មកស្គាល់កីឡាករបរទេស៧នាក់មិនធម្មតាធ្លាប់ផ្តួលស្តេចប្រដាល់ថៃ Buakaw

2017-10-22 23:10:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់សេរីលំដាប់ពិភពលោក Buakaw Banchamek ត្រូវបានគេស្គាល់ថា ស្តេចប្រដាល់សេរីរបស់ថៃដែលបានសាងកេរ្តិ៍ឈ្មោះសំឡេងយ៉ាងខ្លាំងនៅតំបន់អាស៊ី ក៏ដូចជាកម្រិតពិភពលោក។ កំណត់ត្រាឡើងសង្វៀនរបស់គេគឺ២៦៥ដង ឈ្នះ២៣០ដង ចាញ់២៣ ស្មើ១២ និងធ្លាប់ឈ្នះដោយផ្តួលដៃគូឲ្យសន្លប់បាន៦៩ដង។ បច្ចុប្បន្នរូបគេគ្រង់ខ្សែក្រវាត់ និងពានរង្វាន់កម្រិតពិភពលោកជាច្រើន ហើយស្ទើររកគូប្រកួតគ្មានផង។

ទោះបីជាយ៉ាងខ្លាំងយ៉ាងណាក៏ដោយ ក៏រូបគេស្គាល់រសជាតិបរាជ័យជាច្រើនលើកដែរនៅពេលរូបមានកេរ្តិ៍ឈ្មោះល្បីល្បាញហើយ។ គិតពីឆ្នាំ២០០០ ដល់ឆ្នាំ២០១៧នេះមានកីឡាករបរទេស៧នាក់ធ្លាប់បានយកឈ្នះលើរូបគេ។ កីឡាករខ្លះវ៉ៃគ្នាពីរដង ប៉ុន្តែកំពូលអ្នកប្រដាល់រូបនេះនៅតែមានសងសឹកបានឡើយ។

១- Buakaw Banchamek vs Albert Kraus កីឡាករហុល្លង់ Kraus និងជើងខ្លាំងថៃ Buakaw ធ្លាប់ប្រកួតគ្នា៤ដងក្នុងនោះឈ្នះ២ និងចាញ់២ដងដូចគ្នា។ ប្រកួតទី១ Kraus ឈ្នះពិន្ទុ Buakaw ដោយមិនឯកឆ្ឆន្ទក្នុងការប្រកួតដណ្តើមខ្សែក្រវាត់ពិភពលោក K-1 កាលពីថ្ងៃទី២៣ ខែកុម្ភៈ ឆ្នាំ២០០៥នៅប្រទេសជប៉ុន។ ប្រកួតលើកទី២ Buakaw បានឈ្នះពិន្ទុ Kraus នៅថ្ងៃទី២០ ខែកក្កដា ឆ្នាំ២០០៥នៅប្រទេសជប៉ុន។ ប្រកួតលើកទី៣ Buakaw នៅតែឈ្នះពិន្ទុ Kraus ថ្ងៃទី៩ ខែមេសា ឆ្នាំ២០០៨នៅជប៉ុន ប៉ុន្តែប្រកួតលើកទី៤ Kraus បានយកឈ្នះពិន្ទុ Buakaw វិញថ្ងៃទូ២៩ វិច្ឆិកា ២០០៨នៅហុល្លង់។

ប្រវត្តិរបស់Albert Kraus ប្រកួតសេរី៖ ១១៦ដង ឈ្នះ៖ ៨៨ដង (ឈ្នះសន្លប់៤៨ដង) ស្មើ៖ ៣ដង ចាញ់៖ ២៥ដង (ចាញ់សន្លប់៤ដង) ប្រកួតសកលអាជីព៖ ៥ដង ឈ្នះ៖ ៥ដង (ឈ្នះសន្លប់៤ដង)

