Mazda ជាក្រុមហ៊ុនរថយន្តកើតតាំងពីឆ្នាំ ១៩២០

2017-10-14 06:33:20
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Mazda Motor Corporation ហៅខ្លី Mazda ជាក្រុមហ៊ុនផលិតរថយន្តរបស់ប្រទេសជប៉ុន។ ក្រុមហ៊ុននេះ មានការិយាល័យកណ្ដាលនៅ Aki ទីក្រុង Hiroshima។ ឆ្នាំ ២០១៥ ក្រុមហ៊ុន Mazda ផលិតរថយន្តលក់លើទីផ្សារសកលលោកបាន ១.៥ លានគ្រឿង ដែល ១ លានគ្រឿងផលិតនៅរោងចក្រក្នុងស្រុក និងសល់ពីនេះផលិតតាមរោងចក្រនៅបណ្ដាប្រទេសមួយចំនួនទៀត។

Mazda ឈរនៅតំណែងទី ១៥ ជាក្រុមហ៊ុនផលិតរថយន្តធំបំផុតក្នុងលោក គិតត្រឹមឆ្នាំ ២០១៥។

@ ដើមកំណើតនៃឈ្មោះ ៖

គេហទំព័រក្រុមហ៊ុនផ្ទាល់បានបញ្ជាក់ថា ឈ្មោះ Mazda គឺយកឈ្មោះតាមស្ថាបនិកក្រុមហ៊ុនលោក Jujiro Matsuda។ ដែលឈ្មោះនេះក៏សម្តៅន័យ Ahura Mazda បានន័យថាទេព្តាពន្លឺដ៏ចែងចាំង។ @ ប្រវត្តិ ៖

ក្នុងឆ្នាំ ១៩២០ ពេលក្រុមហ៊ុនកកើតដំបូងមានឈ្មោះថា Toyo Cork Kogyo Co., Ltd និងប្តូរឈ្មោះទៅ Toyo Kogyo ក្នុងឆ្នាំ ១៩២៧។ នៅចុងទសវត្សរ៍ឆ្នាំ ១៩២០ ក្រុមហ៊ុនជួបក្ស័យធន ប៉ុន្តែត្រូវបានជួយសង្គ្រោះទាន់ដោយធនាគារ Hiroshima Saving Bank និងអ្នកជំនួញនៅទីក្រុង Hiroshima។ លុះមកដល់ឆ្នាំ ១៩៨៤ ទើបឈ្មោះ Mazda លេចចេញឡើង ប៉ុន្តែរថយន្តផលិតមុនឆ្នាំនោះ ក៏ត្រូវកំណត់ជា Mazda វិញ ទាំងអស់រួមមានរថយន្ត Mazda R360 (ឈ្មោះថ្មី) ដែលបង្ហាញនៅឆ្នាំ ១៩៦០ និង Mazda Carol នៅឆ្នាំ ១៩៦២។

អំឡុងឆ្នាំ ១៩៦៨ Mazda បានប្រឡូកចូលទីផ្សារប្រទេសកាណាដា ហើយ ២ ឆ្នាំក្រោយទើបលេចមុខក្នុងទីផ្សារអាមេរិកខាងជើង។ ពេលនោះ Mazda ល្បីខ្លាំងជាមួយរថយន្ត Pickup ប្រភេទ B-Series រហូតមកចូលបច្ចុប្បន្នរថយន្ត Pickup ដំណើរការដោយថាមពល Wankel-Powered មានតែ Mazda មួយគត់ជាអ្នកផលិត ទៀតសោតដូចជារថយន្តក្រុងប្រើថាមពល Rotary-Powered ម៉ូដែល Mazda Parkway មានតែមួយគត់ក្នុងប្រទេសជប៉ុន។ ចូលដល់ឆ្នាំ ១៩៧៣ រថយន្តប្រភេទគ្រួសារតូច Familia ក្លាយជាការពេញនិយមដ៏ខ្លាំងក្លាសម្រាប់ទីផ្សារពិភពលោក ដែល Mazda មិនអាចខ្វះបាន។ ក្រោយៗមកទើបមានម៉ូដែល RX-7, RX-8 និង Roadster ជាបន្តបន្ទាប់។ គិតពីឆ្នាំ ១៩៣៤ ទល់បច្ចុប្បន្ន Mazda បានប្ដូរស្លាកយីហោខ្លួនចំនួន ៦ លើករួចមកហើយ។

