អត្តសញ្ញាណលើគំនូល្អឯករបស់វិចិត្រកររូបនេះ រម្លឹកដល់ការចងចាំមួយ

2017-10-22 00:26:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វិចិត្រករដ៏ចំណាន លោក លាង ស៊ីកន តែងតែបានបន្សល់ទុកនូវអត្តសញ្ញាណនៅគ្រប់ផ្ទាំងគំនូរទាំងអស់របស់ខ្លួន។ តើអ្វីទៅជាអត្តសញ្ញាណលើគំនូរដ៏ល្អឯករបស់វិចិត្រកររូបនេះ?

វិចិត្រករ លាង ស៊ីកន

វិចិត្រករគំនូរសហសម័យលោក លាង ស៊ីនក បានប្រាប់ Sabay ថា ដើមហេតុដំបូងដែលនាំឱ្យលោកបន្សល់ទុកអត្តសញ្ញាណលើគំនូររបស់ខ្លួននោះ គឺដោយសារតែចង់រម្លឹកដល់គ្រាមួយក្នុងពេលដេរគំនូរ។ លោកថាមានថ្ងៃមួយ លោកខំប្រឹងដេររូបគំនូរមួយផ្ទាំង ដើម្បីឱ្យកន្ទុយអំបោះនៅសល់ខ្លី ដោយហេតុមិនចង់ទុកកន្ទុយអំបោះសល់វែង តែបែរជាធ្វើឱ្យមុតដៃទៅវិញ។ ដោយឈឺខ្លាំងពេក ទើបលោកសម្រេចចិត្តដាក់កន្ទុយអំបោះដេរសល់វែងនៅគ្រប់គំនូរទាំងអស់ និងយកវាជាអត្តសញ្ញាណតែម្ដង។

“ថ្ងៃមួយហ្នឹងខ្ញុំខំដេរគំនូរមួយផ្ទាំងហ្នឹងណាស់ គិតថាមិនចង់ទុកខ្សែអំបោះនៅវែងទេ តែដេរយូរទៅក៏វាមុតដៃ ខ្ញុំឈឺខ្លាំងមែនទែន គិតថាអញឈប់ដេរឈប់អីហើយ អីចឹងបានខ្ញុំសម្រេចចិត្តទុកកន្ទុយអំបោះឱ្យនៅវែងគ្រប់គំនូរទាំងអស់ ជាអត្តសញ្ញាណដើម្បីរម្លឹកដល់ពេលនោះ”។

ស្នាដៃគំនូររបស់ វិចិត្រកររូបនេះល្បីល្បាយមិនត្រឹមតែនៅក្នុងប្រទេសកម្ពុជានោះឡើយ តែល្បីទៅដល់បណ្ដាប្រទេសនៅទ្វីបអាស៊ី និងអឺរ៉ុបផង មិនតែប៉ុណ្ណោះផ្ទាំងគំនូររបស់លោកត្រូវបានវិចិត្រសាលលំដាប់ពិភពលោកចុះកុងត្រាជាលោកផងដែរ។

អត្ថបទ៖ ប៉ូ សាគុន