មហោស្រពអក្សរសិល្ប៍ខ្មែរ រៀបចំនៅទឹកដីអង្គរ ដើម្បីលើកកម្ពស់គុណតម្លៃអ្នកនិពន្ធ

2017-10-19 11:01:31
ចំនួនមតិ 0 | ចំនួនចែករំលែក 0

ចន្លោះមិនឃើញ

មហោស្រពអក្សរសិល្ប៍ខ្មែរ នឹងរៀបចំឡើងរយៈពេល៣ថ្ងៃ នៅខេត្តសៀមរាប ដែលជាបណ្តុំវប្បធម៌ អរិយធម៌របស់ខ្មែរ គឺចាប់ពីថ្ងៃទី ២០ ដល់ ២២ ខែតុលា ខាងមុខនេះ។

ការរៀបចំមហោស្រពនេះឡើង គឺដើម្បីបណ្តុះស្មារតីស្រលាញ់អក្សរសិល្ប៍ជាតិ លើកកម្ពស់កិត្តិយស និងគុណតម្លៃរបស់អ្នកនិពន្ធខ្មែរនៅក្នុងសង្គមជាតិ និងជួយបង្កើនឱកាសដល់អ្នកនិពន្ធក្នុងការទំនាក់ទំនង និងទីផ្សារ។

តាមរយៈមហោស្រពអក្សរសិល្ប៍ខ្មែរនេះ ពលរដ្ឋកម្ពុជានឹងទទួលបាននូវអក្សរសិល្ប៍ខ្មែល្អឯក និងលទ្ធភាពកាន់តែប្រសើរឡើងក្នុងការទទួលបានស្នាដៃ និងចំណេះដឹងអក្សរសិល្ប៍។

លោកស្រី សូ ភីណា សហស្ថានិកស្លាប៉ាកាខ្មែរ និងជាសមាជិកក្រុមការងាររៀបចំមហោស្រពអក្សរសិល្ប៍ខ្មែរ បានមានប្រសាសន៍ថា "មហោស្រពអក្សរសិល្ប៍មួយនេះ គឺជាមោទនភាពនៃអក្សរសិល្ប៍ខ្មែរ ហើយក៏ជាឱកាសសម្រាប់អ្នកនិពន្ធបានជួបជុំគ្នា ផ្លាស់ប្តូរយោបល់អំពីស្ថានភាពបច្ចុប្បន្ន និងស្វែងរកដំណោះស្រាយនានា ដើម្បីលើកកម្ពស់វិស័យសិល្បៈអក្សរសិល្ប៍នេះតទៅមុខទៀត"។ លោកស្រី បានបន្ថែមទៀតថា "យើងចង់ស្ដារចលនាអក្សរសិល្ប៍ដែលប្រជាជនយើងធ្លាប់មានឲ្យរស់រវើកឡើងវិញ"។ សម្រាប់រយៈពេលបីថ្ងៃនេះ នឹងមានការចូលរួមពីអ្នកនិពន្ធ និពន្ធនាយក តំណាងរោងពុម្ព សិស្ស-និស្សិត អ្នកស្រលាញ់អក្សរសិល្ប៍ និងប្រជាពលរដ្ឋទូទៅ ដោយមានកម្មវិធីប្លែកៗគ្នា រួមមាន វេទិកាពិភាក្សាអំពីប្រធានបទសំខាន់ៗ កម្មវិធីបង្ហាញស្នាដៃនិពន្ធថ្មីៗ សិក្ខាសាលានិពន្ធ ការបញ្ចាំងខ្សែភាពយន្តដែលទាក់ទងនឹងអ្នកនិពន្ធ ពិព័រណ៍សៀវភៅទាក់ទងនឹងកុមារ និងការសម្តែងសិល្បៈ ដែលរួមមានចាប៉ីដងវែង បាសាក់ទោល របាំ "សំឡេងស្គរជ័យ" ដោយក្រុមស្រ្តី មេធា និងរបាំសៀក ដោយសហគ្រាសសង្គមហ្វារជាដើម៕

