App ទាំង១០ដែលធ្វើឲ្យជីវិតអ្នកកាន់តែងាយស្រួល

2017-10-07 06:39:10
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនាញរបស់ស្ថាប័នក្នុងស្រុកមួយឈ្មោះថា Impact Hub Phnom Penh បានណែនាំ App ចំនួន១០ ដែលបានជួយសម្រួលដល់ជីវភាពប្រចាំថ្ងៃរបស់មនុស្សយ៉ាងមានប្រសិទ្ធភាព និងត្រូវបានបង្កើតឡើងតម្រូវទាំង iOS និង Android។

ចាំអង្កាលទៀត! ដោនឡូត ឥឡូវនេះ ដែលរួមមាន៖

១.Quartz

ប្រសិនបើលោកអ្នកមិនសូវចូលចិត្តអានព័ត៌មានវែងៗ Quartz សាកសមបំផុត ព្រោះវាគឺជា App ព័ត៌មាន ដែលបង្កើតឡើងខុសពីគេ។ Quartz នឹងផ្ដល់ព័ត៌មានដែលកើតឡើងជុំវិញសកលលោក វាជាការសន្ទនាព័ត៌មាន ប្រៀបបាននឹងយើង សួរនិងឆ្លើយឆ្លងព័ត៌មានជាមួយកម្មវិធីរបស់ Quartz អីចឹង។

២.7 Minute Workout

7 Minute Workout គឺជា App ណែនាំពីរបៀបហាត់ប្រាណដើម្បីសម្រកទម្ងន់ ដែលមនុស្សជាច្រើន ជាង១២៧ប្រទេសប្រើប្រាស់វា ព្រោះគេយល់ថាវាមានប្រសិទ្ធភាពឆាប់រហ័ស។

៣. Wunderlist

Wunderlist គឺជា App ដ៏ឆ្លាតវៃមួយជួយសម្រួលបន្ទុកការងាររបស់អ្នក ដូចជា៖ រៀបចំបញ្ជីទំនិញ ផែនការកម្សាន្តចុងសប្ដាហ៍ ឬ ការគ្រប់គ្រងគម្រោងជាច្រើនទៀត។

៤. Tide

Tideគឺជាឧបករណ៍គ្រប់គ្រងពេលវេលាដែលជួយអ្នកឲ្យផ្ដោតអារម្មណ៍លើសំឡេងនៃធម្មជាតិនិង ចន្លោះពេលឈប់សម្រាកខ្លីៗ ពិសេសជួយអ្នកធ្វើការ និង អ្នកសិក្សាឲ្យផ្ដោតលើការងាររបស់ពួកគេយ៉ាងមានប្រសិទ្ធភាព។

៥. Zenly

ធ្លាប់ខកខានពិធីជប់លៀង? ចាំមិត្តភក្តិយូរ? មិនដឹងថាមិត្តភក្តិ និង ក្រុមគ្រួសាររបស់អ្នកកំពុងនៅឯណា? ពួកគេកំពុងធ្វើអ្វី? Zenly ដឹងរឿងទាំងនោះ ព្រោះវាជា App ភ្ជាប់ទំនាក់ទំនងមិត្តភក្តិ ក្រុមគ្រួសារយ៉ាងជាក់លាក់។

៦. Pexels

Pexels គឺជាបណ្ដុំបណ្ណាល័យរូបភាពរាប់ពាន់ ដែលលោកអ្នកអាចដោនឡូតយកមកប្រើប្រាស់បានដោយសេរី (free) មិនថាផ្ទាល់ខ្លួន ឬ យកមកធ្វើអាជីវកម្ម ដោយមិនបាច់ខ្វល់ពីរឿង Copy Rights ។

៧. Canva

ក្នុងករណីដែលលោកអ្នកមិនធ្លាប់បានលឺពីវា លោកអ្នកនឹងស្រឡាញ់ពេញចិត្ត ព្រោះCanva ជាកម្មវិធីរចនា (design) ដែលគ្រប់គ្នាសុទ្ធតែអាចក្លាយជាអ្នករចនា ទោះមិនចេះ photoshop ឬ កម្មវិធីជ្រៅៗក៏ដោយ ដោយសារវាមានគំរូ professional ស្រាប់ៗ ពិសេសអ្នកកាន់ facebook page អាចរចនារូបស្អាតៗ និង ទាក់ទាញ ដើម្បីធ្វើឲ្យការងារអាជីវកម្មរបស់ពួកគេកាន់តែប្រសើរ។

៨. Envato

អ្នកប្រើប្រាស់ Envato ភាគច្រើនគឺជាអ្នករចនាអាជីព អ្នកថតរូបអាជីព និង អ្នកគំនូរ ហើយនិង ផលិតករជាដើម។ ជាក់ស្ដែង ក្រុមហ៊ុនធំៗ ដែលចង់ឲ្យបទបង្ហាញរបស់គេកាន់តែទាក់ទាញខ្លាំង គេជ្រើសរើសយកគំរូរបស់ Envato ព្រោះវាមានលក្ខណៈអាជីព ប៉ុន្តែភាគច្រើនអត់ Free ទេ។

៩. FreshBooks

FreshBooks ជួយសម្រួលអាជីវកម្មខ្នាតតូច ព្រោះវាជា App ផ្សារភ្ជាប់ទំនាក់ទំនងជាមួយអតិថិជន និង គ្រប់គ្រងការងារគណនី។

១០. Evernote

Evernote ត្រូវបានគេហៅថាដូចជា "ខួរក្បាលទីពីរ" ប្រើដើម្បីរៀបចំការងារ កត់ត្រាអ្វីៗគ្រប់យ៉ាង និង រៀបចំកំណត់ត្រាទាំងនោះ នៅលើបណ្ដុំតែមួយ ងាយស្រួលស្វែងរក និង ឆាប់រហ័ស៕

ប្រភព៖ phnomclimb អត្ថបទ៖ សុខ លាងហ៊ត