ម្យ៉ាងដែរ ទិញយន្តហោះ២គ្រឿង មកកែធ្វើជាសណ្ឋាគារ និងភោជនីយដ្ឋាន

2017-10-21 03:32:49
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកជំនួញចិនដ៏មានមហិច្ឆតាម្នាក់មកពីខេត្តហឺណានបានចំណាយប្រាក់ ៨ លានយ័ន (១,២ លានដុល្លារ) ទិញយន្តហោះចូលនិវត្តន៍ចំនួន ២ គ្រឿង ដោយគ្រោងនឹងច្នៃវាទៅជាភោជនីយដ្ឋាននិងសណ្ឋាគារ។

យោងតាមបុគ្គលិកម្នាក់របស់គាត់ យន្តហោះទាំងពីរនេះគឺប្រភេទ BAe 146 ផលិតដោយក្រុមហ៊ុន British Aerospace និងត្រូវបានប្រើធ្វើជាយន្តហោះដឹកអ្នកដំណើរសម្រាប់ក្រុមហ៊ុនអាកាសចរណ៍ចិន China Eastern Airlines។ ទោះយ៉ាងណា បច្ចុប្បន្នយន្តហោះទាំង២ត្រូវបានដាក់ចោលនៅកណ្តាលវាលនៅខាងក្រៅទីក្រុងជូម៉ាទៀន។ ម្ចាស់ថ្មីដ៏មានមោទនភាពរបស់យន្តហោះនេះ ជឿថា ពួកវានឹងជួយទាក់ទាញទេសចរណ៍និងបង្កើនល្បឿនសេដ្ឋកិច្ចក្នុងតំបន់។

ប៉ុន្តែសម្រាប់ពេលនេះ យន្តហោះទាំង២កំពុងត្រូវបានជួសជុលជាចាំបាច់។

នេះមិនមែនជាលើកទីមួយទេដែលពាណិជ្ជករជនជាតិចិនមានគំនិតបែបនេះ។ នៅឆ្នាំ ២០១៦ មហាសេដ្ឋីម្នាក់បានចំណាយប្រាក់ ៥ លានយ័ន (៧៥៤.០០០ ដុល្លារ) លើយន្តហោះ Boeing 737 ចាស់មួយគ្រឿង ហើយក្រោយមក បានបន្ថែមប្រាក់ ៣ លានយ័នទៀត (៤៥៣.០០០ ដុល្លារ) ច្នៃវាទៅជាភោជនីយដ្ឋាន៕