សួនកម្សាន្តបែបមូលដ្ឋានមនុស្សក្រៅភព ត្រៀមបើកដំណើរការហើយនៅចិន
- 2017-10-31 04:26:24
- ចំនួនមតិ 0 | ចំនួនចែករំលែក 0
សួនកម្សាន្តបែបមូលដ្ឋានមនុស្សក្រៅភព ត្រៀមបើកដំណើរការហើយនៅចិន
ចន្លោះមិនឃើញ
សួនកម្សាន្តមួយនៅចិន កំពុងតែអន្ទងចិត្តមនុស្សជាច្រើនឲ្យត្រៀមចូលទស្សនា បន្ទាប់ពីរូបថតបង្ហាញពីសំណង់នៅទីនោះប្រៀបដូចមូលដ្ឋានមនុស្សក្រៅភពដែលគេធ្លាប់តែឃើញក្នុងខ្សែភាពយន្តហូលីវូដ។
សួនកម្សាន្តនេះមានឈ្មោះ East Valley of Science and Fantasy ឬ Alien Base ស្ថិតនៅទីក្រុង Guiyang ខេត្ត Guizhou ភាគនិរតីប្រទេសចិន។ អ្នកចូលចិត្តលេងហ្គេមបាញ់ប្រហារ ប្រាកដជាចង់ធ្វើដំណើរទៅមើលផ្ទាល់ភ្នែក ដើម្បីសាកល្បងបទពិសោធន៍ថ្មីមើលទៅដូចពិតៗ។
កន្លែងទាក់ទាញបំផុតមួយក្នុងសួនកម្សាន្តនេះ គឺរូបចម្លាក់ Transformer ដ៏ធំមហិមា កម្ពស់ ៥៣ម៉ែត្រ ទម្ងន់ដល់ទៅ ៧៥០តោន ស្មើនឹងទម្ងន់យន្តហោះ Boeing 747 ចំនួន ២គ្រឿង បើគិតជាទឹកប្រាក់ ចំណាយប្រមាណ ១៤លានដុល្លារ។
សួនកម្សាន្តបែបពិភព Alien នេះស្ថិតនៅលើផ្ទៃដី ១,៣គីឡូម៉ែត្រការ៉េ ទឹកប្រាក់ចំណាយអស់ជាង ១,៣ពាន់លានដុល្លារ ទទួលការសាងសង់ដោយក្រុមហ៊ុន Oriental Times Media Corp និងគ្រោងបើកដំណើរការនៅខែធ្នូខាងមុខនេះហើយ៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
