បុរសម្នាក់ផលិតបានគោយន្តបញ្ជាតេឡេ គ្រប់គ្នាសរសើរលាន់

2017-10-17 23:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិថៃវ័យ ៣៥ ឆ្នាំមួយរូប ត្រូវបានមនុស្សជាច្រើនកោតសរសើរថាមានភាពប៉ិនប្រសប់ បន្ទាប់ពីវីដេអូគោយន្តបញ្ជាដោយតេឡេរបស់បុរសរូបនេះត្រូវបានគេចុចមើលយ៉ាងច្រើនលើបណ្ដាញសង្គម។

មានឈ្មោះថា Arthit Pengkit និងមកពីស្រុក Si Samrong ខេត្ត Sukhothai បុរសរូបនេះបាននិយាយថាបានសម្រេចចិត្តយកចំណេះដឹងរបស់ខ្លួនមកប្រើលើគោយន្ត និងជួយកសិករសន្សំកម្លាំងរបស់ខ្លួន។ លោក Arthit សិក្សាអំពីគ្រឿងអេឡិចត្រូនិកដោយខ្លួនឯង និងបានប្រើពេលគិតពីវិធីបំពាក់ឧបករណ៍អ្វីមួយដែលអាចបញ្ជាគោយន្តបាន។ ក្រោយមកគាត់ក៏បានធ្វើការពិសោធន៍ឧបករណ៍របស់ខ្លួនជាមួយគោយន្ត។

លោក Arthit បានបំពាក់ឧបករណ៍បញ្ជាមួយនៅលើគោយន្ត ស្រដៀងគ្នានឹងឧបករណ៍ដែលគេប្រើបញ្ជាកូនឡាន និងកូនយន្តហោះដែរ។ បច្ចុប្បន្ននេះគឺស្ថិតនៅក្នុងដំណាក់កាលសាកល្បងនៅឡើយ។ គាត់ក៏មានគម្រោងថាបំពាក់កាមេរ៉ាមួយលើគោយន្ត ហេតុនេះកសិករអាចបញ្ជាវាតាមកម្មវិធីទូរសព្ទបាន។

បុរសវ័យ ៣៥ ឆ្នាំរូបនេះក៏ធ្លាប់ផលិតបានឧបករណ៍ពិសេសដទៃទៀតដូចជាកង់ដែលមានបំពាក់ជាមួយថ្នាំបាញ់សត្វល្អិត និងបានច្នៃម៉ាស៊ីនបូមទឹកពីម៉ូតូផងដែរ៕

ប្រភព៖ Bangkokpost ប្រែសម្រួល៖ សុខហេង