទៅដណ្ដើមមកុដក្នុងកម្មវិធីធំៗនៅប្រទេសផ្សេងៗគ្នា។ ដូច្នេះ តើប្រិយមិត្តចង់ដឹងទេថាមកុដទាំងនោះមានតម្លៃប៉ុន្មាន?

១ មកុដបវរកញ្ញាចក្រវាល៖

មកុដនេះមានតម្លៃប្រមាណ ៣០០,០០០ ដុល្លារ ផលិតឡើងពីគ្រីស្តាល់ និងត្បូងពេជ្រ។ បវរកញ្ញា ប៊ី សុធារី នឹងតំណាងកម្ពុជាចេញទៅដណ្ដើមមកុដនេះ នៅសហរដ្ឋអាមេរិក ក្នុងខែធ្នូខាងមុខ។

២ មកុដបវរកញ្ញា Miss Grand អន្តរជាតិ៖

សម្រាប់មកុដផលិតពីមាសសុទ្ធដ៏ស្រស់ស្អាតនេះវិញមានតម្លៃ ៣០០, ០០០ ដុល្លារ ពោលគឺស្មើតម្លៃមកុដបវរកញ្ញាចក្រវាល។ កម្ពុជាក៏មានតំណាងមួយរូបទៅដណ្ដើមយកមកុដនេះនៅប្រទេសរៀតណាមដែរ គឺកញ្ញាឯក ខ្លឺម ស្រីគា។

៣ មកុដបវរកញ្ញាផែនដី៖

តម្លៃមកុដនេះហាក់ស្មុគស្មាញបន្តិចព្រោះ កន្លងមកមានតម្លៃធ្លាប់មានការរាយការណ៍មួយចំនួនធ្លាប់លើកឡើងថាវាមានតម្លៃត្រឹមតែ ១២៧,០០០ ដុល្លារ ប៉ុន្ដែវាត្រូវបានគេកត់សម្គាល់ថាវាមានតម្លៃរហូតដល់ ៩៥០,០០០ដុល្លារឯណោះ ព្រោះមកុដនេះត្រូវបានផលិតដោយដាំត្បូងជាច្រើនដូចជា ត្បូងពេជ្រ ត្បូងកណ្ដៀង មាស ប្រាក់ ត្បូងទទឹម និងគ្រីស្តាល់ តែមានក៏ប៉ុណ្ណោះ។ តំណាងកម្ពុជាសម្រាប់ឆ្នាំនេះ គឺកញ្ញាឯក អែម គុនថង ដែលនាងនឹងទៅប្រកួតនៅប្រទេសហ្វីលីពនៅខែវិច្ឆិកាខាងមុខ។

៤ មកុដបវរកញ្ញាអន្តរជាតិ៖

វាមានតម្លៃ ៥៥០, ០០០$ វាត្រូវបានផលិតឡើងពី ត្បូងគុជខ្យង មាស ប្រាក់ និង ត្បូងពេជ្រ ឯអ្នកត្រៀមទៅប្រកួតគឺបវរកញ្ញា ញ្ញត សុភា នៅថ្ងៃទី២៧ ខែវិច្ឆិកា ក្នុងប្រទេសជប៉ុន ៕