មហោស្រពអក្សសិល្ប៍ខ្មែរទទួលបានការឧបត្ថម្ភ ដោយអង្គការស៊ីប៉ាកម្ពុជា សមាគមអក្សរសិល្ប៍ នូ ហាច ក្រុមហ៊ុនរថយន្តGiant Ibis ផ្សារ លីម ប៉េងឃុន (មណ្ឌលគិរី) ក្រុមហ៊ុនឆាយ ដា ឡូជីស្ទិក (Chay Da Logistics) ខ្មែរអូហ្កានិកខូភឺរេហ្សិន (Khmer Organic Cooperative) និងសប្បុរសជនមួយចំនួន ដែលបានផ្តល់ថវិកាផ្ទាល់ខ្លួន សម្រាប់ព័ត៌មានបន្ថែម សូមទាក់ទង៖

លោកស្រី សូ ភីណា ទូរស័ព្ទលេខ ០១២៩៣៥២២៣ អ៊ីម៉ែល៖ write2phina@gmail.com
លោក សុខឡាក់ ទូរស័ព្ទលេខ ០៧៧ ៩៨ ៨៨ ២៦, 0៩៨ ៨៨ ២៦ អ៊ីម៉ែល mrsoklak@gmail.com

អត្ថបទៈ ដៃគូសហការ

ពាក្យទាក់ទង

ដៃគូសហការ

អត្ថបទពេញនិយម

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

លក្ខខណ្ឌទាំងនេះ ត្រូវបានអតីតតារាសម្ដែង ម៉ៅ ចំណាន បំពេញគ្រប់ សម្រាប់បេក្ខភាពប្រធានសមាគម

ដោយសារភ្លៀងសិប្បនិម្មិត Cloud Seeding ឬ ទើបធ្វើឱ្យឌូបៃ ជួបប្រទះគ្រោះទឹកជំនន់ធ្ងន់ធ្ងរបំផុត?

ឧកញ៉ា គិត ស៊ូឡា ឡើងជានាយកគ្រប់គ្រងផ្នែកប្រតិបត្តិការ ក្រុមហ៊ុន រ៉ូយ៉ាល់គ្រុប អន្តរជាតិ

ចេញហើយ តម្លៃរថយន្ត Toyota Camry 2025 នៅទីផ្សារអាមេរិក! ទាបបំផុត ២ម៉ឺន ៨ពាន់ដុល្លារ

ផ្លូវជាតិលេខ៤៨ ស្រែអំបិល-កោះកុង សម្រេចសាងសង់បានពាក់កណ្តាលហើយ និងគ្រោងបញ្ចប់ចាក់កៅស៊ូឆ្នាំក្រោយ

អត្ថបទថ្មី

អបអរសាទរដល់អតិថិជនដែលឈ្នះរង្វាន់ពីកម្មវិធីរង្វាន់ហុងស៊ុយ 168 រង្វាន់ ដ៏កក្រើកពីក្រុមហ៊ុន សាមសុង!

យុវជន លឹម ចិត្រា មានឆន្ទៈចង់ក្លាយជាកីឡាករអាជីព និងលេងក្រៅប្រទេសដូច Idol វឿន វាសនា

ត្រៀមកន្លែងថតរូបថ្មី! អាជ្ញាធរខេត្តកំពត ចាប់ផ្តើមសាងសង់ប្រាសាទលោកយាយម៉ៅលើកំពូលភ្នំទ្វារ ឡានម៉ូតូក៏អាចបើកឡើងដល់ដែរ

កក្រើក! ក្រុមបាល់ទះកីឡាករល្បីៗចូលប្រកួតបាល់ទាត់ដ៏ធំមួយប្រមូលមូលនិធិជូនមន្ទីរពេទ្យគន្ធបុប្ផា

ក្លឹបអង់គ្លេសធ្លាក់ចេញពី UCL ទោះជាវគ្គ Final ប្រព្រឹត្តិទៅនៅរាជធានីឡុងដុងក្ដី