NASA បង្ខំឱ្យបញ្ចប់បេសកកម្មបាញ់ផ្កាយរណបភ្លោះពាក់កណ្តាលទី ក្រោយមានបញ្ហាតូចមួយ
- 2017-10-31 12:50:00
- ចំនួនមតិ 0 | ចំនួនចែករំលែក 0
NASA បង្ខំឱ្យបញ្ចប់បេសកកម្មបាញ់ផ្កាយរណបភ្លោះពាក់កណ្តាលទី ក្រោយមានបញ្ហាតូចមួយ
ចន្លោះមិនឃើញ
ទីភ្នាក់ងារអវកាសអាមេរិក NASA ឱ្យដឹងថា ផ្កាយរណបមួយគូររបស់អាល្លឺម៉ង់និងអាមេរិកដែលបានបាញ់បង្ហោះតាំងពី ១៥ ឆ្នាំមុនក្នុងគោលដំណងដើម្បីគូសកំណត់ផែនទីដែនទំនាញតែងតែប្រែប្រួលរបស់ផែនដីបាន បញ្ចប់បេសកកម្មពាក់កណ្តាលទីក្រោយរកឃើញបញ្ហាថ្ម។
ផ្កាយរណបភ្លោះ Gravity Recovery and Climate Experiment (ស្តារឡើងវិញនូវទំនាញ និងការពិសោធន៍អាកាសធាតុ) ហៅកាត់ថា GRACE-1 និង GRACE-2 ធ្វើការវាស់វែងបាននៅពេលដែលពួកវាទាំងពីរបំពេញមុខងារយ៉ាងពេញលេញតែ GRACE 2 ជួបប្រទះបញ្ហាថ្មកាលពីខែកញ្ញា។
អង្គការ NASA និយាយក្នុងសេចក្តីថ្លែងការណ៍ថា សមត្ថភាពថ្មដែលនៅសេសសល់របស់ GRACE-2 និងមិនគ្រប់គ្រាន់ដើម្បីប្រតិបត្តិការឧបករណ៍វិទ្យាសាស្ត្រនិងបញ្ចូនព័ត៌មាននោះទេ ។ ហេតុដូចនេះទើបភ្នាក់ងារសម្រេចបញ្ឈប់ការប្រើប្រាស់ផ្កាយរណប GRACE-2 ហើយបញ្ចប់បេសកកម្មវិទ្យាសាស្ត្រGRACE តែម្តង។
GRACE-2 បានចាប់ផ្តើមហោះចេញពីគន្លងក្នុងដំណើរយឺតៗ និងចូលបរិកាសឡើងវិញនៅខែធ្នូឬខែមករារីឯGRACE-1 វិញនៅតែដំណើការជាធម្មតារហូតដល់ដំណាច់ឆ្នាំ ២០១៧ ហើយការឈប់ប្រើប្រាស់របស់វា និងចូលបរិយាកាសវិញនៅដើមឆ្នាំ ២០១៨ ។ បេសកម្មដែលគ្រោងនឹងបន្តបេសកម្ម GRACE ត្រូវគេស្គាល់ថា GRACE Follow-On គ្រោងនឹងដំណើការបាញ់នៅដើមឆ្នាំ ២០១៨
ផ្កាយរណប GRACE បានដំណើរការក្នុងខែមិនាឆ្នាំ ២០០២ ដែលមានបេសកម្មរយៈពេល ៥ ឆ្នាំបានបង្ហាញពីទិន្នន័យរបៀបនៃ ទឹក ទឹកកកនិងម៉ាស់ដ៏រឹងមាំរបស់ផែនដីផ្លាស់ទី ឬក៏នៅជិតផ្ទៃខាងក្រៅរបស់ផែនដីដោយសារតែការផ្លាស់ប្តូររដូវ ដំណើរការអាកាសធាតុ រញ្ជួយដីនិងសូម្បីតែសកម្មភាពរបស់មនុស្ស៕