ដំណឹងល្អ! បង់រំលោះការប្រាក់០% សម្រាប់ទូរសព្ទ Samsung ស៊េរី S និង NOTE

2017-10-29 00:08:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹងល្អសម្រាប់អ្នកដែលស្រឡាញ់ និងគាំទ្រទូរសព្ទដៃសាមសុងស៊េរី S និង NOTE រួមមាន Galaxy NOTE8, Note FE, S8+ និង S8 ជាមួយនឹងការប្រាក់ ០% រយៈពេល ៦ ខែ។

ទូរសព្ទដៃសាមសុងជំនាន់ចុងក្រោយនៃត្រកូល S គឺ S8 | S8+ ដែលបានចេញលក់កាលពីខែ ឧសភាកន្លងទៅ ទទួលបានការពេញនិយមខ្លាំង ជាមួយនឹងលក្ខណៈពិសេសនៃការរចនាស្រស់ស្អាត អេក្រង់ធំស្ទើរគ្មានគែម បំពាក់ដោយកាមេរ៉ាសមត្ថភាពខ្ពស់ជាដើម ។

ឯទូរសព្ទដៃ NOTE8 ក៏ជាទូរសព្ទដៃប្រភេទអេក្រង់ធំស្ទើរគ្មានគែម តែកោងនៅគែមសងខាង។ កាមេរ៉ាភ្លោះរបស់ NOTE8 មានសមត្ថភាពខ្ពស់ក្នុងការប្តូរទិសដៅនៃភាពច្បាស់ រឺស្រអាប់ សូម្បីតែក្រោយពេលថតរូបរួច និងលក្ខណៈពិសេសជាច្រើនទៀត។

ចំណែកទូរស័ព្ទ Note FE គឺជាប្រភេទទូរស័ព្ទថ្មីមួយដែលផលិតឡើងដើម្បីជាការលើកទឹកចិត្តដល់អ្នកនិយមគាំទ្រទូរស័ព្ទដៃស៊េរី Note ដោយមានលក្ខណៈពិសេស ដូចជាបំពាក់ដោយប្រព័ន្ធ IP68 ធន់នឹងទឹក និងធូលី ទាំងទូរស័ព្ទ និងប៊ិក S Pen ដែលជាប្រព័ន្ធការពារលំដាប់កំពូល និងការកម្សាន្តគ្មានដែនកំណត់។

អតិថិជននឹងត្រូវបង់ប្រាក់ត្រឹមតែ ៣០%មុនប៉ុណ្ណោះ ចំណែកឯ ៧០% ទៀត នឹងត្រូវបង់រំលោះ ក្នុងរយៈពេល ៦ ខែ ជាមួយការប្រាក់ ០% ដែលក្រុមហ៊ុនសាមសុងបាន សហការជាមួយធនាគារឯកទេស អ៊ីអន ។

ការផ្តល់ជូនពិសេស នឹងចាប់ផ្តើមឡើងចាប់ពីថ្ងៃទី ១ វិច្ឆិកា ដល់ថ្ងៃទី ៣១ ខែធ្នូ ឆ្នាំ២០១៧ នៅតាម ហាងទំនើបសាមសុង និងដេប៉ូចែកចាយចំនួន ៦២ កន្លែង ទូទាំងខេត្តក្រុង ដែលមានស្លាកសម្គាល់ ឬមានបុគ្គលិក នៃធនាគារឯកទេសអ៊ីអននៅរង់ចាំបម្រើសេវាកម្មបង់រំលោះជូនអ្នក៕