Mercedes ប្រមូលរថយន្តជិតកន្លះលានគ្រឿង ជុំវិញបញ្ហាពោងសុវត្ថិភាព

2017-10-18 02:54:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Mercedes-Benz និយាយកាលពីថ្ងៃចន្ទម្សិលមិញថា ខ្លួនកំពុងប្រមូលរថយន្តចំនួន ៤០០ ០០០ គ្រឿងទូទាំងចក្រភពអង់គ្លេសដោយសារកំហុសបច្ចេកទេសពោងសុវត្ថិភាព។

សេចក្តីថ្លែងការណ៍ប្រកាសដោយ Mercedes-Benz គ្រប់គ្រងដោយក្រុមហ៊ុនមេ Daimler និយាយថា បញ្ហាពោងសុវត្ថិភាពនេះមិនពាក់ព័ន្ធនឹងវិបត្តិពោងសុវត្ថិភាពនៅឯក្រុមហ៊ុនជប៉ុន Takata នោះទេ ។ ក្រុមហ៊ុន Mercedes-Benz នឹងប្រមូលរថយន្តម៉ូដែល A, B, C, E, CLA, GLA និងម៉ូដែល GLC ដែលផលិតចន្លោះខែវិច្ឆិកា ២០១១ និងខែកក្កដា ២០១៧។

ក្នុងសេចក្តីថ្លែងការណ៍មិនបានបញ្ជាក់ឱ្យច្បាស់ពីចំនួនរថយន្តនឹងត្រូវហៅមកវិញទេតែក្រោយមកក្រុមហ៊ុនអះអាងថា រថយន្តចំនួន ៤០០ ០០០ គ្រឿងពាក់ព័ន្ធបញ្ហាពោងសវត្ថិភាព។

ក្រុមហ៊ុនថា ពន្លឺប្រកាសអាសន្នពីពោងសុវត្ថិភាព និងចង្កៀងប្រកាសអាសន្នពោងសុវត្ថិភាពពណ៌ក្រហមអាចត្រូវបានបង្ហាញដោយកំហុសបច្ចេកទេស ។ យ៉ាងណាមិញត្រូវចំណាយពេល ១ ម៉ោងដើម្បីបញ្ចប់បញ្ហានេះហើយការជួសជុលនឹងមិនឥតគិតថ្លៃឡើយ៕

ប្រភព៖

ប្រភព៖ Channelnewsasia ប្រែសម្រួល៖ សិរីបុទ្រ