រវាងកាមេរ៉ា DSLR និង Micro 4/3 គួរទិញមួយណា?

2017-10-28 03:47:17
ចំនួនមតិ 0 | ចំនួនចែករំលែក 0

ចន្លោះមិនឃើញ

កាមេរ៉ា Micro 4/3 ទទួលបានការចាប់អារម្មណ៍ជាច្រើន ដោយសារវាមិនត្រឹមតែតូច និងស្រាល ជាងកាមេរ៉ា DSLR ភាគច្រើនប៉ុណ្ណោះទេ ថែមទាំងមាន Features មួយចំនួនដូចទៅនឹងកាមេរ៉ា DSLR ទៀត ដែលធ្វើឲ្យអ្នកថតរូបភាពមួយចំនួនមានការភ្ញាក់ផ្អើលនឹងសមត្ថភាពវា។ ដូច្នេះអ្នកអាចពិចារណាមើលលើប៉ុន្មានចំណុចខាងក្រោម ទាក់ទងនឹង កាមេរ៉ា Micro 4/3 និង DSLR ក្នុងការជ្រើសរើសទៅតាមការគួរ។

#អត្ថប្រយោជន៍នៃកាមេរ៉ា Micro Four Thirds

មានតួតូច ដោយសារគ្មានកញ្ចក់ប្រើក្នុងតួកាមេរ៉ា
មាន Lens តូច និងស្រាល ដោយសារមិនត្រូវការបង្កើតជាទំហំធំនៃរូបភាពលើ Sensor
តម្លៃមានតាមប្រភេទ សម្រាប់កាមេរ៉ា 4/3។ Panasonic មានប្រកួតប្រជែងនៅកម្រិតតម្លៃទាប ខណៈ Olympus ស្ថិតនៅកម្រិតតម្លៃជាមធ្យមនៃកាមេរ៉ា DSLR សម្រាប់កាមេរ៉ា 4/3 របស់ពួកគេ។
មានបច្ចេកវិទ្យា Cutting edge ជាឧទាហរណ៍ Olympus OMD អាចឲ្យអ្នកឃើញនូវរូបភាពភ្លឺឡើងៗជាបន្តបន្ទាប់ពេលអ្នកចំហ Exposure កំឡុងពេលប្រើ Exposure រយៈពេលយូរនៅពេលយប់ បន្ទាប់មកអ្នកអាចបញ្ឈប់នូវ Exposure ពេលអ្នកពិនិត្យមើលឃើញល្អគ្រប់គ្រាន់។
មានភាពងាយស្រួលទុកដាក់ និងយកតាមខ្លួន
មាន Features មួយចំនួនដូចទៅនឹង DSLR ដូចជា Manual settings, hot shoe និងមួយចំនួនទៀត
មាន Focal lengths វែង ដោយ Lens 100mm លើកាមេរ៉ា Micro 4/3 ដូចទៅនឹង Lens 200mm លើកាមេរ៉ា DSLR ប្រភេទ Full-frame។ វាមានភាពល្អប្រសើរសម្រាប់ការថតរូបទេសភាពជីវិតសត្វព្រៃ និងសកម្មភាពកីឡា។

#ចំណុចគួរដឹងមុនពេលចង់ប្ដូរកាមេរ៉ា DSLR ទៅកាមេរ៉ា Micro Four Thirds

មិនមាន Optical viewfinder ប៉ុន្តែ Electronic viewfinder មានលក្ខណៈល្អប្រសើរឡើងៗ ដែលអាចប្រកួតបានជាមួយនឹង Optical viewfinder នៅចំណុចមួយចំនួន
Lens កាមេរ៉ា Micro 4/3 មានការពង្រឹងគុណភាពជាបន្តបន្ទាប់ ប៉ុន្តែនៅមិនទាន់ដល់បណ្ដាល Lens របស់កាមេរ៉ា DSLR នោះទេ។
Auto focus មានលក្ខណៈយឺត។ ប្រសិនបើអ្នកថតរូបភាពមានចលនា អ្នកនឹងមានការខកចិត្តលើកាមេរ៉ា Micro 4/3។ ត្បិតតែកាមេរ៉ាថ្មីៗ មានការពង្រឹងគុណភាព ប៉ុន្តែនៅមិនដល់កាមេរ៉ា DSLR។
សមត្ថភាពនៅកម្រិតពន្លឺទាបមានកំណត់ ដោយសារកាមេរ៉ានេះមានទំហំ Sensor តូច វាមិនមានផលល្អលើស្ថានភាពមានកម្រិតពន្លឺទាប ដូចទៅនឹង DSLR នោះទេ។ ជារួម ការថតរូបភាពពេលយប់ មិនគួរប្រើកាមេរ៉ានេះទេ។

អ្នកគួរពិចារណាលើប្រភេទរូបភាពដែលអ្នកថត ប្រសិនបើអ្នកចង់ថតប្រភេទរូបភាព សកម្មភាពកីឡា មង្គលការ ទេសភាពជីវិតសត្វព្រៃ ឬទេសភាពទូទៅ អ្នកគួរបន្តប្រើ ឬប្រើ កាមេរ៉ា DSLR។ ប្រសិនបើអ្នកចង់ត្រឹមតែថតរូបភាពធម្មតាៗ ឬមិនចង់ប្រើកាមេរ៉ាធ្ងន់ៗ អ្នកអាចពិចារណាលើកាមេរ៉ា Micro Four Thirds។ ម្យ៉ាងវិញទៀត កាមេរ៉ា Micro 4/3 នេះក៏អាចផលិតរូបភាពបានល្អផងដែរលើការថតប្រភេទ ដំណើរកំសាន្ត ផ្លូវ ឬព្រឹត្តិការណ៍ផ្សេងៗ៕

ប្រភព៖ Improve Photography ប្រែសម្រួល ៖ ប៊ុន ធឿន