@ ការចាប់ដៃគូជាមួយក្រុមហ៊ុន Ford Motor ៖

ចាប់តាំងពីឆ្នាំ ១៩៧៤ ដល់ ២០១៥ ក្រុមហ៊ុន Mazda បានចាប់ដៃគូជាមួយក្រុមហ៊ុន Ford Motor ដែលបានទិញយកភាគហ៊ុន ៧ ភាគរយ នាឆ្នាំ ១៩៧៩ រហូតឡើងដល់ ៣៣.៣ ភាគរយ នាឆ្នាំ ១៩៩៨។ ក្រោមការគ្រប់គ្រងរបស់លោក Alan Mulally ក្រុមហ៊ុន Ford ក៏បានដកភាគហ៊ុនពី Mazda ចំនួន ២.១ ភាគរយមកវិញ នាឆ្នាំ ២០១៤ ហើយកាត់បន្ថយការផលិត។ ប៉ុន្មានឆ្នាំក្រោយមកដល់ ២០០៨ Mazda បានបោះទុន ១៨៥ លានដុល្លារ ទិញភាគហ៊ុន ៦.៨ ភាគរយបន្ថែមមកវិញពី Ford គាប់ជួនពេលដែល CEO លោក Hisakazu Imaki លាលែងពីតំណែងនិងជំនួសដោយលោក Takashi Yamanouchi វិញ។

@ ទីផ្សារ ៖

អាមេរិកខាងជើងជាទីផ្សារធំបំផុតមួយរបស់ក្រុមហ៊ុន Mazda ខណៈនៅទីផ្សារអាមេរិកធ្លាក់ចុះទាបបំផុតនា ១០ ឆ្នាំចុងក្រោយ ត្រឹម ១.៧ ភាគរយ។ ចំពោះស្លាកយីហោមានភាពស្មោះត្រង់និងទំនុកចិត្ត Mazda ទទួលបាន ៣៩ ភាគរយ នៅឆ្នាំ ២០១៦ ទាបជាងចង្វាក់ផលិតកម្មរបស់ខ្លួនជាមធ្យម ៥៣ ភាគរយ។

@ ការប្រណាំងរថយន្តអន្តរជាតិ ៖

Mazda បានប្រលូកចូលព្រឹត្តិការណ៍ប្រណាំងរថយន្តយឺតរយៈពេល ៨៤ ម៉ោង ដំបូងបង្អស់នាថ្ងៃទី ២០ តុលា ឆ្នាំ ១៩៦៨ ដោយមានរថយន្ត ២ គ្រឿងស៊េរី Cosmo Sport 110S ដោយមួយបានយកឈ្នះក្នុងតំណែងលេខ ៤។ លុះមួយឆ្នាំក្រោយ Mazda បានចូលប្រកួតម្ដងទៀត ហើយទទួលបានតំណែងលេខ ៥។ ក្រឡេកទៅឆ្នាំ ២០១៦ លោក Ray Walle បានប្រើរថយន្តមួយគ្រឿងផ្សេងទៀត Mazda RX-5 ចេញពីក្រុមហ៊ុនចែកចាយនៅទីក្រុង Princeton រដ្ឋ New Jersey ទៅ Daytona ហើយបានយកឈ្នះក្នុងព្រឹត្តិការណ៍ប្រណាំង Touring Class ម៉ាស៊ីនចំណុះក្រោម ២.៥ លីត្រ នៃរយៈពេល ២៤ ម៉ោងមុនបើកត្រឡប់មកកាន់រដ្ឋ New Jersey វិញ។

@ ការឧបត្ថម្ភ ៖

នៅពីក្រោយភាពជោគជ័យនៃក្រុមហ៊ុន Mazda ខ្លួន ក៏ជាម្ចាស់ឧបត្ថម្ភដល់ក្រុមកីឡាជាច្រើនទាំងក្នុងស្រុកនិងក្រៅស្រុក ៖

ក្នុងស្រុក

ក្រុមបាល់ទាត់ Sanfrecce Hiroshima (ស្ថិតក្នុង J.League) ៖ ដំបូងមានឈ្មោះជា Toyo Kogyo Soccer Club ដែលបង្កើតនាឆ្នាំ ១៩៣៨ រហូតដល់ឆ្នាំ ១៩៩២ ក្រោយពេល Mazda កាត់បន្ថយការឧបត្ថម្ភដល់ក្រុមនេះ រួចក៏បានផ្ទេរទៅជាឈ្មោះថ្មីវិញ។
Hiroshima Toyo Carp (ក្រុមកីឡា Baseball) ៖ ផ្តើមទទួលការឧបត្ថម្ភពី Mazda ចាប់តាំងពីឆ្នាំ ១៩៦៨ មុនពេលដែល Mazda នៅមានឈ្មោះជា Toyo Kogyo នៅឡើយ។

ក្រៅស្រុក