អ្នកដាំដំឡូងមីចាប់ផ្ដើមមានទឹកមាត់លេបឡើងវិញ

2017-10-12 10:55:26
ចំនួនមតិ 0 | ចំនួនចែករំលែក 0

ចន្លោះមិនឃើញ

នៅពេលក្រសួងពាណិជ្ជកម្ម បង្ហើបគោលនយោបាយជាតិដំឡូងមី សម្រាប់គាំទ្រកសិកម្មដំឡូងមីដែលគ្រោងនឹងដាក់អនុវត្តក្នុងពេលឆាប់ៗផងនោះ ស្របគ្នានឹងតម្លៃដំឡូងមីបានចាប់ផ្ដើមង៉ើបឡើងនៅរយៈពេលចុងក្រោយនេះផង ធ្វើឲ្យកសិករ និងអ្នកនាំចេញមានសង្ឃឹម ដោយរំពឹងថាតម្លៃនៃផលិតផលកសិកម្មមួយនេះ នឹងអាចមានរក្សាបាននិរន្តរភាព។

អស់រយៈពេលជាច្រើនឆ្នាំមកហើយ ដែលដំឡូងមីបានក្លាយជាបញ្ហាសម្រាប់ប្រជាកសិករខ្មែរដែលរង់ចាំតែប្រទេសជិតខាងដូចជាថៃ និងវៀតណាម បញ្ជាទិញ។ ប៉ុន្តែថានៅពេលគោលនយោបាយជាតិដំឡូងមីចេញជាផ្លូវការ ក្រសួងពាណិជ្ជកម្ម ស្ថាប័ន្ធពាក់ព័ន្ធសហការជាមួយកម្មវិធីអភិវឌ្ឍន៍សហប្រជាជាតិ (UNDP)រួមគ្នាជួយធ្វើតម្លៃដំឡូងមីបានប្រសើរឡើង ក៏ដូចជាគាំទ្រដល់ការពង្រីកការផលិតនិងនាំចេញទៅក្រៅប្រទេស វានឹងលែងធ្វើឲ្យកសិករបារម្ភពីរឿងរកទីផ្សារទៀតដែរ។ នេះជាការយល់ឃើញរបស់អ្នកដាំដុះនិងរកស៊ីក្នុងវិស័យដំឡូងមី បានថ្លែងនៅក្នុងកម្មវិធីសិក្ខាសាលា ស្ដីលទ្ធផល និងភាពជោគជ័យនៃការអនុវត្តកម្មវិធីពង្រឹងក្របខណ្ឌសមាហរណកម្ម (EIF) នៅសណ្ឋាគារសាន់វេនៅថ្ងៃនេះ។

ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម បានថ្លែងថា សហគមន៍អឺរ៉ុប បានផ្ដល់ជំនួយសម្រាប់ពាណិជ្ជកម្ម (AfT) ដើម្បីគាំទ្រចំពោះវិស័យសំខាន់ៗចំនួន៥ ដូចជា វិស័យស្រូវអង្ករ សូត្រប្រណិត ដំឡូងមី ជលផលសមុទ្រ និងវិស័យបដិសណ្ឋារកិច្ច ដែលមកទល់បច្ចុប្បន្នជំនួយនេះមានទំហំរហូដល់ជិត ៨លានដុល្លារ។ ឯកឧត្តម បានគូសបញ្ជាក់ថា ជំនួយនេះនឹងជម្រុញឲ្យគោលនយោបាយជាតិដំឡូងមី ត្រូវអនុវត្តក្នុងពេលឆាប់ៗនេះផងដែរ។

( ឯកឧត្តម ប៉ាន សូរស័ក្ដិ រដ្ឋមន្ត្រីក្រសួងពាណិជ្ជកម្ម )

លោក ឯក ស៊ុនសុខា អគ្គនាយកក្រុមហ៊ុន ឡុង អេន សុខា និងជាសមាជិកក្រុមការងារដំឡូងមីនៅកម្ពុជា បានថ្លែងថា បច្ចុប្បន្ននេះតម្លៃដំឡូងមីនៅលើទីផ្សារអន្តរជាតិចាប់ផ្ដើមប្រសើរឡើងជាងឆ្នាំមុន។ លោកបន្តថាៈ « តម្លៃដំឡូងក្នុងខែនេះ ជាមធ្យមតម្លៃដំឡូងមីស្រស់នៅកណ្ដាប្រទេសលក់បាន ២០០រៀលក្នុងមួយគីឡូក្រាម និងតម្លៃលក់នៅខាងកើតប្រទេស ជាប់ព្រំដែនវៀតណាមបានតម្លៃដល់ទៅ ៣៤០រៀលក្នុងមួយគីឡូក្រាម»។

(លោក ឯក ស៊ុនសុខា អគ្គនាយកក្រុមហ៊ុន ឡុង អេន សុខា និងជាសមាជិកក្រុមការងារដំឡូងមីនៅកម្ពុជា)

