ចាន់ វឌ្ឍនាកា នឹងបានចូលលេងលើកដំបូងនៅជប៉ុន ក្រោយចំណាយពេលជិត១ឆ្នាំ
- 2017-10-17 03:03:04
- ចំនួនមតិ 0 | ចំនួនចែករំលែក 0
ចាន់ វឌ្ឍនាកា នឹងបានចូលលេងលើកដំបូងនៅជប៉ុន ក្រោយចំណាយពេលជិត១ឆ្នាំ
ចន្លោះមិនឃើញ
ខ្សែប្រយុទ្ធ ចាន់ វឌ្ឍនាកា នឹងបានចូលលេងជាលើកដំបូងឱ្យក្លឹប Fujieda MYFC ក្នុងការប្រកួតចុងសប្ដាហ៍នេះ ក្រោយពីចំណាយពេលហ្វឹកហាត់ជាយូរមកហើយ។ នេះបើតាមការបង្ហោះរបស់ក្លឹបបាល់ទាត់ Fujieda MYFC ។
ការប្រកួតនៅចុងសប្ដាហ៍នេះនឹងត្រូវតទល់ជាមួយនឹង SC Sagamihara នៅកីឡដ្ឋាន Ekopa នាថ្ងៃទី២២ ខែតុលា ឆ្នាំ២០១៧ វេលាម៉ោង ១១ព្រឹក។ ប្រភពដដែល បានហៅការប្រកួតនេះថា "Cambodia match day” ដែលជាការលេងជាលើកដំបូងរបស់ "Cambodia's Messi” ឬ "Cambodia's hero” នៅ J3-League។
ឆ្លងកាត់ ២៦ប្រកួតកន្លងទៅ Fujieda កំពុងឈរលេខ៩ មាន ៣៧ពិន្ទុ តាមពីក្រោយក្រុមកំពូលតារាង Tochigi ដែលមាន ៥២ពិន្ទុ។ ចំណែក ក្រុម SC Sagamihara កំពុងស្ថិតនៅចំណាត់ថ្នាក់លេខ១២ មានទើបតែ ២៩ពិន្ទុ។ ខណៈដែលក្នុងលីគ ចាន់ វឌ្ឍនាកា ផ្លាស់ទៅជាច្រើនខែមកហើយ មិនទាន់បានចូលជួយក្រុមឡើយ ទើបតែមានឱកាសនៅចុងសប្ដាហ៍នេះប៉ុណ្ណោះ៕