Leonardo ទើបចាកចេញ ឥឡូវគ្រូប្រេស៊ីលម្នាក់ទៀត លាឈប់ពីក្លឹបធំបំផុតមួយនៅអាស៊ី

2017-10-21 07:23:02
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូបង្វឹកសញ្ជាតិប្រេស៊ីល Luiz Felipe Scolari បានសម្រេចចិត្តលាឈប់ពីក្លឹបចិន Guangzhou Evergrande កាលពីថ្ងៃទី ១៩ តុលា កន្លងទៅ បន្ទាប់ពីដឹកនាំក្លឹបទទួលបានជោគជ័យជិត ៣ ឆ្នាំ។ នេះបើតាមទីភ្នាក់ងារព័ត៌មាន Reuters។

ការសម្រេចចិត្តដើរចេញពីក្លិបដ៏ធំរបស់ចិននេះ ស្របពេលគ្រូបង្វឹកសញ្ជាតិប្រេស៊ីលលោក Leonardo ត្រូវបានបញ្ឈប់ពីជម្រើសជាតិកម្ពុជា បន្ទាប់ពីដឹកនាំក្រុមមិនទាន់បានមួយឆ្នាំស្រួលបួលផង។

អតីតគ្រូបង្វឹក Chelsea លោក Scolari វ័យ៦៨ឆ្នាំ ធ្លាប់ជាគ្រូបង្វឹកល្អបំផុតក្នុងប្រវត្តិសាស្ត្របាល់ទាត់ពិភពលោក ដែលបានជួយឲ្យប្រេស៊ីលលើកពាន World Cup 2002។

ការសម្រេចចិត្តមិនបន្តកុងត្រាជាមួយក្លឹបយក្សនៅចិន Guangzhou Evergrande ដែលជះលុយដូចទឹក បន្ទាប់ពីលោកជាប់បម្រាម៣ប្រកួត ពីសមាគមបាល់ទាត់ប្រទេសចិន នៅពេលលោកតវ៉ាជាមួយការសម្រេចចិត្តរបស់អាជ្ញាកណ្ដាល ក្នុងអំឡុងការប្រកួតដ៏ក្ដៅគគុកក្នុងក្របខ័ណ្ឌ Chinese Super League ដែលបានជួយឲ្យក្រុមលោកឈ្នះទាំងប្រផឹតប្រផើយ លើក្រុម Yanbian Funde FC លទ្ធផល ៤- ៣។

បច្ចុប្បន្ន Guangzhou Evergrande ឈរនៅលេខ១ក្នុងលីគកំពូលចិនមាន៦១ពិន្ទុ ក្នុងចំណោម២៧ប្រកួត តាមប្រកិតដោយ Shanghai SIPG ឈរលេខ២ មាន៥៥ពិន្ទុ ហើយនៅសល់៣ប្រកួតចុងក្រោយនឹងរកឃើញថាតើក្រុមលេខ១ ឬ ក្រុមលេខ២ បណ្ដោះអាសន្នដែលនឹងលើកពាន។ ខណៈអន្តរកាលនេះ លោក Scolari បានត្រឹមអង្គុយទស្សនាការប្រកួតរបស់កូនក្រុមពីកៅអីអ្នកទស្សនាប៉ុណ្ណោះ។

គ្រូបង្វឹកសញ្ជាតិប្រេស៊ីល មិនមានបំណងត្រលប់ទៅប្រេស៊ីលវិញទេ ហើយសង្ឃឹមថានឹងមានតំណែងមួយនៅអឺរ៉ុប ឬ ប្រទេសនៅអាស៊ីសម្រាប់ World Cup ឆ្នាំក្រោយ។ ប្រភពខាងលើបន្ត។

ជិត៣ឆ្នាំ Scolari បានជួយឲ្យ Guangzhou Evergrande លើកពានធំៗ៦ដូចជា៖ Chinese Super League ២លើក Chinese Cup ១លើក Chinese Super Cups ២លើក និងពានរង្វាន់ធំបំផុតរបស់ទ្វីបអាស៊ី Asian Champions League ១លើក និងចុងក្រោយចាំអ៊ុតមើល៣ប្រកួតចុងក្រោយ ក្នុងលីគកំពូលចិន អាចជាពានទី៧ក្រោមការដឹកនាំរបស់លោកឬយ៉ាងណា៕

ប្រភព៖ Reuters ប្រែសសម្រួល៖ សុខ លាងហ៊ត

ពាក្យទាក់ទង

កីឡាបាល់ទាត់អន្តរជាតិ

អត្ថបទពេញនិយម

ផ្លូវជាតិលេខ៧ ពី រង្វង់មូលស្គន់ ដល់ស្ពានគីហ្ស៊ូណា ដែលសាងសង់ពង្រីកដល់៤គន្លង សម្រេចបានប៉ុនណាហើយ?

ការចេញមុខរបស់នាយិកា ADOR មិនបានស្រង់ស្ថានភាពឲ្យប្រសើរ តែដូចធាក់ខ្លួនឯងធ្លាក់រណ្ដៅជ្រៅលើសដើម

មិនសរសើរមិនបាន កូនអាន បោះមេធ្វើវីដេអូ ខ្មែរ Makeup Trend បង្ហាញពីវប្បធម៌ខ្មែរយ៉ាងអស្ចារ្យ

បែកគ្នា ២៥ឆ្នាំ ទើបជួបក្នុងវ័យជ្រេរៀងៗខ្លួន ក្នុងឆ្នាំ២០២៤ ប៉ុន្ដែម៉ាក់ថឺង និងមើយចឺយ នៅតែផ្អែមល្ហែម

អ្នកបង់លុយជាសាច់ប្រាក់សុទ្ធលើផ្លូវល្បឿនលឿន នឹងត្រូវគិតតម្លៃដើមវិញ ចាប់ពីដើមខែក្រោយ! ចុះអ្នកប្រើ ETC និង ANPR?

ព្យាករណ៍អាកាសធាតុ! ខែក្រោយនេះ កម្ពុជានឹងមានមានភ្លៀងធ្លាក់ហើយ

អត្ថបទថ្មី

កាំភ្លើងធំឈរលេខ ១ ប៉ុណ្ណោះអាសន្ន ហើយតាមប្រកិតពីក្រោយដោយ Man City

បុរសសិង្ហបុរីម្នាក់ជាប់ទោស ក្រោយមើលថែឆ្មារបស់ខ្លួនមិនបានល្អ

Liverpool កំពុងតែចរចាជាមួយគ្រូហុល្លង់ម្នាក់ ដើម្បីមកជំនួស Klopp

ដំណើរកម្សាន្តរ៉ូមែនទិកច របស់គូស្នេហ៍ជាមួយ CORNETTO

ដៃធ្លាប់កាន់ម៉ៃក្រូស្រែកច្រៀងលើឆាក បច្ចុប្បន្ន Celine បានត្រឹមសំងំព្យាបាលជំងឺកម្រជាមួយក្ដីសង្ឃឹម

ចូលរួមគាំទ្រទាំងអស់គ្នា! ការប្រកួតប្រដាល់ស្វែងរកថវិកាជួយកុមារកំព្រា ថ្ងៃទី១០ ឧសភា ២០២៤