លោកថាៈ «ដំឡូងមីជាដំណាំមួយមិនរើសរដូវ ដូចដំណាំស្រូវដែរ ហើយប៉ុន្មានឆ្នាំនេះយើងមានដំឡូងមីគ្រប់រដូវកាលទាំងអស់ ទាំងរដូវវស្សា និងរដូវប្រាំង ប៉ុន្តែនៅរដូវវស្សាការប្រមូលផលមានជួបការលំបាក ព្រោះមិនមានផ្លូវទៅដល់ចំការដូចប្រទេសគេ»។ លោករំពឹងថា នៅពេលខាងមុខតម្លៃដំឡូងមីនឹងល្អឡើងវិញ ដោយសារម្សៅដំឡូងមីមានតម្រូការច្រើននៅលើពិភពលោក ជាពិសេសនៅក្នុងវិស័យឧស្សាហកម្ម។ជាមួយគ្នានេះ លោកក៏សំណូមពរដល់រដ្ឋាភិបាលឲ្យបន្ថែមការពង្រីករោងចក្រដើម្បីកែច្នៃម្សៅដំឡូងមីបន្ថែមទៀត។

លោក ឡុង ហ៊ាង ប្រធានសមាគមដំឡូងមីស្រុករតនៈមណ្ឌល នៅខេត្តបាត់ដំបង សាទរចំពោះគោលនយោបាយថ្មីនេះ និងចង់ឲ្យរដ្ឋាភិបាលអនុវត្តឲ្យបានឆាប់ៗ។ ទន្ទឹមនឹងនេះ លោកក៏បានស្នើដល់រដ្ឋាភិបាលឲ្យជួយជាថវិកាដល់សមាគមនានា ក្នុងការផ្សព្វផ្សាយទិសដៅការដាំដុះដំឡូងមី។

តាមរបាយការណ៍ក្រសួងកសិកម្ម ការដាំដុះដំឡូងមីនៅកម្ពុជាចាប់ពីឆ្នាំ២០០០ ប្រមាណ ១៦ពាន់ហិកតា កើនដល់ជាង ៦០០ពាន់ហិតា ហើយបានផ្តល់ទិន្នផលសរុប ១៣លានតោន កាលពីឆ្នាំ២០១៦ ក្នុងនោះខេត្តបាត់ដំបង មានដីដាំដុះធំជាងគេ ទំហំ ១៥៥ ៤២៤ ហិកតា៕

អត្ថបទ៖ ស៊ិន សាវ៉េត

ពាក្យទាក់ទង

កសិកម្ម

អត្ថបទពេញនិយម

ក្រវិលកំប៉ុងគ្រុឌមួយ និងលុយ ៥០០រៀល ផ្លាស់ប្តូរជីវិតកសិករកម្សត់ម្នាក់

ទំនប់ដូនទ្រី ដែលប្រើបច្ចេកទេសជីករូងភ្នំមិនធ្លាប់មាននៅកម្ពុជា ពេលសង់រួចនឹងអាចស្រោចស្រពលើផ្ទៃដីកសិកម្មជាង ៣ម៉ឺនហិកតា

ប្រធានក្រុមបាល់ទាត់ CFSS បញ្ជាក់ពីវត្ដមានសម្ដេចតេជោក្នុងព្រឹត្ដិការណ៍បាល់ទាត់មិត្ដភាពសប្បុរសធម៌

ការជួសជុលខឿនព្រះលានជល់ដំរី ឈានដល់ដំណាក់កាលចុងក្រោយហើយ

សម្តេច ហ៊ុន ម៉ាណែត បញ្ជាក់មូលហេតុដែលមិនបង្កើតមូលនិធិសង់ព្រែកជីកហ្វូណនតេជោ

រូបព្រះពុទ្ធបដិមា ជាង១០០បំណែក ប្រទះឃើញនៅប្រាសាទតាព្រហ្ម

អត្ថបទថ្មី

បែកធ្លាយ TECNO POVA 6 Pro 5G ស្មាតហ្វូន លេងហ្គេមល្អបំផុតជាមួយនឹងបន្ទះឈីប 5G និងថាមពលថ្មប្រើប្រាស់បានយូរបំផុត តម្លៃក្រោម $300

សម្ដេចតេជោចូលរួមដឹកនាំផ្ទាល់ការប្រកួតបាល់ទាត់សប្បុរសធម៌

តម្លៃសាំងធម្មតាចុះ៥០៛/លីត្រ ខណៈតម្លៃម៉ាស៊ូតចុះ១០០៛/លីត្រ ទូទាំងប្រទេសកម្ពុជា

អ៊ែរ អេស៊ា ខេមបូឌា បើកការតាំងពិព័រណ៍ទេសចរណ៍លើកដំបូង ផ្តល់ជូននូវជើងហោះហើរជាច្រើនក្នុងតម្លៃដ៏អស្ចារ្យ

តាមដាន និងព្យាបាលភ្នែករបស់អ្នកឲ្យបានទាន់ពេលវេលា ជៀសវាងវិប្បដិសារីទៅថ្ងៃក្រោយ

ស្អាតហើយចិត្តសប្បុរសធម៌ទៀត! រ៉េត សារីតា នឹងទៅលើកទឹកចិត្តក្មេងស្រីក្រីក្រក្នុងកម្មវិធីបាល់ទាត់របស់អង្គការ HFCA នៅសៀមរាប