អ្នកគាំទ្រវង្វេងស្មារតីអស់ហើយ ពេលឃើញរូបទាំងនេះរបស់ Luhan ជាមួយសង្សារក្មេង!

2017-10-09 02:58:33
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រាន់តែអតីតសមាជិកក្រុមចម្រៀងកូរ៉េ EXO តារាចិន Luhan ប្រកាសពីទំនាក់ទំនងស្នេហារបស់ខ្លួនជាមួយតារាសម្ដែងចិន Guan Xiaotong រួចមក អ្នកគាំទ្រមួយចំនួនបានបង្ហាញការភ្ញាក់ផ្អើលជាខ្លាំង។ ក្នុងនោះ ខ្លះបានចេញមុខអបអរសាទរនឹងដំណឹងល្អនេះ តែអ្នកខ្លះទៀតបែរជាមានអារម្មណ៍មិនល្អ និងខូចចិត្តជាខ្លាំង។

ស្របជាមួយព័ត៌មានដែលបានចុះផ្សាយភ្លូកទឹកភ្លូកដីនេះ ក៏មានរូបថតជាច្រើនរបស់គូស្នេហ៍នេះ ចាប់ផ្ដើមលេចឡើងពេញបណ្ដាញអ៊ីនធឺណិត ដែលបង្ហាញច្បាស់ថា ពួកគេបានទាក់ទងគ្នាអស់រយៈពេលជាយូរមកហើយ។

រូបភាពខ្លះបានធ្វើឲ្យអ្នកគាំទ្ររំភើបណាស់ នៅពេលឃើញអ្នកទាំង ២បង្ហាញការយកចិត្តទុកដាក់ និងស្រឡាញ់គ្នាបែបនេះ ថែមទាំងចង់ឃើញរូបភាពផ្សេងទៀតជាច្រើនទៀតផង។

តារាចម្រៀងចិន ដែលបំបែកខ្លួនពីក្រុមចម្រៀងកូរ៉េ EXO បានណែនាំមិត្តស្រីវ័យក្មេងរបស់ខ្លួនជាផ្លូវការកាលពីថ្ងៃទី ០៨ ខែតុលាម្សិលមិញនេះ។ តារាស្រីដែលជាគូស្នេហ៍របស់ Luhan មានឈ្មោះ Guan Xiaotong គឺជាតារាសម្ដែងល្បីមួយរូបក្នុងប្រទេសចិន ធ្លាប់បានបង្ហាញខ្លួនក្នុងរឿងល្បីៗជាច្រើនរួមមាន៖ Nuan, The Promise, The Left Ear និងរឿងភាគ To Be A Better Man ជាដើម៕ ចុចអាន៖ ក្តៅៗ! Luhan ប្រកាសពីទំនាក់ទំនងស្នេហាជាមួយ Guan Xiaotong