២- Buakaw Banchamek vs Andy Souwer កំពូលអ្នកប្រដាល់ថៃ Buakaw ធ្លាប់វ៉ៃជាមួយកីឡាករហុល្លង់ Andy Souwer ៣ដងក្នុងនោះឈ្នះ១ដង និងចាញ់២ដង។ ប្រកួតលើកទី១ Andy Souwer ឈ្នះខ្សែក្រវាត់ K-1 ពិភពលោក បន្ទាប់ពីឈ្នះពិន្ទុលើ Buakaw ដោយមិនឯកឆ្ឆន្ទៈក្រោយតស៊ួ៥ទឹកពេញកាលពីថ្ងៃទី២០ កក្កដា ២០០៥នៅជប៉ុន។ ប្រកួតលើកទី២ Buakaw ឈ្នះខ្សែក្រវាត់ពិភពលោក K-1 តាមរយៈការផ្តួល Andy ក្នុងទឹកទី២ ថ្ងៃទី៣០ មិថុនា ២០០៦។ លើកទី៣ Andy បានយកឈ្នះ Buakaw ដោយពិន្ទុក្នុងវគ្គពាក់កណ្តាលផ្តាច់ព្រ័ត្រខ្សែក្រវាត់ K-1 នៅជប៉ុន ក្រោយតស៊ូគ្នា៤ទឹក។

ប្រវត្តិរបស់Andy Souwer ប្រកួត៖ ១៨០ដង ឈ្នះ៖ ១៦០ដង (ឈ្នះសន្លប់៩៨ដង) ចាញ់៖ ១៩ដង (ចាញ់សន្លប់៤ដង) ស្មើ៖ ១ដង ប្រកួតសកលអាជីព៖ ១ដង ឈ្នះ៖ ១ដង ៣- Buakaw Banchamek vs Masato អ្នកប្រដាល់ថៃ និងអ្នកប្រដាល់ជប៉ុននេះធ្លាប់ជួបគ្នា២ដងគឺឈ្នះម្តង និងចាញ់ម្នាក់ដូចគ្នា។ ប្រកួតលើកទី១ Baukaw ឈ្នះខ្សែក្រវាត់ K-1 បន្ទាប់ពីឈ្នះពិន្ទុ Masato វគ្គផ្តាច់ព្រ័ត្រពីការតស៊ូ៤ទឹកថ្ងៃទី៧ កក្កដា ២០០៤ នៅជប៉ុន។ ការប្រកួតទី២ Masato បានទម្លាក់ Baukaw ត្រឹម១/៤នៃការប្រកួតខ្សែក្រវាត់ពិភពលោក K-1 តាមរយៈការឈ្នះពិន្ទុពីការស៊ូគ្នា៣ទឹកនៅថ្ងៃទី៣ តុលា ២០០៧នៅជប៉ុន។

ប្រវត្តិរបស់ Masato ប្រកួត៖ ៦៣ដង ឈ្នះ៖ ៥៥ដង (ឈ្នះសន្លប់២៥ដង) ស្មើ៖ ២ដង ចាញ់៖ ៦ដង (ចាញ់សន្លប់២ដង)

៤- Buakaw Banchamek vs Yoshihiro Sato Sato ជាអ្នកជប៉ុនដែលធ្លាប់វ៉ៃជាមួយ Buakaw ៣ដងក្នុងឈ្នះ១ដង និងចាញ់៣ដង។ ប្រកួតលើកទី១ Sato បានចាញ់ Buakaw ទឹកទី២ក្នុងការប្រកួតវគ្គ១/៤ ដណ្តើមខ្សែក្រវាត់ពិភពលោក K-1 ថ្ងៃទី៣០ មិថុនា ២០០៦នៅជប៉ុន។ ប្រកួតលើកទី២ Buakaw បន្តឈុ្នះ Sato ដោយពិន្ទុ ក្រោយតស៊ូ៤ទឹកពីការប្រកួតដណ្តើមខ្សែក្រវាត់ K-1 ថ្ងៃទី២ កុម្ភៈ ២០០៨នៅជប៉ុន។ ប្រកួតលើកទី៣ Sato បានផ្តួល Buakaw ទឹកទី៣នៃការប្រកួតដណ្តើមខ្សែក្រវាត់ K-1 ថ្ងៃទី៧ កក្កដា ២០០៨នៅជប៉ុន ខណៈប្រកួតលើកទី៣ Buakaw បានយកឈ្នះពិន្ទុ Sato ក្នុងព្រឹត្តិការណ៍ Max Muay Thai ថ្ងៃទី៦ តុលា ២០១៣ នៅជប៉ុន។

