ចាន់ វឌ្ឍនាកា របួសបន្តិចបន្តួច មិនច្បាស់អាចលេងទល់វៀតណាមបានឬអត់

2017-10-09 01:37:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែប្រយុទ្ធ ចាន់ វឌ្ឍនាកា រងរបួសបន្តិចបន្តួចក្រោយពីមិត្តភាពជាមួយក្រុមឥណ្ឌណេស៊ី ដោយរបួសនេះលោក Leonardo មិនទាន់ច្បាស់ថាអាចដាក់ឱ្យលេងទល់ក្រុមវៀតណាមបានឬអត់នោះទេ ក្នុងជំនួបវគ្គជម្រុះ AFC Asian Cup។

និយាយទៅកាន់វិបសាយវៀតណាម គ្រូបង្វឹកក្រុមបាល់ទាត់កម្ពុជាបានលើកឡើងថា៖ “វឌ្ឍនាកា ជាកីឡាករសំខាន់របស់កម្ពុជា ដែលកំពុងមានរបួស។ ខ្ញុំកំពុងតែពិចារណាក្នុងការរកអ្នកជំនួសគេ ប្រសិនបើគាត់មិនអាចចូលលេងបាន”។ យ៉ាងណាមិញ ក្រោយពីការបញ្ជាក់យ៉ាងនេះហើយ Page សហព័ន្ធបាល់ទាត់កម្ពុជាបានធ្វើការ Live ពេលហ្វឹកហាត់នោះ ឃើញថាខ្សែប្រយុទ្ធវ័យ២៣ឆ្នាំរូបនេះ អាចចូលហ្វឹកហាត់បានតិចៗវិញហើយ ដូច្នេះរំពឹងថារូបគេនឹងអាចជាទាន់ពេលវេលា។

វឌ្ឍនាកា បច្ចុប្បន្នកំពុងលេងឱ្យក្លឹប Fujieda MYFC នៅលីគលំដាប់ទី ៣របស់ជប៉ុនក្រោមលក្ខខណ្ឌខ្ចីជើងពីក្លឹបបឹងកេត។ កីឡាករលេងនៅតំបន់បម្រើប្រយុទ្ធរូបនេះ តាំងពីផ្លាស់ទៅជប៉ុន មិនទាន់បានបង្ហាញខ្លួនក្នុងការប្រកួតលីគបានម្ដងនៅឡើយទេ៕

ប្រភព៖ Football Tribe ប្រែសម្រួល៖ មុន្នីរម្យ