វ៉ូវ! ក្រុមជើងឯក MATIC ទាំងពីររបស់កម្ពុជាឈ្នះតំបន់ទី៣មកភ្នំពេញ

2017-10-16 09:07:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ការប្រកួតតំបន់ទី៣នៃព្រឹត្តិការណ៍ប្រកួតកីឡាអេឡិចត្រូនិកថ្នាក់ជាតិប្រចាំឆ្នាំ២០១៧បានស្វែងរកឃើញក្រុមខ្លាំង៣ឡើងមកប្រកួតជុំផ្តាច់ព្រ័ត្រនៅរាជធានីភ្នំពេញហើយគឺក្រុមល្បីឈ្មោះ Never Care ជាជើងឯកប្រចាំតំបន់ទី៣ ក្រុម Secret ទទួលបានចំណាត់ថ្នាក់លេខ២ និងក្រុម TheMichael ទទួលបានចំណាត់ថ្នាក់លេខ៣។

អ្វីដែលគួរឲ្យចាប់អារម្មណ៍បំផុតនោះគឺ Never Care និង Secret ជាក្រុមជើងឯកពានរង្វាន់អន្តរជាតិ MATIC របស់កម្ពុជាដែលប្រកួតនៅតំបន់ទី៣គឺខេត្តកំពង់ឆ្នាំង ពោធិ៍សាត់ បាត់ដំបង ប៉ៃលិន និង បន្ទាយមានជ័យ ដែលប្រកួតកាលថ្ងៃទី ១៤ ខែតុលា ឆ្នាំ២០១៧។

ក្រុម Never Care លេខ១

ក្រុម Secret លេខ២

ក្រុម The Michael លេខ៣

សម្រាប់លទ្ធផលតំបន់ទី២៖ ក្រុមលេខ១ Revenger ក្រុមលេខ២ Innocent និងលេខ៣ Infinity សម្រាប់វិញ្ញាសា AK2 និងក្រុមAwaesome សម្រាប់វិញ្ញាសា Dota2។

ក្រុម Revenger

ក្រុម Innocent

ក្រុម Infinity

ក្រុម Awaesome

ក្រុម Never Care ជាជើងឯក MATIC 2017

ក្រុមអេឡិចត្រូនិកកម្ពុជា Nevercare ក្លាយជាជើងឯកកីឡាអេឡិចត្រូនិក MATIC 2017 បន្ទាប់ពីផ្តួលក្រុមអតីតជើងឯកឆ្នាំចាស់ Superior របស់ប្រទេសថៃកាលពីខែមករា ដើមឆ្នាំនេះ ហើយយកពានរង្វាន់ដ៏អស្ចារ្យមកប្រទេសកម្ពុជាជាមួយប្រាក់រង្វាន់ ១៥០០០ដុល្លារអាមេរិក។ នេះជាប្រវត្តិសាស្ត្រឈ្នះជើងឯកលើកទី២របស់សហព័ន្ធកីឡាអេឡិចត្រូនិកកម្ពុជា។

ក្រុម Never Care ឈ្នះជើងឯក MATIC 2017

ក្រុម Secret ជាជើងឯក MATIC 2015

ក្រុមកីឡាអេឡិចត្រូនិកកម្ពុជា Secret ដែលជាម្ចាស់ជើងឯកពានរង្វាន់កីឡាអេឡិចត្រូនិកអន្តរជាតិ MATIC 2015 បន្ទាប់ពីទទួលបានជោគជ័យក្នុងការប្រកួតនៅប្រទេសចិន និងប្រទេសផ្សេងទៀតដូចជាកម្ពុជា ថៃ ម៉ាឡេស៊ី សិង្ហបុរី ឥណ្ឌូណេស៊ី និងតៃវ៉ាន់។ Secret បាននាំពានរង្វាន់ដ៏អស្ចារ្យមកទឹកដីកម្ពុជាអមដោយប្រាក់រង្វាន់១៥០០០ដុល្លារអាមេរិក។ នេះជាប្រវត្តិសាស្ត្រឈ្នះជើងឯកលើកទី១របស់សហព័ន្ធកីឡាអេឡិចត្រូនិកកម្ពុជា៕

ក្រុម Secret ឈ្នះជើងឯក MATIC

ព្រឹត្តិការណ៍ជ្រើសរើសជើងឯកកីឡាអេឡិចត្រូនិកថ្នាក់ជាតិប្រចាំឆ្នាំ២០១៧ រៀបចំដោយសហព័ន្ធកីឡាអេឡិចត្រូនិកកម្ពុជា និងគាំទ្រដោយគណៈកម្មាធិការជាតិអូឡាំពិកកម្ពុជា ព្រមទាំងចូលរួមឧបត្ថម្ភដោយកុំព្យូទ័រ ASUS ROG, ភេសជ្ជៈ Mountain Dew និងទូរទស្សន៍ MYTV ៕

អត្ថបទ៖ ជាន ចាន់រ៉ា