ប្រវត្តិរបស់ Yoshihiro Sato ប្រកួត៖ ៧៨ដង ឈ្នះ៖ ៥៤ដង (ឈ្នះសន្លប់២០ដង) ស្មើ៖ ១ដង ចាញ់៖ ២៣ដង (ចាញ់សន្លប់៤ដង)

៥- Buakaw Banchamek vs Enriko Kehl អ្នកលេងប្រដាល់សេរី Buakaw Banchamek និង Enriko Kehl ធ្លាប់ប៉ះគ្នា២ដងគឺឈ្នះ១ដង និងចាញ់១ដងម្នាក់ដូចគ្នា។ ប្រកួតទី១ Buakaw ឈ្នះ Kehl ដោយពិន្ទុក្នុងព្រឹត្តិការណ៍ Max Muay Thai ក្រោយតស៊ូ៣ទឹក ថ្ងៃទី១០ ធ្នូ ២០១៣នៅថៃ។ ប្រកួតលើកទី២ Kehl បានវ៉ៃឲ្យ Buakaw ចុះចាញ់ទឹកទី៤ក្នុងការប្រកួតខ្សែក្រវាត់ K-1 ថ្ងៃទី១១ វិច្ឆិកា ២០១៤។

ប្រវត្តិរបស់ Enriko Kehl ប្រកួត៖ ៥៩ដង ឈ្នះ៖ ៤៥ដង (ឈ្នះសន្លប់២៧ដង) ស្មើ៖ ១ដង ចាញ់៖ ១៣ដង

៦- Buakaw Banchamek vs Khayal Dzhaniev កីឡាកររុស្ស៊ីវ័យក្មេងរូបនេះមានបទពិសោធតិចនៅលើសង្វៀន ប៉ុន្តែធ្លាប់ផ្តល់បរាជ័យដល់កំពូលអ្នកប្រដាល់ថៃ Buakaw នៅពេលអ្នកទាំងពីរជួបគ្នាក្នុងវគ្គពាក់កណ្តាលផ្តាច់ព្រ័ត្រក្នុងការប្រកួត Topking World Series 4 ថ្ងៃទី២៨ កក្កដា ២០១៥ នៅទីក្រុងហុងកុង។

ប្រវត្តិរបស់ Khayal Dzhaniev ប្រកួត៖ ១៥ដង ឈ្នះ៖ ១១ដង ចាញ់៖ ៤ដង

៧- Buakaw Banchamek vs Yi Long អ្នកប្រដាល់ល្បីទាំងពីរធ្លាប់សង្វៀនប៉ះគ្នា២ដងក្នុងនោះឈ្នះ១ដង និងចាញ់១ដងម្នាក់ដូចគ្នា។ ប្រកួតលើកទី១ អ្នកលេងប្រដាល់សេរីចិន Yi Long បានចាញ់ពិន្ទុមិនឯកច្ឆន្ទពីការប្រកួត៣ទឹក Fight of the Century ថ្ងៃទី៦ មិថុនា ២០១៥ នៅចិន។ ការប្រកួតលើកទី២ Yi Long បានឈ្នះពិន្ទុឯកឆ្ឆន្ទ ពីការប្រកួត៣ទឹកព្រឹត្តិការណ៍ Fight of the Century 2 ថ្ងៃទី៥ វិច្ឆិកា ២០១៦ នៅចិន។