Messi ស៊ុតគ្រាប់ទី១០០ យប់មិញទោះ Barcelona មានគ្នាតែ១០នាក់
- 2017-10-19 00:54:58
- ចំនួនមតិ 0 | ចំនួនចែករំលែក 0
Messi ស៊ុតគ្រាប់ទី១០០ យប់មិញទោះ Barcelona មានគ្នាតែ១០នាក់
ចន្លោះមិនឃើញ
FC Barcelona បានបន្តដំណើរកើប៣ពិន្ទុរបស់ខ្លួនក្រោយយកឈ្នះ Olympiacos ៣-១ ក្នុងការប្រកួត UEFA Champions League ពូល D។
ការប្រកួតនៅកីឡដ្ឋាន Nou Camp ដែលមានអ្នកគាំទ្រប្រមាណ៥ម៉ឺននាក់ ក្រុមម្ចាស់ផ្ទះរកឃើញគ្រាប់ដំបូងនៅនាទី១៨ ប៉ុន្តែជាការទាត់បាល់ចូលទីខ្លួនឯងរបស់ខ្សែការពារ Nikolaou បន្ទាប់ពីព្យាយាមរារាំងបាល់របស់ Deulofeu។
លុះដល់នាទី ៤២ Barcelona សល់គ្នាត្រឹម១០នាក់បន្ទាប់ពី Gerard Pique បានកាតលឿង២ដង ស្មើកាតក្រហមត្រូវបណ្ដេញចេញ។ នៅវគ្គទីពីរនាទី៦១ តារាឆ្នើម Lionel Messi បានទាត់ Free Kick បញ្ចូលទីយ៉ាងល្អឲ្យក្រុម ហើយវាជាគ្រាប់បាល់ទី១០០របស់គេនៅ Champions League។
រំលងបាន៣នាទីខ្សែការពារឆ្វេង Lucas Digne បានឡើងមកគាំទ្រតំបន់ប្រយុទ្ធហើយស៊ុតទម្លុះរនាំងក៏ដូចជាអ្នកចាំទីជួយក្រុមលោក Valverde កាន់តែកក់ក្ដៅសម្រាប់ជ័យជម្នះលើកទី៣ជាប់គ្នា។ យ៉ាងណាក៏ដោយនាទី ៩០ Nikolaouបានឡើងមកតែតបាល់ជ្រុងបានមួយគ្រាប់សងវិញដើម្បីលួងចិត្តអ្នកគាំទ្រ Olympiacos៕