រុស្ស៊ីឆាប់ៗនេះនឹងមានអាវុធប្រភេទថ្មី ដែលលោកខាងលិចខ្លាចជាងមីស៊ីលទាំងអស់របស់រុស្ស៊ីរួមបញ្ចូលគ្នាទៅទៀត
- 2017-11-02 08:47:01
- ចំនួនមតិ 0 | ចំនួនចែករំលែក 0
រុស្ស៊ីឆាប់ៗនេះនឹងមានអាវុធប្រភេទថ្មី ដែលលោកខាងលិចខ្លាចជាងមីស៊ីលទាំងអស់របស់រុស្ស៊ីរួមបញ្ចូលគ្នាទៅទៀត
ចន្លោះមិនឃើញ
អង្គការណាតូបានចោទប្រកាន់រុស្ស៊ីឥតឈប់ឈរថារំលោភលើសន្ធិសញ្ញាស្ដីពីការលុបបំបាត់មីស៊ីលចម្ងាយមធ្យមនិងមីស៊ីលចម្ងាយខ្លី (សន្ធិសញ្ញា INF) ។ ទន្ទឹមនឹងនោះដែរ អង្គការណាតូបានអភិវឌ្ឍប្រភេទអាវុធថ្មីជាមូលដ្ឋានជាច្រើនប្រភេទ ពីព្រោះមីស៊ីលបញ្ជាទិស Tomahawk អាចផ្ទុកតែលើជើងទម្រ Mk-41 ដែលត្រូវបានដាក់ពង្រាយនៅមូលដ្ឋានការពារមីស៊ីលនៅក្នុងប្រទេសរ៉ូម៉ានីនិងប៉ូឡូញ។
ទន្ទឹមនឹងនេះដែរ ប្រទេសរុស្ស៊ីបន្តធ្វើការងារលើផលិតអាវុធបញ្ចេញកាំស្មីកម្តៅមួយប្រភេទ ដែលលោកខាងលិចខ្លាចជាងមីស៊ីលទាំងអស់របស់រុស្ស៊ីរួមបញ្ចូលគ្នាទៅទៀត។ ថ្មីៗនេះ លោក វ៉ាល់ឡឺរី កាស៊ីន (Valery Kashin) អ្នកចេញម៉ូតវិស្វកម្មមេកានិកនៃក្រុមហ៊ុនស្រាវជ្រាវនិងផលិតកម្មសាជីវកម្ម JSC បានឆ្លើយតបនឹងការចោទប្រកាន់មួយចំនួនពីសំណាក់អង្គការណាតូ ដែលថាមីស៊ីល Iskander របស់រុស្ស៊ីគឺហួសដែនកំណត់ត្រឹមរយៈចម្ងាយ ៥០០ គីឡូម៉ែត្រ។
ស្របពេលដូចគ្នានេះដែរ ប្រទេសរុស្សីបានសាកល្បងអាវុធជាច្រើន ដោយផ្អែកលើគោលការណ៍រូបវិទ្យាថ្មី។ ជាក់ស្តែង កាំភ្លើងនឺត្រុង (Neutron Gun) របស់រុស្ស៊ី ដែលបង្កើតឡើងដោយវិទ្យាស្ថានស្រាវជ្រាវស្វ័យប្រវត្តិរុស្ស៊ី និងដាក់ឈ្មោះតាមលោក N.L. Dukhov ដែលត្រូវបានដាក់នៅលើយាន Curiosity ក្រោមកិច្ចព្រមព្រៀងរវាងអង្គការណាសា (NASA) និង អង្គការរ៉ូសកូស្មូស (Roscosmos) នោះ បានកំពុងកែលម្អរឹតតែប្រសើរឡើង។ បច្ចេកវិជ្ជានេះពុំទាន់មាននៅសហរដ្ឋអាមេរិកទេ ប៉ុន្តែម៉ាស៊ីនប្រូតុងរបស់កាំភ្លើងនឺត្រុងនេះគឺមានអនុភាពខ្លាំងជាងអាវុធឡាស៊ែររបស់អាមេរិកទៅទៀត។ គ្រាន់តែបាញ់មួយឆ្វាច់ វាអាចធ្វើបំផ្លាញម៉ាស៊ីនរ៉េអាទ័រនុយក្លេអ៊ែរឬក្បាលគ្រាប់នុយក្លេអ៊ែរបាន។
បញ្ជីនៃអាវុធទាំងនេះក៏រួមបញ្ចូលផងដែរនូវអ្វីដែលគេហៅថាអេក្រង់ប្លាស្មា ដែលមានសមត្ថភាពបំផ្លាញមីស៊ីលឆ្លងទ្វីបនៅពាក់កណ្តាលអាកាស។ ក្រុមអ្នកជំនាញកត់សម្គាល់ថាការផលិតឧបករណ៍បង្កើនល្បឿនប្រូតុង ត្រូវបានបញ្ចូលនៅក្នុងកម្មវិធីអាវុធរបស់រដ្ឋរុស្ស៊ីសម្រាប់ឆ្នាំ ២០១៨-២០២៥៕