ជួបមនុស្សយន្តមានសញ្ជាតិ ដែលធ្លាប់និយាយថាចង់កម្ទេចមនុស្ស
- 2017-10-31 03:23:25
- ចំនួនមតិ 0 | ចំនួនចែករំលែក 0
ជួបមនុស្សយន្តមានសញ្ជាតិ ដែលធ្លាប់និយាយថាចង់កម្ទេចមនុស្ស
ចន្លោះមិនឃើញ
Sophia ជាឈ្មោះមនុស្សយន្តមួយ ដែលនាងប្រហែលជាមិនមានបេះដូង ឬ ខួរក្បាលនោះទេ ប៉ុន្តែមានសញ្ជាតិជាជនជាតិអារ៉ាប៊ីសាអ៊ូឌីត។ នៅថ្ងៃទី ២៥ ខែតុលាកន្លងទៅ Sophia ជាមនុស្សយន្តដំបូងគេក្នុងប្រវត្តិសាស្ត្រដែលមានសញ្ជាតិពេញលេញ។
Sophia បង្កើតឡើងដោយក្រុមហ៊ុន Hanson Robotics ដឹកនាំដោយ David Hanson ដែលជាអ្នកផលិត AI។ ពីមុន Sophia ធ្លាប់និយាយលេងសើចថានឹងកម្ទេចមនុស្សលោក ប៉ុន្តែលើកនេះនាងនិយាយអំពីគោលបំណងចង់រស់នៅដោយស្ងប់សុខជាមួយមនុស្សលោក។ ខាងក្រោមនេះជារឿងរ៉ាវមួយចំនួនអំពី Sophia ៖
Sophia ឌីហ្សាញឡើងតាមទម្រង់មុខតារាស្រីអង់គ្លេសឈ្មោះ Audrey Hepburn ដោយមានច្រមុះរាងស្ដើងស្រួច
David Hanson បង្កើតមនុស្សយន្តនេះឡើង ក្នុងគោលបំណងជួយដល់មនុស្សចាស់ជរាដែលត្រូវការការមើលថែ និងជួយដល់ការងារសង្គមទូទៅ។ Hanson បានប្រាប់ដល់សារព័ត៌មាន Business Insider កាលពីខែមករាថា ៖ "បំណងរបស់យើងជាមួយនឹង Sophia គឺចង់យកបទពិសោធន៍ជាមនុស្សបញ្ចូលលើមនុស្សយន្ត, ផលិតមនុស្សយន្តដែលអាចយល់ និងខ្វាយខ្វល់ពីពួកយើង (មនុស្ស)”។
គ្រឿងបង្គំក្នុងខួរក្បាល Sophia អាចបង្កើតចេញជាទឹកមុខច្រើនប្រភេទ មិនតែប៉ុណ្ណោះក៏មានជា Machine Learning ដែលអាចរក្សាទុកការសន្ទនាក្នុងមេមូរី ដើម្បីអាចឲ្យ Sophia ឆ្លើយសំនួរក្នុងពេលជាក់ស្ដែងបាន។
សមត្ថភាពនៃការបញ្ចេញទឹកមុខរបស់ Sophia នៅមានកម្រិតនៅឡើយ។ នាងអាចបង្ហាញទឹកមុខរីករាយ ៖
នាងអាចចងចិញ្ចើម និងធ្វើមាត់ពេប ដើម្បីបង្ហាញទឹកមុខកម្សត់ ៖
និងអាចញេញធ្មេញដើម្បីបង្ហាញពីទឹកមុខខឹងផងដែរ ៖
Hanson បានចំណាយពេលពេញមួយឆ្នាំ ២០១៧ ដើម្បីនាំ Sophia ដើរជុំវិញពិភពលោក។ គោលបំណងរបស់គាត់ចង់ឲ្យមនុស្សម្នាបានឃើញមុខរបស់ Sophia និងដើម្បីបង្ហាញឲ្យឃើញពីការរីកចម្រើនលើបច្ចេកវិទ្យា AI។ Sophia ក៏ជាទីចាប់អារម្មណ៍របស់អ្នកសារព័ត៌មានដែរ ដោយធ្លាប់ផ្ដល់បទសម្ភាសន៍ដល់សារព័ត៌មានមួយចំនួន, ច្រៀងនៅកម្មវិធីប្រគំតន្ត្រី និងធ្លាប់បង្ហាញមុខលើក្របទស្សនាវដ្ដីមួយទៀតផង។
Sophia ជាប្រភេទមនុស្សយន្តដែលមានតែមួយគត់ ដែលមានន័យថានឹងមិនមានដាក់លក់លើទីផ្សារឡើយ។ ឆាប់ៗនេះ Hanson នឹងបង្ហាញចេញមនុស្សយន្តផ្សេងទៀតដើម្បីចូលរួមជាគ្រួសារមនុស្សជាមួយ Sophia ឬ ជាសង្គមមនុស្សមួយតែម្ដង៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
