កុំឲ្យភ្ញៀវនិយាយដើមហុយពេញភូមិរឿងម្ហូបការអត់ឆ្ងាញ់ នេះនែ តិចនិកមើលដឹងចុងភៅធ្វើម្ហូបការឆ្ងាញ់ក៏អត់!
- 2017-10-24 09:42:15
- ចំនួនមតិ 0 | ចំនួនចែករំលែក 0
កុំឲ្យភ្ញៀវនិយាយដើមហុយពេញភូមិរឿងម្ហូបការអត់ឆ្ងាញ់ នេះនែ តិចនិកមើលដឹងចុងភៅធ្វើម្ហូបការឆ្ងាញ់ក៏អត់!
ចន្លោះមិនឃើញ
ថ្ងៃមុន Sabay បានចេញផ្សាយអត្ថបទពីវិធីរើសសម្អាងឲ្យត្រូវ សម្រាប់អ្នកជិតរៀបការ កុំឲ្យខកចិត្តថ្ងៃការ។ ឥឡូវ យើងនិយាយពីរឿងម្ហូបការវិញម្ដង ព្រោះមិនមែនរឿងលេងសើចទេ បើម្ហូបថ្ងៃការយ៉ាប់ សាច់ញាតិ និងភ្ញៀវអី ដឹងតែនិយាយដើមហ៊ុយ។ ម្ហូបសមរម្យ ឬក៏ឆ្ងាញ់កប់ទៀតនោះ ស្រួលមិនស្រួល ភ្ញៀវអាចចងដៃកាន់តែច្រើនក៏ថាបាន។ ខាងក្រោមជាតិចនិករើសចុងភៅការឲ្យត្រូវ ធ្វើម្ហូបឆ្ងាញ់ ហើយបានតម្លៃសមរម្យ៖
១. ចិត្តគិតចង់បានម្ហូបមួយតុតម្លៃម៉ាន?
ត្រង់នេះ ជាកន្លែងសំខាន់ជាងគេបំផុតត្រូវពិចារណា ព្រោះម្ហូបឆ្ងាញ់មិនឆ្ងាញ់ ស្អាតមិនស្អាត (អនាម័យ) ពេលខ្លះ ក៏ពាក់ព័ន្ធនឹងតម្លៃដែរ។ ម្ហូប មាន ថោក សមរម្យ ថ្លៃ និងថ្លៃកប់ពពក។ អ៊ីចឹង ត្រូវច្បាស់ក្នុងចិត្តថា មានកញ្ចប់លុយប៉ុន្មានសម្រាប់ម្ហូបក្នុងមួយតុ ដើម្បីងាយស្រួលចរចា និងសារ៉េ ពេលទៅជួបចុងភៅ។ ជួបចុងភៅកាន់តែច្រើន អាចជ្រេបានតម្លៃល្អ ម្ហូបឆ្ងាញ់កាន់តែច្រើន។
ត្រូវចាំថា ម្ហូបឆ្ងាញ់ត្រូវមាត់ភ្ញៀវ ភ្ញៀវអាចចងដៃច្រើនដែរ។ ណាមួយ វាសមរម្យសម្រាប់ភ្ញៀវសងខាងផង។
២. សួរអ្នកមានបទពិសោធផ្ទាល់
ឲ្យតែដល់ពេលការ មិនខ្វះទេ សាច់ញាតិបងប្អូន ជួយណែនាំឲ្យយកចុងភៅនេះ ចុងភៅនោះ។ សំខាន់ត្រង់ថា អ្នកដែលណែនាំហ្នឹង មានបទពិសោធខ្លួនឯងផ្ទាល់ (ការខ្លួនឯង ឬការកូន) ឬដឹងតៗតាមគេ។ យកល្អ គួរសួរយោបល់ពីអ្នកមានបទពិសោធផ្ទាល់ ឬមិត្តភ័ក្ដិជាសាច់ញាតិរបស់ចុងភៅ ល្អជាង សួរយោបល់អ្នកដែលស្គាល់តៗគ្នា។ កុំភ្លេចសួរបញ្ជាក់ពីលំដាប់តម្លៃណាត្រូវនឹងលំដាប់ម្ហូបណាផង។
៣. Save ឈ្មោះ និងលេខចុងភៅទុក ពេលទៅញ៉ាំការម្ដងៗ
បើប្រទះម្ហូបឆ្ងាញ់ ហើយស្អាត (អនាម័យ) ពេលទៅញ៉ាំការ ត្រូវ save លេខ និងឈ្មោះទុក ក្រែងលោកមានការថ្ងៃក្រោយ។ វិធីនេះ អាចថាមានប្រសិទ្ធភាពខ្ពស់មិនងាយខុស ព្រោះបានឃើញ និងភ្លក់រសជាតិផ្ទាល់។ ឆ្ងាញ់មិនឆ្ងាញ់ ដឹងគ្នាហើយអាហ្នឹង!
៤. ភ្លក់
ចាស់ថា «បានឮ ១០ ដង មិនស្មើនឹងបានឃើញម្ដង»! ដូចគ្នា បើចង់ច្បាស់មិនឲ្យខុសរឿងរសជាតិ គឺត្រូវចំណាយឲ្យចុងភៅធ្វើម្ហូបឲ្យយើងភ្លក់សាកមើល។ ប៉ុន្តែ ទម្លាប់នេះ ធ្វើឡើងសម្រាប់តែអ្នកមាន ដែលជ្រើសយកម្ហូបថ្លៃៗអីហ្នុងប៉ុណ្ណោះ។
៥. សួរបញ្ជាក់ចុងភៅរឿងតូចៗ តែសំខាន់ប៉ុនភ្នំ