TJ Cruiser ជាឡាន Minivan កូនកាត់ SUV

2017-10-26 21:18:57
ចំនួនមតិ 0 | ចំនួនចែករំលែក 0

ចន្លោះមិនឃើញ

TJ Cruiser គឺជាប្រភេទរថយន្ត Minivan កាត់ SUV មួយប្រភេទដែល Toyota បានបង្ហាញចេញក្នុងតាំងពិពណ៌រថយន្ត Tokyo Motor Show ឆ្នាំ ២០១៧។

TJ Cruiser មានរូបរាងជ្រុងៗដោយ Toyota អះអាងថារចនាបថនេះផុសចេញពីប្រអប់ដាក់ឥវ៉ាន់ដែលមានរាងជ្រុង ហើយផ្នែកខាងក្នុងវិញរចនាឡើងដើម្បីទាក់ទាញចំណាប់អារម្មណ៍យុវវ័យដែលចូលចិត្តដើរកម្សាន្ត។ រូបរាងរបស់រថយន្ត Concept នេះហាក់មិនជាទាក់ទាញប៉ុន្មានឡើយ ប៉ុន្តែវាមានចំណុចគួរចាប់ចិត្តមួយចំនួនដូចជាទ្វារគូថឡានលាបពណ៌ដោយសារធាតុពិសេសអាចធន់នឹងភាពឆ្កូត និងមានទ្វារសងខាងជាប្រភេទរុញងាយស្រួលសម្រាប់ជញ្ជូនឥវ៉ាន់ធំៗជាដើម។

រថយន្តនេះមានប្រវែង ៤៣០០ ម.ម, ទទឹង ១៧៧៥ ម.ម និងកម្ពស់ ១៦២០ ម.ម។ វិមាត្ររបស់ TJ Cruiser គឺប្រហាក់ប្រហែលនឹងរថយន្ត Toyota C-HR ដែរ។ TJ Cruiser អាចផ្ទុកឥវ៉ាន់បានច្រើនបំផុត ព្រោះថាកៅអីទាំងអស់ (លើកលែងកៅអីតៃកុង) អាចបត់ឲ្យរាបស្មើបាន។

ក្រុមហ៊ុន Toyota មិនបានបញ្ជាក់ឡើយថានឹងផលិតរថយន្តនេះបញ្ចេញលក់លើទីផ្សារឬយ៉ាងនោះ។ ប៉ុន្តែប្រសិនបើការបង្ហាញរូបរាងរថយន្ត Concept នេះទទួលបានផលវិជ្ជមានច្រើនពីសំណាក់អ្នកគាំទ្រ នោះ Toyota អាចនឹងផលិតវាសម្រាប់លក់ក៏ថាបាន៕

អត្ថបទ៖ សុខហេង