ក្រុមល្ខោនល្បីមួយនៅបារាំង នឹងមកសម្តែងនៅកម្ពុជាដើម្បីរៃអង្គាសថវិកាសម្រាប់អង្គការកុមារ PSE
- 2017-10-18 04:45:47
- ចំនួនមតិ 0 | ចំនួនចែករំលែក 0
ក្រុមល្ខោនល្បីមួយនៅបារាំង នឹងមកសម្តែងនៅកម្ពុជាដើម្បីរៃអង្គាសថវិកាសម្រាប់អង្គការកុមារ PSE
ចន្លោះមិនឃើញ
ក្រុមល្ខោនល្បីឈ្មោះមួយរបស់បារាំងនឹងមកសម្តែងនៅមជ្ឈមណ្ឌលហសប្រតិបត្តិការកម្ពុជា-ជប៉ុន (CJCC)នៅថ្ងៃទី២៥-២៦ខែតុលា ឆ្នាំ២០១៧ ដើម្បីប្រមូលថវិកាសម្រាប់ការអប់រំរបស់សិស្សនៅអង្គការស្នាមញឹមនៃកុមារ ហៅកាត់ថាPSE។
កម្មវិធីនេះមានឈ្មោះថា The Imaginary Invalid ដែលនឹងត្រូវរៀបចំឡើងនៅអគារ CJCCក្នុងបរិវេណសាកលវិទ្យាល័យភូមិន្ទភ្នំពេញ។ កម្មវិធីនេះចូលរួមសម្តែងដោយ La Comedie de la Mansonniere ជាក្រុមល្ខោនល្បីឈ្មោះនៅប្រទេសបារាំង ដែលការសម្តែងនេះធ្វើឡើងដើម្បីរកថវិកាជួយដល់កុមារដែលកំពុងសិក្សានៅអង្គការ PSE ។
ថ្លៃសំបុត្រចូលរួមកម្មវិធីនេះមានតម្លៃប្រាំដុល្លារ ហើយថវិកាដែលបានពីការលក់សំបុត្រនឹងត្រូវបរិច្ចាកទៅអង្គការPSE សម្រាប់ជួយដល់សិទ្ធទទួលបានការអប់រំរបស់កុមារនៅទីនោះ។
លោក អ្នកអាចរកសំបុត្រទាំងនេះបាននៅវិទ្យាស្ថានភាសាបារាំង អគារ G នៃវិទ្យាសា្ថនភាសាបរទេស នៃសាកលវិទ្យាល័យភូមិន្ទ ភ្នំពេញ ចាប់ពីថ្ងៃទី១៨ ដល់២០ ខែតុលា ឆ្នាំ២០១៨៕