១៩សន្លឹក រូបថតពណ៌ នៅក្នុងសង្គ្រាមលោកលើកទី២ កម្របានឃើញបំផុត

2017-10-14 02:47:20
ចំនួនមតិ 0 | ចំនួនចែករំលែក 0

ចន្លោះមិនឃើញ

រូបថតចាក់ពណ៌ជាច្រើនសន្លឹក ត្រូវបានគេចេញផ្សាយ ដោយបង្ហាញឲ្យឃើញយ៉ាងលម្អិត នូវទិដ្ឋភាពដ៏សាហាវ នៃសង្គ្រាមលោកលើកទី២ នៅមហាសមុទ្រប៉ាស៊ីហ្វិក។

ជាមួយគ្នានេះដែរ រូបថតទាំងនោះបង្ហាញឲ្យឃើញពីទាហានអាមេរិក ព្យាយាមបើករថក្រោះ និងរថយន្តឆ្លងកាត់តំបន់ព្រៃដ៏លំបាក នៅប្រទេសប៉ាពូញូវហ្គីណេ (Papua New Guinea) ក៏ដូចជាកងទ័ពជើងទឹកអាមេរិក ប្រើប្រាស់កាំភ្លើងបាញ់ភ្លើងទៅលើបន្ទាយជប៉ុន នៅក្នុងប្រទេសហ្វីលីពីន ផងដែរ។

លោក Royston Leonard អាយុ ៥៥ឆ្នាំ មកពីទីក្រុង Cardiff ប្រទេសវែល ដែលបានចំណាយពេលចាក់ពណ៌រូបថតទាំងនេះ ជឿជាក់ថា ពួកវាបានបង្ហាញពីភាពច្បាស់លាស់នៃការតស៊ូ ដែលកងទ័ពអាមេរិកបានជួបប្រទះ នៅឯមហាសមុទ្រប៉ាស៊ីហ្វិក។

គួរបញ្ជាក់ថា ការវាយប្រហារមិនបានរំពឹងទុករបស់ជប៉ុន ទៅលើកំពង់ផែ Pearl Harbor នៅក្នុងខែធ្នូ ឆ្នាំ១៩៤១ បានបង្ហាញពីការចាប់ផ្ដើមសង្គ្រាមប៉ាស៊ីហ្វិក និងការចូលរួមរបស់សហរដ្ឋអាមេរិក នៅក្នុងសង្គ្រាមលោកលើកទី២។ មនុស្សប្រហែល ៣៦លាននាក់បានស្លាប់ និងរបួស ក្នុងអំឡុងសង្គ្រាមនៅប៉ាស៊ីហ្វិកនោះ៕

ចង់ដឹងថា រូបថតទាំងនោះយ៉ាងណាខ្លះ សូមទស្សនាទាំងអស់គ្នា៖