កាវពិសេស អាចផ្ចិតមុខរបួសក្នុងពេល ៦០ វិនាទី
- 2017-10-10 03:11:38
- ចំនួនមតិ 0 | ចំនួនចែករំលែក 0
កាវពិសេស អាចផ្ចិតមុខរបួសក្នុងពេល ៦០ វិនាទី
ចន្លោះមិនឃើញ
ក្រុមអ្នកវិទ្យាសាស្ត្រផលិតបាននូវកាវស្អិត ដែលអាចផ្ចិតមុខរបួសលើស្បែក ឬ សរីរាង្គបានយ៉ាងលឿនដោយចំណាយពេល ៦០ វិនាទីប៉ុណ្ណោះ ដែលសម្រាប់ប្រើក្នុងដំណាក់កាលសង្គ្រោះបន្ទាន់។
កាវពិសេសនេះមានផ្ទុកនូវសារធាតុ Methacryloyl-Substituted Tropoelastin (ហៅកាត់ MeTro) ដែលអាចជ្រាបចូលទៅលើមុខរបួសខាងក្រៅ និងខាងក្នុងដើម្បីផ្ចិតមុខរបួស និងពន្លឿនដល់ការសះមុខរបួស។ យោងតាមក្រុមស្រាវជ្រាវអន្តរជាតិនៅពីក្រោយការផលិតកាវនេះ បានឲ្យដឹងថាវាអាចផ្ចិតមុខរបួសដោយប្រើពេលតែ ៦០ វិនាទី ដោយមិនបញ្ឈប់ដំណើរការលូតលាស់ធម្មជាតិរបស់ស្បែក ឬ សរីរាង្គដែលមានបាញ់កាវនេះពីលើឡើយ។
បញ្ជាក់ថាបច្ចុប្បន្ននេះការសាកល្បងប្រើប្រាស់កាវត្រូវបានកំណត់ធ្វើឡើងតែទៅលើពពួកសត្វតែប៉ុណ្ណោះ។ ចំពោះការសាកល្បងលើមនុស្សកំពុងស្ថិតនៅក្នុងដំណើរការផងដែរ។ ក្រុមអ្នកស្រាវជ្រាវបានអះអាងទៀតថាមុខរបួសដែលប្រើកាវ MeTro នេះអាចជាសះស្បើយលឿនជាងមុខរបួសដែលដេរភ្ជាប់ដោយម្ជុលដល់ទៅពាក់កណ្ដាល។
Anthony Weiss សមាជិកមួយរូបនៃក្រុមស្រាវជ្រាវ ដែលមកពីសកលវិទ្យាល័យស៊ីដនីប្រទេសអូស្ត្រាលី បានលើកឡើងថា ៖ "នៅពេលអ្នកមើល MeTro អ្នកនឹងឃើញថាវាដំណើរការដូចជាវត្ថុរាវអ៊ីចឹង បំពេញចន្លោះប្រហោងនិងប្រែរូបរាងទៅតាមទម្រង់មុខរបួស។ កាវនេះមានអនុភាពខ្លាំងណាស់ ដោយអាចប្រើសម្រាប់ព្យាបាលរបួសផ្ទៃក្នុងកម្រិតធ្ងន់នៅទីកន្លែងកើតហេតុ ដូចជាគ្រោះថ្នាក់ចរាចរ និងនៅវាលសង្គ្រាម និងអាចដើរតួយ៉ាងសំខាន់ក្នុងដំណើរការវះកាត់នៅឯមន្ទីរពេទ្យ”៕