Facebook អាប់ដេតថ្មី ផុសរបស់ Page ទាំងអស់លែងបង្ហាញលើ News Feed
- 2017-10-19 04:05:22
- ចំនួនមតិ 0 | ចំនួនចែករំលែក 0
Facebook អាប់ដេតថ្មី ផុសរបស់ Page ទាំងអស់លែងបង្ហាញលើ News Feed
ចន្លោះមិនឃើញ
នៅថ្ងៃនេះ Facebook បានធ្វើអាប់ដេត System ថ្មី ដោយបានធ្វើការកែសម្រួលដល់ការបង្ហាញ Feed លើគណនីរបស់អ្នកប្រើប្រាស់ទាំងអស់។
ការកែសម្រួលថ្មីនេះគឺគ្រប់ Post របស់ Page ទាំងអស់នឹងមិនបង្ហាញនៅលើផ្ទាំង News Feed នៃគណនីរបស់អ្នកប្រើប្រាស់ទៀតនោះទេ។ ពោលវានឹងត្រូវផ្លាស់ទីទៅទីតាំងថ្មីឈ្មោះថា Explore Feed។
Explore Feed ពីមុនមកមានតែនៅលើ Platform ទូរសព្ទតែប៉ុណ្ណោះ ប៉ុន្តែនៅថ្ងៃនេះ Facebook បានបន្ថែមវាទៅលើ Platform Desktop ដែរហើយ។ Explore Feed នេះដែរ ជាកន្លែងសម្រាប់បង្ហាញចេញនូវ Post របស់ Page ដែលអ្នកប្រើប្រាស់បានចុច Like និងសូម្បីតែ Page ដែលអ្នកមិនបានចុច Like ក្ដី។
ការកែសម្រួលនេះមានន័យថាប្រសិនបើ Page ទាំងឡាយណា ចង់បង្ហាញខ្លួនលើ News Feed លុះត្រាតែត្រូវចំណាយលុយលើការផ្សព្វផ្សាយជាមួយ Facebook ឬលុះត្រាតែ Post របស់ Page នោះត្រូវបានគណនីណាមួយចែករំលែក (Share) លើ Timeline ឬក្នុងក្រុម (Group) ណាមួយ។
ក្នុងសេចក្ដីថ្លែងការណ៍មួយ Facebook បានបកស្រាយថាការសម្រេចចិត្តបញ្ចេញមុខងារ Explore Feed ឲ្យមានទាំងនៅលើទូរសព្ទ និង Desktop ដល់អ្នកប្រើប្រាស់គ្រប់រូប ក៏ព្រោះតែមានសំណូមពរច្រើនពីអ្នកប្រើប្រាស់ ដោយចង់បានវិធីសាស្ត្រងាយស្រួលមួយក្នុងការស្វែងរក Content ល្អពី Page ដែលពួកគេមិនបានចុច Like។
ខាងក្រោមជាវិធីចូលទៅកាន់ Explore Feed ៖
សម្រាប់ Android អាចចុចលើសញ្ញារ៉ុកកែតនៅជួរខាងលើ
សម្រាប់ iOS ចុចលើ Menu រួចអូសចុះក្រោមដើម្បីស្វែងរកពាក្យ Explore Feed
សម្រាប់លើ Desktop ក្រឡេកមើលផ្នែកខាងឆ្វេងដៃ រួចស្វែងរក Explore Feed ដែលអាចនៅខាងក្រោម News Feed៕