Mourinho ថានឹងមិនបញ្ចប់អាជីពខ្លួននៅ Man Utd ទេ

2017-10-17 02:08:12
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកចាត់ការទូទៅក្លឹប Manchester United លោក Jose Mourinho កាលពីពេលថ្មីៗនេះ បាននិយាយថានឹងបញ្ចប់អាជីពជាគ្រូបង្វឹករបស់ខ្លួនក្នុងក្លឹបបិសាចក្រហមនោះទេ។

លោក Mourinho បានថ្លែងទៅកាន់ទូរទស្សន៍បារាំង Telefoot ថា៖ "ខ្ញុំនៅតែជាគ្រូបង្វឹកដែលមានការព្រួយបារម្ភច្រើន ហើយក៏ជាគ្រូបង្វឹកដែលមានមហិច្ឆតាខ្ពស់ ចង់សាកល្បងនូវអ្វីថ្មីៗ"។ ពេលដែលសួរថា លោកនឹងដឹកនាំក្លឹប Manchester United រហូតដល់ចូលនិវត្តន៍ឬអត់ អ្នកចាត់ការសញ្ជាតិព័រទុយហ្គាល់បានបន្តទៀតថា៖ "ទេ។ ខ្ញុំមិនជឿថាខ្ញុំអាចធ្វើអ៊ីចឹងបានទេ។ ខ្ញុំប្រាកដក្នុងចិត្តណាស់ ថាខ្ញុំនឹងមិនបញ្ចប់អាជីពរបស់ខ្ញុំនៅ Manchester United ទេ"។

លោក Mourinho បានក្លាយជាអ្នកចាត់ការក្លឹបបិសាចក្រហមកាលពីឆ្នាំមុន ព្រមទាំងជួយឲ្យក្លឹបយក្សអង់គ្លេសមួយនេះឈ្នះពានចំនួន ៣ក្នុងរដូវកាលដំបូងរបស់ខ្លួន៕

ប្រភព៖ BBC ប្រែសម្រួល៖ ហ៊ីម រស្មី