Ronaldo ស៊ុត ១ គ្រាប់ជួយ ព័រទុយហ្គាល់ បាន៣ពិន្ទុ តាមប្រកៀកស្វីស
- 2017-10-08 03:05:48
- ចំនួនមតិ 0 | ចំនួនចែករំលែក 0
Ronaldo ស៊ុត ១ គ្រាប់ជួយ ព័រទុយហ្គាល់ បាន៣ពិន្ទុ តាមប្រកៀកស្វីស
ចន្លោះមិនឃើញ
ខ្សែប្រយុទ្ធឆ្នើមរបស់ Real Madrid និងជម្រើសជាតិ ព័រទុយហ្គាល់ Cristiano Ronaldo រកបានមួយគ្រាប់ជួយជម្រើសជាតិរបស់ខ្លួនយកឈ្នះទៅលើប្រទេស អង់ដូរ៉ា ២-០ ក្នុងការប្រកួតសន្សំពិន្ទុពូល B ដើម្បីតាមពិន្ទុប្រកៀកស្វីសដែលនៅកំពូលតារាង។
បើគិតមកដល់ពេលនេះ ព័រទុយហ្គាល់ នៅសល់មួយប្រកួតចុងក្រោយដែលត្រូវទទួលស្វីស នៅទឹកដីរបស់ខ្លួន ដើម្បីដណ្ដើមតំណែងលេខ ១ ក្នុងពូល B នេះ។ ចំណែកពិន្ទុគឺ ព័រទុយហ្គាល់ ចាញ់ស្វីស ៣ ពិន្ទុ ប៉ុន្តែប្រសិនបើ ព័រទុយហ្គាល់ យកបាន ៣ពិន្ទុនាប្រកួតចុងក្រោយ នោះពួកគេនឹងបានបញ្ចប់នៅចំណាត់ថ្នាក់លេខ ១ ពោលមិនចាំបាច់ប្រកួត Play Off ទៀតទេគឺបានឡើងទៅលេង World Cup នៅរុស្ស៊ីនាឆ្នាំក្រោយតែម្ដង។
សម្រាប់ជ័យជម្នះរបស់ ព័រទុយហ្គាល់ យប់មិញគឺធ្វើបានដោយ Cristiano Ronaldo នៅនាទីទី៦៣ ក្រោយធ្វើការប្ដូរចូលនៅវគ្គទី២។ ចំពោះមួយគ្រាប់ទៀតរកបានដោយខ្សែប្រយុទ្ធវ័យ ២១ Andre Silva នៅនាទីទី៨៦។ ចប់ការប្រកួតក្រុមភ្ញៀវ ព័រទុយហ្គាល់ យកឈ្នះ អង់ដូរ៉ា ២-០៕
ទស្សនាវីដេអូ Highlights