កីឡាករបាល់ទាត់១០រូប ដែលរត់លឿនបំផុត

2017-11-05 07:22:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ល្បឿនរបស់កីឡាករបាល់ទាត់ ខុសពីល្បឿនរត់ប្រណាំង ខុសត្រង់ថា ល្បឿនរបស់កីឡាករសំដៅដល់ ល្បឿននៃការគ្រប់គ្រងបាល់ និង ការបញ្ជូន គឺមិនរត់ត្រង់ទៅមុខដូចអត្តពលិកទេ។ តួយ៉ាង កំណត់ត្រារបស់ស្តេចល្បឿន Usain Bolt ធ្វើបានគឺ ៤៤,៧២ គ.ម ក្នុង១ម៉ោង ខណៈកីឡាករបាល់ទាត់១០រូបខាងក្រោមនេះ មានម្នាក់រត់លឿនបំផុត ត្រឹមជិត៣៧ គ.ម ក្នុង១ម៉ោង ប៉ុណ្ណោះ។ អ្វីដែលគួរឲ្យភ្ញាក់ផ្អើលជាងនេះទៅទៀត គឺថា ក្នុងចំណោមកីឡាករកំពូលល្បឿនទាំង១០របស់ពិភពលោក មាន៣នាក់ជាកីឡាករអង់គ្លេស។

១០ Wayne Rooney ល្បឿន ៣១,២ គីឡូម៉ែត្រ / ម៉ោង

អតីតកីឡាករ Man Utd ធ្លាប់ជាកីឡាករដែលជារឿយៗតែងរកគ្រាប់បាល់ឲ្យក្លឹប និង ធ្លាប់ជាកីឡាករល្បឿនលឿនម្នាក់ បើទោះជាបច្ចុប្បន្នទាំងល្បឿន និង ការស៊ុតបញ្ចូលទីរបស់លោកធ្លាក់ចុះក្តី។

៩ Lionel Messi ល្បឿន ៣២,៥ គីឡូម៉ែត្រ / ម៉ោង

ម្ចាស់ពានរង្វាន់ Ballon d'Or ៥សម័យកាល គឺជាកីឡាករកំពូលល្បឿនលំដាប់ទី៣នៅអេស្ប៉ាញ និង លេខ៩នៅលើពិភពលោក។

៨ Theo Walcott ល្បឿន ៣២,៧ គីឡូម៉ែត្រ / ម៉ោង

Walcott កីឡាករសញ្ជាតិអង់គ្លេស បានចូលលេងក្នុងនាមជាខ្សែបម្រើស្លាបដំបូងឲ្យ Arsenal ក្នុងវ័យ ១៦ ឆ្នាំ កាលពីឆ្នាំ ២០០៦ ហើយបច្ច័យល្អដែលធ្វើឲ្យកីឡាកររូបនេះលេចធ្លោគឺ ល្បឿន។

៧ Cristiano Ronaldo ល្បឿន ៣៣,៦ គីឡូម៉ែត្រ / ម៉ោង

ម្ចាស់ពាន FIFA's Best Player វ័យ៣២ឆ្នាំ មិនចូលចិត្តពាក់ស្បែកជើងបាល់ទាត់កវែងពណ៌ខ្មៅទេ ព្រោះលោកយល់ថាពណ៌ខ្មៅមើលទៅយឺត ហើយលោកចង់មានអារម្មណ៍ថារត់លឿន។

៦ Aaron Lennon ល្បឿន ៣៣,៨ គីឡូម៉ែត្រ / ម៉ោង

កីឡាករសញ្ជាតិអង់គ្លេសរូបនេះ ត្រូវបានគេប្រៀបទៅនឹងម៉ាស៊ីនជក់ខ្យល់ បានន័យថាកាន់តែរត់កាន់តែលឿន។

៥ Pierre-Emerick Aubameyang ល្បឿន ៣៤,៦ គីឡូម៉ែត្រ / ម៉ោង

ខ្សែប្រយុទ្ធសញ្ជាតិហ្គាបុង (ប្រទេសនៅតំបន់អាហ្វ្រិកកណ្តាល) របស់ក្លឹប Borussia Dortmund មានល្បឿនលឿនជាងកំពូលកីឡាករ Messi និង Ronaldo ទៅទៀត។

