ដឹងទេ ក្នុង១ថ្ងៃបុគ្គលល្បី និងសម្បូរទ្រព្យទាំង ១៥រូបនេះរកចំណូលបានប៉ុន្មាន?
- 2017-10-31 00:03:00
- ចំនួនមតិ 0 | ចំនួនចែករំលែក 0
ដឹងទេ ក្នុង១ថ្ងៃបុគ្គលល្បី និងសម្បូរទ្រព្យទាំង ១៥រូបនេះរកចំណូលបានប៉ុន្មាន?
ចន្លោះមិនឃើញ
ថ្មីៗនេះ ទស្សនាវដ្ដីដ៏ល្បី Forbes បានបង្ហាញពីទិន្នន័យ បុគ្គលល្បីៗដែលមានប្រាក់ចំណូលប្រចាំថ្ងៃខ្ពស់ជាងគេ ក្នុងពិភពលោក។
តាមតួលេខដែលបានបង្ហាញ មានជនល្បីៗជាច្រើនរួមមាន៖ ព្រះមហាក្សត្រយានី Elizabeth, មហាសេដ្ឋី Bill Gates, តារាចម្រៀង Adele, អតីតកីឡាករបាល់ទាត់ David Beckem និងបុគ្គលឆ្នើមជាច្រើនរូបទៀត។ ដើម្បីជ្រាបច្បាស់ថា ពួកគេមានចំណូលក្នុង ១ថ្ងៃប៉ុន្មាន? សូមទស្សនាដូចតទៅ៖
១. ស្ថាបនិក Microsoft Bill Gates
រកចំណូលបាន ៧,១លានផោន (ប្រហែល ៩លានដុល្លារ) ក្នុង ១ថ្ងៃ។
២. ព្រះអង្គម្ចាស់នៃ ទីក្រុង Westminster ព្រះនាម Hugh Grosvenor
មានចំណូលប្រចាំថ្ងៃ ២១៦ ៩៨៦ផោន (ប្រហែល ២៨៥ ១៣៩ដុល្លារ)។
៣. អ្នកនិពន្ធ J.K. Rowling
អ្នកនិពន្ធរឿង "Harry Potter” រូបនេះ អាចរកចំណូលបានពីសៀវភៅ ភាពយន្ត និងការសម្ដែងផ្សេងៗជាច្រើន។ ក្នុងមួយថ្ងៃអ្នកស្រី អាចរកបាន ១៩៨ ០៨២ផោន (ប្រហែល ២៦០ ២៩៧ដុល្លារ)។
៤. តារាចម្រៀង Adele
តារាស្រីរូបនេះ អាចរកចំណូលបាន ប្រមាណ ១៤៣ ៨៣៦ផោន (ប្រហែល ១៨៩ ០១៣ដុល្លារ) ក្នុង១ថ្ងៃ។
៥. តារាសម្ដែង David Beckham
អតីតកីឡាករបាល់ទាត់ជើងខ្លាំងរូបនេះ ក៏មានសមត្ថភាពអាចរកប្រាក់មិនធម្មតាដែរ ពឹងផ្អែកលើទេពកោសល្យ និងកេរ្តិ៍ឈ្មោះរបស់លោក។ តាមទិន្នន័យ លោកអាចរកបាន ១៣៥ ៦១៦ផោន (ប្រហែល ១៧៨ ២១១ដុល្លារ) ឯណោះក្នុង ១ថ្ងៃ។
៦. តារាចម្រៀង Sir Elton John
ចំណែកតារាប្រុសវ័យ ៧០ឆ្នាំរូបនេះវិញ ត្រូវបានគេរាយការណ៍ថា អាចរកចំណូលបានដល់ទៅ ១២៥ ២៣២ផោន (ប្រហែល ១៦៤ ៥៦៦ដុល្លារ) ក្នុង ១ថ្ងៃ។
៧. ព្រះមហាក្សត្រយានី Elizabeth
មានប្រាក់ចំណូលប្រចាំថ្ងៃ ១១៧ ២៦០ផោន (ប្រហែល ១៥៥ ០៩០ដុល្លារ)
៨. អ្នកប្រណាំងឡាន Lewis Hamilton
អ្នកប្រណាំងឡានដ៏ល្បីរូបនេះ អាចរកចំណូលប្រចាំថ្ងៃខ្ទង់ ៩៥ ៨៩០ផោន (ប្រហែល ១២៦ ០០៨ដុល្លារ)។
៩. តារាចម្រៀង Ed Sheeran
ម្ចាស់បទ "Shape Of You” ឯណេះវិញ ក៏មិនធម្មតាដែរ ពោលលោកអាចរកបាន ៧៦ ៩៨៦ផោន (១០១ ១៦៦ដុល្លារ) ក្នុង១ថ្ងៃ។
១០. តារាសម្ដែង Jennifer Lawrence
Jennifer អាចទទួលចំណូលបាន ៤៩ ៨៦៣ផោន (ប្រហែល ៦៥ ៥២៤ដុល្លារ) ក្នុង ១ថ្ងៃ។
១១. តារាសម្ដែង Cara Delevingne
Cara ក៏មិនចាញ់បុគ្គលល្បីផ្សេងទៀតប៉ុន្មានដែរ ដោយក្នុង ១ថ្ងៃ នាងអាចរកបាន ២១ ៩១៧ផោន (ប្រហែល ២៨ ៨០០ដុល្លារ)។
១២. ពិធីករ James Corden
តារាប្រុសសម្បូរសំនួនវោហារ James Corden មានចំណូលប្រចាំថ្ងៃ ៥ ៤៧៩ ផោន (ប្រហែល ៧ ១១៩ដុល្លារ)។
១៣. ព្រះអង្គម្ចាស់ William
ព្រះអង្គម្ចាស់ អង្គនេះមានចំណូល ៥ ៣១៥ផោន (ប្រហែល ៦ ៩៨៤ដុល្លារ) ក្នុង១ថ្ងៃ។
១៤. ពិធីការិនីទូរទស្សន៍ Claudia Winkleman
នាងអាចរកចំណូលបាន ១ ៩១៨ផោន (ប្រហែល ២ ៥២០ដុល្លារ) ក្នុង១ថ្ងៃ។
១៥. លោកស្រី Theresa May
ចុងក្រោយគេ គឺអ្នកនយោបាយជនជាតិអង់គ្លេស Theresa May ដែលមានចំណូល ៤១២ផោន (ប្រហែល ៥៤១ ដុល្លារ) ក្នុង១ថ្ងៃ៕