៤ Antonio Valencia ល្បឿន ៣៥,១ គីឡូម៉ែត្រ / ម៉ោង

តំណែងរបស់ Antonio Valencia នៅក្រុមបិសាចក្រហម លេងជាខ្សែការពារស្លាបផង និង ខ្សែបម្រើស្លាបផង ដោយសារការអំណោយផលទាំងល្បឿន និង កំលាំង របស់កីឡាករសញ្ជាតិអេក្វាឌ័រ។

៣ Jurgen Damm -៣៥,២ គីឡូម៉ែត្រ / ម៉ោង

ខ្សែបម្រើសញ្ជាតិម៉ិកស៊ិក Jurgen Damm វ័យ២៤ឆ្នាំ មានល្បឿនមិនធម្មតា តែរដូវកាលកន្លងទៅ លោកមិនសូវរកគ្រាប់បាល់បាន ឬ បញ្ជូនបាល់មិនសូវបានល្អឲ្យមិត្តរួមក្រុមទេ។

២ Orlando Berrio ៣៦ គីឡូម៉ែត្រ / ម៉ោង

ខ្សែប្រយុទ្ធសញ្ជាតិកូឡុំប៊ីរូបនេះមិនសូវល្បីទេ ប៉ុន្តែកីឡាកររូបនេះមានល្បឿនលឿនជាង កំពូលកីឡាករ Messi ដល់ទៅជាង៣គីឡូម៉ែត្រក្នុង១ម៉ោង។

១ Gareth Bale ល្បឿន ៣៦,៩ គីឡូម៉ែត្រ / ម៉ោង

នៅលើពិភពលោកនេះ មិនទាន់មានកីឡាករណារត់លឿនជាង កីឡាករវ័យ ២៨ឆ្នាំ របស់អធិរាជស Real Madrid ទេ។ កីឡាករកម្ពស់ ១,៨៥ ម៉ែត្រ ទម្ងន់៨២គីឡូក្រាម និងមានល្បឿនលឿនបំផុតអាចនិយាយថា នៅលើលោកនេះពិបាករកខ្សែការពារណាមកទប់ Gareth Bale ណាស់៕

ប្រភព៖ Mirror ប្រែសម្រួល៖ សុខ លាងហ៊ត

ពាក្យទាក់ទង

កីឡាបាល់ទាត់អន្តរជាតិ

អត្ថបទពេញនិយម

ដឹងអត់! ភាគច្រើនបញ្ហា ៥យ៉ាងនេះហើយដែលធ្វើឱ្យឡានចេញ Check

ភ្ញាក់ផ្អើលចំនួនភ្ញៀវទេសចរទៅលេងកំពត អំឡុងចូលឆ្នាំ៤ថ្ងៃ ក្រោយមានរូបសេះសមុទ្របាញ់ទឹក

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL

Tim Cook ទៅទស្សនកិច្ចនៅវៀតណាម ចង់ពង្រីកការវិនិយោគ! តើអាចទៅរួចទេ បើករោងចក្រដំឡើង iPhone?

តារាចម្រៀងរាប់ភ្លេចលើលោក ប៉ុន្តែមានតែ ២៩នាក់ជាប់ជា «បុគ្គលមានឥទ្ធិពលខ្លាំង» លើ Instagram

ពេញចិត្ត ឬមិនពេញចិត្ត ភឹម ស្រីនោ ស្នើរមហាជនរិះគន់ក្នុងន័យស្ថាបនាដល់ម្ចាស់ជយលាភី MGC 2024

អត្ថបទថ្មី

ខេត្តដែលទទួលបានភ្ញៀវទេសចរច្រើនជាងគេ និងតិចជាងគេបង្អស់ក្នុងឱកាសចូលឆ្នាំខ្មែរ

លីគកំពូលអង់គ្លេសនឹងប្រើបច្ចេកវិទ្យាថ្មីក្នុងការចាប់ Offside

Bayer Leverkusen ឈ្នះពានលីគអាល្លឺម៉ង់ បំបាក់ជើងឯកឆ្នាំចាស់ Bayern Munich

Mbappe មិនដូរចិត្ត ទោះជួយ PSG ឡើងវគ្គពាក់កណ្ដាលផ្ដាច់ព្រ័ត្រ UCL